Obxecto do contrato: o obxecto do contrato é a subministración e instalación de equipamento para o Teatro Pastor Díaz de Viveiro, consonte as pres

cricións técnicas incluídas no proxecto de rehabilitación do Teatro Pastor Díaz.

O licitador non está vinculado polas marcas comerciais das unidades a subministrar que constan no proxecto, podendo propor outras de calidade e características substancialmente idénticas.

Tipo de licitación: o orzamento do contrato, que servirá de base de licitación, ascende a un total de vintesete millóns cento corenta e oito mil cento sesenta pesetas (27.148.160 ptas.), IVE incluído.

Cumprimento do contrato: as diferentes unidades do equipamento entregaranse e instalaranse no prazo de dous meses, contados desde a subscrición do contrato administrativo.

Pagamento do prezo de adxudicación da subministración: o pagamento do prezo do remate efectuarase contra acordo aprobatorio da certificación da instalación das diferentes unidades de equipamento, dentro dos dous meses seguintes á expedición daquela.

Publicidade dos pregos de cláusulas administrativas particulares e de prescricións técnicas: estarán de manifesto tódolos días hábiles nas oficinas municipais, Negociado de Obras e Urbanismo.

Garantía definitiva: o 4% do orzamento do contrato.

Presentación de proposicións: durante os 26 días naturais seguintes á publicación do anuncio de licitación no derradeiro dos boletíns oficiais (BOP e DOG). No caso de que o día vixésimo sexto coincida en sábado, domingo ou festivo, o prazo entenderase prorrogado ata o día laborable seguinte.

Modelo de proposición: o recollido na cláusula VII do prego de condicións económico-administrativas.

Gastos de publicidade: serán pola conta do adxudicatario.

Viveiro, 24 de setembro de 1998.

O alcalde

Rubricado

10150