A convocatoria de axudas para o fomento de métodos de producción agrícola e gandeira compatibles coa protección do ambiente e a conservación do espacio natural efectuouse por orde da Consellería de Agricultura, Gandería e Política Agroalimentaria do 19 de outubro de 1998 (DOG do 23 de outubro).
No parágrafo 2º do artigo 37 da antedita disposición especificábase que o prazo da presentación das solicitudes remataría o 15 de novembro de 1998, prazo que é necesario prorrogar para darlles tempo abondo ós interesados para que presenten as súas solicitudes.
En consecuencia, de acordo co disposto no artigo 30.1º.3 do Estatuto de autonomía de Galicia e en uso das competencias que me confiere a Lei 1/1983, do 22 de febreiro, reguladora da Xunta e do seu presidente,
DISPOÑO:
Artigo único.-Modifícase o parágrafo 2º do artigo 37 da orde da Consellería de Agricultura, Gandería e Política Agroalimentaria, do 19 de outubro de 1998, pola que se establecen medidas para o fomento de métodos de producción agrícola e gandeira compatibles coa protección do ambiente e a conservación do espacio natural, que queda redactado do seguinte xeito:
O prazo da presentación das solicitudes finalizará o 30 de novembro de 1998.
Disposición derradeira
Esta orde entrará en vigor o mesmo día ó da súa publicación no Diario Oficial de Galicia.
Santiago de Compostela, 9 de novembro de 1998.
Cástor Gago Álvarez
Conselleiro de Agricultura, Gandería e Política
Agroalimentaria
9731
