Visto o expediente do convenio colectivo para a empresa La Artística Productos Químicos, S.A., que tivo entrada nesta delegación provincial o día 22-9-1998, subscrito en representación da parte económica pola representación da empresa, e da parte social, polos delegados de persoal, en data 2-4-1998, de conformidade co disposto no artigo 90.2º e 3º, do Real decreto lexislativo 1/1995, do 24 de marzo, polo que se aproba o texto refundido da Lei do Estatuto dos traballadores, Real decreto 1040/1981, do 22 de maio, sobre rexistro e depósito de convenios colectivos de traballo, e Real decreto 2412/1982, do 24 de xullo, sobre traspaso de funcións e servicios da Administración do Estado á Comunidade Autónoma de Galicia, en materia de traballo, esta delegación provincial

ACORDA:

Primeiro.-Ordena-la súa inscrición no libro de rexistro de convenios colectivos de traballo desta

delegación provincial, e a notificación ás representacións económica e social da comisión negociadora.

Segundo.-Ordena-lo seu depósito no Servicio de Relacións Laborais, Sección de Mediación, Arbitraxe e Conciliación.

Terceiro.-Dispoñe-la súa publicación no Diario Oficial de Galicia.

Vigo, 6 de outubro de 1998.

Antonio Coello Bufill

Delegado provincial de Pontevedra

Convenio colectivo da empresa La Artística Productos Químicos, S.A. para os anos 1998 e 1999

Artigo 1º.-Partes asinantes e ámbito.

Son partes asinantes do presente convenio colectivo, pola parte económica, a representación da empresa La Artística Productos Químicos, S.A., e pola parte social os delegados de persoal de La Artística Productos Químicos, S.A.

Este convenio, que se concerta entre a representación económica e social da empresa referida, será de aplicación a todo o seu persoal.

Artigo 2º.-Vixencia.

O presente convenio terá vixencia desde o 1 de xaneiro de 1998 ata o 31 de decembro de 1999. Calquera que for a data do seu asinamento ou publicación no Diario Oficial de Galicia, os efectos económicos para o ano 1998 retrotraeranse, en todo caso, ó 1 do dito ano. A revisión salarial do ano 1999 terá efectos desde o 1 de xaneiro do dito ano.

Este convenio prorrogarase por un ano máis, salvo denuncia dalgunha das partes, cun mes de anticipación ó fin da súa vixencia. Denunciado o convenio, subsistirán os seus preceptos ata a entrada en vigor do que o substitúa.

Artigo 3º.-Normas supletorias.

Serán as de carácter xeral.

Artigo 4º.-Dereitos adquiridos.

Este convenio garante como mínimo as condicións existentes, aplicándose sobre elas os seus beneficios.

Respectaranse os dereitos adquiridos e condicións máis beneficiosas que están establecidas na empresa á entrada en vigor deste convenio.

Artigo 5º.-Xornada e vacacións.

A xornada anual será de 1.768 horas de traballo efectivo e as vacacións anuais en 30 días ininterrompidos. A xornada diaria efectiva será de 8 horas de traballo.

No presente ano 1998, La Artística Productos Químicos, S.A. desfrutará as vacacións en dous períodos, polo que terá unha reducción de 8 horas sobre as 1.768 h, quedando a súa xornada anual efectiva en 1.760 h de traballo.

Os días establecidos como descanso ou vacacións serán retribuídos como tempo efectivo de traballo.

Artigo 6º.-Xornada nocturna.

Establécese un plus de nocturnidade como complemento de posto de traballo para os traballadores que presten os seus servicios en quenda de noite, consistente nun 10% sobre o salario base que corresponda en cada caso e por noite efectivamente traballada.

No obstante o anterior, recoñécese o dereito adquirido de maneira expresa e a favor dos traballadores fixos do cadro de persoal á entrada en vigor do convenio para 1997 de que a referida porcentaxe sexa un 25% en lugar do 10%. Tamén se recoñece o dereito adquirido ós mesmos traballadores que, prestando normalmente os seus servicios en quenda de día e temporalmente pasen, por requirimento da empresa, á quenda de noite, a percibiren, ademais do plus citado, os seguintes complementos por noite efectivamente traballada: para dúas semanas consecutivas ou menos de traballo en quenda de noite: 2.730 ptas./hora traballada; para máis de dúas semanas consecutivas en quenda de noite: 2.470 ptas./hora traballada. Nestas circunstancias, o paso á quenda de noite será voluntario.

