Visto o expediente da revisión salarial para o ano 1998 e 1999 do convenio colectivo da empresa Radio Marineda, S.A., que tivo entrada nesta delegación provincial o día 14-10-1998, subscrito en representación da parte económica pola empresa, e da parte social pola delegada de persoal o día 27-2-1998, de conformidade co disposto no artigo 90.2º e 3º da Lei 8/1980, do 10 de marzo, do Estatuto dos traballadores, Real decreto 1040/1981, do 22 de maio, sobre rexistro e depósito de convenios colectivos de traballo e Real decreto 2412/1982, do 24 de xullo, sobre traspaso de funcións e servicios da Administración do Estado á Comunidade Autónoma de Galicia en materia de traballo, esta delegación provincial
ACORDA:
Primeiro.-Ordena-la súa inscrición no libro de rexistro de convenios colectivos de traballo existente nesta delegación provincial, e notificación as representacións económica e social da comisión negociadora.
Segundo.-Ordena-lo seu depósito no Servicio de Relacións Laborais, Sección de Mediación, Arbitraxe e Conciliación.
Terceiro.-Dispoñe-la súa publicación no Diario Oficial de Galicia.
A Coruña, 20 de outubro de 1998.
Mª Reyes Carabel Pedreira
Delegada provincial da Coruña
Acta do acordo de revisión salarial do convenio colectivo de Radio Marineda, S.A.
Na Coruña, ás 17 horas do día 27 de febreiro de 1998, reúnense no centro de traballo da empresa, Pablo Vilar Díaz, en nome e representación da empresa Radio Marineda, S.A. e Ana María Blanco Remuiñán, representante legal dos traballadores, co obxecto de proceder ó estudio e aprobación, de se-lo caso, da táboa salarial do convenio colectivo da empresa para o ano 1998 e 1999.
Examinada a táboa salarial para o ano 1998, acórdase a súa aprobación, que se xunta a esta acta como anexo I.
Así mesmo, para o ano 1999, acórdase unha suba salarial que se realizará segundo o seguinte:
a) Incrementa-lo salario base e plus de transporte da táboa salarial de 1998 nunha porcentaxe igual ó IPC resultante o 31 de decembro de 1998, sempre e cando sexa, polo menos, dun 2%.
b) Un incremento para tódalas categorías de 2.520 ptas./mensuais, que se farán efectivas en catorce pagas.
Non habendo máis asuntos que tratar, remata a sesión ás 18 horas do día indicado.
Pola empresaRep. Leg. traballadores
Pablo Villar DíazAna Mª Blanco Remuiñán
ANEXO I
Táboa salarial de Radio Marineda, S.A. para 1998
Categoría laboral SB día Sal. base I.D.T. I.C. 1º I.C. 2º Bruto anual
Redactor xefe 3.820 114.600 13.590 1.753.890
Redactor locutor 3.505 105.150 13.590 1.621.590
Auxiliar de redacción 3.202 96.060 13.590 1.494.330
Técnico control e mantemento 3.065 91.950 13.590 1.436.790
Xefe de administración 3.559 106.770 13.590 1.644.270
Oficial administrativo 3.311 99.330 13.590 1.540.110
Auxiliar administrativo 3.065 91.950 13.590 1.436.790
Xefe comercial 3.820 114.600 30.000 24.000 2.198.400
Comercial 2.780 83.400 15.000 24.000 1.596.600
Notas:
I.D.T.= indemnización de distancia e transporte. Art. 16.6.a).
I.C.1º= indemnización de comerciales. Art. 16.6.b) 1º.
I.C.2º= indemnización de comerciales. Art. 16.6.b) 2º.
Bruto anual: salario base por 14 pagas + indemnizaciones por 11 pagas.
9732