1. Obxecto da axuda.
O obxecto da axuda que regula estas bases é colaborar nos custos derivados do aluguer da vivenda habitual.
2. Beneficiarios.
O persoal ó servicio do Consello de Contas, que teña custos durante o ano 1998 derivados do aluguer da súa vivenda habitual.
3. Orzamento.
No ano 1998, destinarase a axudas para aluguer de vivenda un importe global de 1.500.000 ptas.
4. Período de cobertura.
O período de cobertura da axuda convocada conforme estas bases estenderase entre o 1 de xaneiro e o 31 de decembro de 1998. En ningún caso a convocatoria e concesión da axuda orixinará dereitos para exercicios posteriores.
5. Requisitos para a obtención da axuda.
A concesión da axuda estará supeditada ó cumprimento das seguintes condicións:
1. Que o solicitante teña contratado o aluguer con anterioridade ó remate do prazo de presentación de solicitudes de concesión de axuda.
2. Que a vivenda sexa a única que pode ser considerada como habitual do solicitante.
3. Que o solicitante ou o seu conxuxe no posúa vivenda en propiedade no termo municipal de residencia, ou, se é o caso, se xustifique a necesidade do aluguer.
6. Importe individual.
1. O importe que se lle condederá a cada beneficiario virá determinado polo reparto do montante asignado que resulte da aplicación do apartado 3 entre tódolos solicitantes que cumpran os requisitos establecidos, ata un máximo de 180.000 ptas.
2. Cando a suma do importe a percibir supere a renda anual do aluguer, minorarase pola diferencia que resulte.
3. No suposto de que o período de servicios prestados no Consello de Contas polo solicitante sexa inferior ó período de cobertura a axuda reducirase proporcionalmente ó tempo prestado.
7. Incompatibilidades.
A axuda establecida nestas bases é incompatible coa percepción por parte do beneficiario ou do seu cónxuxe doutra á vivenda, calquera que sexa a súa natureza, concedida por outro organismo oficial ou empresa privada agás que fose de contía inferior; neste caso se se acredita documentalmente a súa natureza e contía poderá solicitarse a diferencia ata a cantidade que en cada caso, corresponda. En todo caso deberá presentarse certificación do importe anual percibido, expedido polo organismo correspondente.
Esta axuda é incompatible coa axuda para a adquisición da vivenda establecida polo Consello de Contas durante o mesmo período.
8. Procedemento de solicitude.
As solicitudes dirixiranse ó conselleiro maior e presentaranse no modelo que figura como anexo I destas bases no rexistro xeral do Consello de Contas no prazo de quince días contados desde ó seguinte ó da publicación deste anuncio no Diario Oficial de Galicia.
9. Documentación.
a) Copia cotexada do contrato de arrendamento da vivenda.
b) Declaración responsable do solicitante na que se faga constar que a vivenda para a que solicita a axuda por aluguer constitúe a súa residencia habitual.
c) Certificación de residencia.
d) Comprobantes de pagamento do aluguer da vivenda desde o 1 de xaneiro de 1998 ata a data de presentación da solicitude de axuda.
e) Os beneficiarios destas axudas terán que acreditar como requisito previo ó pagamento, que se atopan ó corrente das súas obrigas tributarias e sociais e que non teñen pendente de pagamento ningunha débeda, por ningún concepto, coa Administración pública da Comunidade Autónoma nos supostos e dentro dos límites establecidos na lei.
10. Resolución e interpretación.
1. As solicitudes de axuda para aluguer da vivenda habitual serán resoltas pola Comisión de Goberno logo de informe do secretario xeral de que se axustan ás presentes bases.
2. O secretario xeral poderá solicitar do interesado a ampliación ou aclaración da documentación aportada e da súa adecuación á requerida nestas bases. A súa non presentación será motivo de denegación da axuda, previo acordo da Comisión de Goberno.
3. O órgano encargado de interpretar estas bases e de resolve-las dúbidas que se susciten na súa aplicación será a Comisión de Goberno.
11. Xustificación.
Os documentos a presentar coa instancia, servirán de xustificación, sen prexuízo dos actos de comprobación que poida establecer o órgano resolutorio.
12. Pagamento.
As axudas concedidas consonte estas bases seranlle aboadas ó interesado con cargo á conta bancaria pola que percibe as súas retribucións, ou en calquera outra que el solicite.
Santiago de Compostela, 12 de novembro de 1998.
Carlos G. Otero Díaz
Conselleiro maior
10595