Aprobada inicialmente pola Comisión de Goberno, en sesión do 29 de outubro de 1998, a memoria valorada de finalización da residencia da terceira idade- anualidade 1998, redactada polo arquitecto Carlos Rosón Gasalla, queda exposta ó público na Secretaría deste concello, durante o prazo de oito días hábiles -que empezarán a contarse desde o día seguinte ó da inserción deste edicto no BOPpara efectos de exame e reclamacións.

Na mesma sesión tamén se aprobaron os pregos de cláusulas administrativas que rexerán o concurso

público urxente e o procedemento aberto da obra de finalización da residencia da terceira idade-anualidade 1998, expoñéndose ó público por un prazo de catro días hábiles, para os efectos de que os interesados poidan examinalos e formula-las alegacións que consideren oportunas. Pola súa vez, convócase licitación pública para a adxudicación da devandita obra, que quedaría aprazada no suposto de presentarse reclamacións á memoria valorada ou ó prego, reanudándose, o que reste, a partir do día seguinte ó da resolución das reclamacións.

Obxecto do contrato: é a adxudicación, mediante concurso polo procedemento aberto, da obra de finalización da residencia da terceira idade-anualidade 1998.

Tipo de licitación.: é de 5.000.000 de pesetas, con IVE incluído.

Prazo de execución: 1 mes.

Garantías: a provisional establécese en 100.000 pesetas e a definitiva igual ó 4% do importe de adxudicación.

Prazo de presentación de proposicións: presentaranse na secretaría do concello, das 9 ás 13 horas, durante o prazo de 13 días naturais, contados desde o día seguinte ó da última publicación deste anuncio no BOP ou DOG.

Apertura de plicas: terá lugar ás dez horas do primeiro día hábil seguinte a aquel no que termine o prazo de presentación de proposicións. Se este coincide en sábado, terá lugar o primeiro día hábil seguinte.

Criterios de adxudicación: serán os fixados na cláusula 2 do prego de condicións.

Modelo de proposición: o recollido na correspondente cláusula do prego. Os licitadores presentaran simultaneamente coa proposición e en sobre á parte os documentos que se indican na referida cláusula.

Vila de Cruces, 2 de novembro de 1998.

Alcalde-presidente

Rubricado

10099