O paso dun destes traballadores fixos da quenda de día, co dereito adquirido descrito, a fixos da quenda de noite, esixirá o previo acordo do interesado coa empresa respecto das condicións de remuneración do seu traballo como fixo da quenda de noite.

Artigo 7º.-Salario.

O importe do salario base para os anos 1998 e 1999 será o que figura nas táboas anexas.

Artigo 8º.-Pagas extraordinarias.

Todo o persoal percibirá 2 pagas extraordinarias, unha no mes de xullo, pagadoira na primeira quincena, e outra en decembro, pagadoira do 15 ó 18, cun importe de 30 días de salario base, máis, se for o caso, a antigüidade que corresponda.

Artigo 9º.-Beneficios.

Todo o persoal percibirá unha gratificación anual que se devengará semestralmente, do 15 ó 20 dos meses de xaneiro e xullo. En xaneiro a correspondente ó segundo semestre do ano anterior, e en xullo, a do primeiro semestre do ano que corre. Consistirá no 10% sobre o salario base, sobre a antigüidade e sobre as dúas pagas extra efectivamente percibidas.

Artigo 10º.-Accidente laboral.

As baixas por accidente laboral non darán lugar á perda da paga de beneficios, a cal se percibirá como se se traballase.

Ademais, para os accidentes que dean lugar a IT ocorridos dentro do recinto da empresa ou durante as horas en que estea a prestar servicio ás empresas, completarase a prestación da Seguridade Social por accidente laboral ata o 100% da base reguladora a partir do sexto día de baixa, incluído. En caso de hospitalización dos cinco primeiros días, completarase ó 100% a prestación desde o primeiro día. Para este complemento a cargo da empresa, establécese un límite de duración de 18 meses desde o inicio da baixa, coincidindo co período máximo de IT establecido na lei.

Artigo 11º.-Antigüidade.

Acordan as partes que a partir do día de entrada en vigor do convenio para 1997 desaparecerá o concepto retributivo de antigüidade, salvo para as persoas a prol das cales se recoñece a continuación o seguinte dereito adquirido: recoñécese de maneira expresa e formal a prol de tódolos traballadores fixos do cadro de persoal á entrada en vigor do convenio de 1997 e que estean a prestar servicios para a empresa o dereito adquirido ás percepcións polo extinguido concepto de antigüidade.

Este dereito adquirido esténdese non só a seguir devengando no futuro as cantidades que ata a data viñan percibindo por este concepto, senón a que sigan xerando quinquenios, cos correspondentes devengos, ata chegar ó límite máximo de cinco quinquenios. O réxime destas percepcións por antigüidade, para quen teña o dereito adquirido a elas, seguirá sendo o mesmo que existía ata o de agora,

e sobre estas percepcións seguiranse aplicando os incrementos que se pacten nos futuros convenios colectivos. Os traballadores e a empresa poderán pactar individualmene a abosrción deste concepto, entendéndose que esta absorción se poderá realizar unicamente co acordo expreso do traballador.

Artigo 12º.-Horas extraordinarias.

Tenderase á supresión das horas extra que non veñan impostas por causas de forza maior ou que teñan o carácter de estructurais. Enténdese por horas extra estructurais:

a) As que veñan esixidas pola necesidade de reparar sinistros e outros danos extraordinarios e urxentes.

b) As necesarias por pedidos imprevistos ou períodos punta de producción, ausencias imprevistas, cambios de quenda e outras circunstancias de carácter estructural derivadas da natureza da actividade de que se trate. As de mantemento, sempre que non poidan ser substituídas pola utilización das distintas modalidades de contratación previstas legalmente.

Terán a consideración de horas extra festivas aquelas que se realicen en sábado ou nos días festivos declarados legalmente, e retribuiranse na contía establecida na táboa anexa ó presente convenio.

En tódalas horas extra retribuídas que se realicen cada día, o traballador percibirá, ademais do valor da hora extra pactado e convenio, e co obxecto de axudar a tódolos gastos en que puidese incorre-lo traballador como consecuencia da realización das ditas horas, os seguintes complementos:

-Ata 4 horas: 368 ptas./hora.

-Máis de 4 horas: 1.543 ptas./día.

Se as horas extra se realizan entre as 22 h e as 6 h do día seguinte, ademais do complemento anterior o traballador percibirá o valor da hora extra pactado na táboa, incrementado nun 25% en concepto de nocturnidade.

O importe das horas extraordinarias será o que figura na táboa anexa.

Artigo 13º.-Falecemento dun traballador.

