De acordo co disposto no artigo 4 da Lei 7/1988, do 12 de xullo (DOG do 26 de xullo), de creación do Consello Galego de Relacións Laborais, as orga
nizacións sindicais e empresariais designarán os seus membros representativos, que serán nomeados polo conselleiro de Traballo e Benestar Social.
Facendo uso da posibilidade de substitución que acolle o artigo 5 da dita lei, a Confederación de Empresarios de Galicia acordou a substitución dun dos seus membros titulares e dun dos seus membros suplentes, da súa representación no consello.
A disposición adicional primeira do Decreto 227/1998, do 10 de xullo (DOG do 6 de agosto), polo que se establece a estructura orgánica da Consellería de Xustiza, Interior e Relacións Laborais sinala que «a Consellería de Xustiza, Interior e Relacións Laborais exercerá as funcións asignadas á extinta Consellería de Traballo e Benestar Social polo Lei 7/1998, do 12 de xullo, de creación do Consello Galego de Relacións Laborais.
Por todo o exposto, ó abeiro do artigo 4 da referida Lei 7/1988, e en uso das atribucións que teño conferidas,
DISPOÑO:
Artigo primeiro.-Nomear membro titular do Pleno do Consello Galego de Relacións Laborais, en representación da Confederación de Empresarios de Galicia, a José Manuel Pérez Garrido, en substitución de Celso Gallego Cortinas.
Artigo segundo.-Nomear membro suplente do Pleno do Consello Galego de Relacións Laborais, en representación da Confederación de Empresarios de Galicia, a Sonia Fernández Barciela, en substitución de José Manuel Pérez Garrido.
Santiago de Compostela, 16 de novembro de 1998.
Jesús Carlos Palmou Lorenzo
Conselleiro de Xustiza, Interior e Relacións
Laborais
10925