Aprobado inicialmente polo Concello Pleno, con data do 14-10-1998, o proxecto de modificación puntual do PXOU vixente na zona da ponte da Estación-Ponte Romai, redactado polos arquitectos José Arias Jordán e Luis Asorey Daviña.

Conforme o previsto nas disposicións vixentes, sométese a información pública polo prazo dun mes, durante o cal poderá ser examinado no Servicio de Urbanismo deste concello (Ronda da Muralla,

nº 197), e presentarse as reclamacións ou suxestións que se desexen.

O acordo de aprobación inicial determina automaticamente a suspensión do procedemento do outorgamento de licencias de parcelamento de terreos, edificación e demolición na totalidade dos terreos comprendidos no seu ámbito, que supoñan modificación das determinacións do réxime urbanístico vixente, sendo o prazo desta suspensión o dun ano.

Area de suspensión:

Norte: rúa Virxe dos Ollos Grandes, rúa Tres Marías. Camiño Romai, rúa Casas Vellas e Ponte Romai.

Sur: praza Conde Fontao e rúa Carlos Azcárraga.

Leste: Serra de Meira e Calzada das Gándaras.

Oeste: avenida Duquesa de Lugo, rúa Alexandre Bóveda, rúa Río Sil e rúa Alta.

Contra o acordo de suspensión do procedemento de outorgamento de licencias poderase interpor recurso contencioso-administrativo perante o Tribunal Superior de Xustiza de Galicia, no prazo de dous meses.

Lugo, 20 de outubro de 1998.

José A. Mourelle Cillero

Vicesecretario habilitado

Visto e prace

P.D. (Decreto Alcaldía 60/1995)

Ramón Jaime Arias Roca

Tenente-alcalde delegado de Área

9572