En caso de falecemento dun traballador, a empresa aboaralle ó seu cónxuxe, no seu defecto ós fillos e no seu defecto ós pais, nesta orde e sempre que dependan economicamente do traballador falecido, as cantidades que se relacionan segundo as seguintes causas:

a) Se o falecemento é debido a enfermidade ou accidente non laboral: 540.000 ptas.

b) Se o falecemento é debido a accidente laboral: 925.000 ptas.

Artigo 14º.-Categorías profesionais.

Substitúese a categoría de aprendiz menor de 18 anos pola de aprendiz, cos salarios que figuran na táboa anexa.

Os especialistas de 2ª serán promovidos á categoría de especialistas de 1ª como máximo ós 6 meses de antigüidade na empresa.

Os porteiros e serenos equipáranse como mínimo a especialistas de 1ª en categoría e retribución.

Artigo 15º.-Roupa de traballo.

As empresas proverán os seus traballadores da roupa necesaria para o exercicio do seu labor e non poderá ser inferior a dúas pezas ó ano.

Artigo 16º.-Plus de asistencia e puntualidade.

Satisfarase co incremento do 2,9% para o ano 1998, sobre o que estivo en vigor en 1997. Para 1999 satisfarase co incremento do 2,4% sobre o establecido para o ano 1998. Computarase por períodos semanais e terá dereito a el o persoal que non cometese máis dunha falta de asistencia ou puntualidade durante o dito período e alcanzará ós días traballados máis domingos e festivos.

Non obstante o exposto no parágrafo anterior, o dito plus percibirase igualmente nos seguintes supostos:

a) Cando o traballador se ausente para cumprir funcións de carácter sindical.

b) Durante os períodos regulamentarios de vacacións.

c) Cando algún traballador se ausente por causas de citacións xudiciais ou gobernativas ou para asistir a algún exame por estudios oficiais, mesmo o obrigatorio para obte-lo permiso de conducir e para a obtención ou renovación do DNI.

d) Durante os días traballados na semana na que se produza a baixa ou a alta, orixinados por causa de accidente laboral.

e) Por asistencia á consulta médica.

f) Durante os días en que o traballador estea ausente con permiso por causa de morte dos pais, cónxuxe, fillos, avós, netos e irmáns. En caso de convivencia co traballador, calquera persoa.

g) Durante o permiso motivado por parto de esposa, intervención cirúrxica ou enfermidade grave dos familiares comprendidos na alínea f).

Artigo 17º.-Traballos tóxicos, penosos e perigosos.

Os traballadores que viñesen prestando servicios para as empresas o 1 de xaneiro de 1996 e que, conforme o artigo 60 da ordenanza laboral para a industria metalgráfica viñan percibindo o plus de traballos tóxicos, penosos e perigosos na contía establecida no anterior convenio, conservarán o dito dereito a pesar da derrogación da ordenanza, percibindo o plus na contía do ano anterior, incrementada coa mesma porcentaxe pactada para a táboa salarial do convenio.

Artigo 18º.-Incapacidade permanente parcial.

Cando ó traballador lle sexa declarada unha incapacidade permanente parcial para a súa profesión habitual, a empresa terá a obriga de o admitir e lle proporcionar traballo que non lle supoña diminución na súa remuneración, a cal se deberá manter na contía íntegra que lle corresponda, segundo a súa categoría profesional.

Artigo 19º.-Axuda escolar.

Tódolos traballadores terán dereito a percibir por cada fillo escolarizado a cantidade de 2.728 ptas. mensuais para o ano 1998 e 2.793 ptas. para o ano 1999, durante os doce meses do ano, e na idade de 3 a 23 anos, logo de xustificación.

Artigo 20º.-Axuda a minusválidos.

Os traballadores con fillos beneficiarios da prestación de minusvalidez da Seguridade Social percibirán da empresa unha axuda de 19.157 ptas. mensuais para o ano 1998 e 19.617 ptas. para o ano 1999.

Artigo 21º.-Xubilacións.

Os traballadores que se xubilen entre os 60 e os 65 anos percibirán da empresa as cantidades que se detallan na seguinte escala:

	Para 1998	Para 1999

Ós 60 anos	955.272 ptas.	979.200 ptas.
Ós 61 anos	838.500 ptas.	858.640 ptas.
Ós 62 anos	737.683 ptas.	755.387 ptas.
Ós 63 anos	636.848 ptas.	652.132 ptas.
Ós 64 anos	557.293 ptas.	570.615 ptas.
Ós 65 anos	488.250 ptas.	499.968 ptas.

Artigo 22º.-Baixas por incapacidade permanente absoluta.

Os traballadores que causen baixas por incapacidade permanente, no grao de absoluta, por proposta da comisión técnica cualificadora provincial ou central da Seguridade Social, percibirán por parte da empresa 570.000 ptas. por unha soa vez, calquera que sexa a súa idade.

Artigo 23º.-Ausencias retribuídas.

O traballador, avisando coa posible anticipación e xustificándoo, poderá faltar ou ausentarse do traballo con dereito a remuneración por algún dos motivos e durante o tempo que a seguir se expón:

a) Durante tres días, que se poderán ampliar ata dous máis, cando o traballador necesite realizar un desprazamento para:

Nos casos de parto da esposa, enfermidade grave ou falecemento do cónxuxe, fillos, pai ou nai, netos, avós e irmáns. En caso de convivencia co traballador, calquera persoa.

b) Durante un día por traslado do seu domicilio habitual.

c) Un día natural en caso de matrimonio de fillos, irmáns ou pais.

d) O tempo necesario para o cumprimento de funcións de carácter sindical, nos casos representativos e non excedendo de 40 horas laborais ó mes.

e) As nais con fillos menores de nove meses terán unha reducción dunha hora na xornada laboral, a cal será retribuída pola empresa.

f) A empresa aboará un permiso retribuído en 15 días naturais, en caso de matrimonio.

Nos parentescos enténdese tanto nos graos de consanguinidade como de afinidade.

Artigo 24º.-Plus de transporte.

Incrementarase para o ano 1998 no 2,9% sobre o que estivo en vigor no ano anterior. Para o ano 1999 incrementarase no 2,4% sobre o que estivo en vigor no ano anterior.

Artigo 25º.-Maternidade.

As traballadoras en período de xestación poderán solicita-lo cambio parcial ou temporal de posto de traballo sempre que, a xuízo do médico de empresa e do seu xinecólogo, o posto que desempeña lle proporcione dificultades anormais.

A empresa complementaralle á traballadora desde a súa baixa por maternidade o 100% da base reguladora durante 16 semanas.

Artigo 26º.-Funcións do comité de empresa.

De acordo co convido nas leis, os comités terán facultades para interviren en materia de:

a) Negociación colectiva.

b) Seguridade e hixiene.

c) Expedientes de regulación de emprego.

d) Folga.

e) Seren informados trimestralmente pola empresa acerca da súa situación e marcha xeral.

E serán informados, do mesmo xeito, en materia de:

a) Mobilidade do persoal.

b) Imposición de sancións e despedimentos.

c) Evolución do emprego e horas extra.

As empresas facilitarán un local para o funcionamento dos comités, dotado de arquivos para a súa documentación e máquina de escribir. Para a reproducción de circulares para o persoal, procurarán facilitarlles o seu servicio de multicopista compatibilizándoo co traballo normal das oficinas.

Artigo 27º.-Asembleas.

Poderán ter lugar dentro dos locais de ámbalas sinaturas, fóra de horas de traballo, cando o soliciten da empresa o comité ou o 20% dos traballadores,

polo menos con 48 horas de anticipación á súa celebración.

Mentres non se destine a outro fin, o local que cederá a empresa será o mesmo utilizado ata o de agora.

Artigo 28º.-Cota sindical.

As empresas descontaranlles ós traballadores afiliados ós sindicatos con representación do 10% de delegados no comité e que pertenzan a centrais de ámbito nacional, de nacionalidade ou rexión, a cota sindical, logo de conformidade do interesado por escrito.

Os mencionados escritos dos traballadores terán unha vixencia mínima dun ano, salvo comunicación en contrario do interesado.

Artigo 29º.-Seccións sindicais.

Terán as seguintes garantías:

a) No suposto de medidas disciplinarias contra calquera afiliado, as empresas, xunto ó escrito de sanción ó interesado, entregarán copia para a súa sección sindical.

b) Poderán difundir libremente as publicacións da súa central, cobrar cotas e afiliar, sen máis limitacións que a non obstaculización da producción.

c) As seccións sindicais coa representación mencionada no presente artigo poderán realizar asembleas fóra de horas de traballo nos locais da empresa, logo de llo solicitar a esta.

d) As seccións sindicais de empresa que cumpran o 10% disporán para o conxunto dos seus afiliados de ata un máximo de 7 días anuais de licencia non retribuída, para asistencia a cursos, congresos, etc. dunha central.

A licencia requirirá notificación á empresa cunha semana de anticipación.

e) A empresa estará obrigada a concede-la excedencia polo tempo necesario para os traballadores que ocupen un cargo sindical con carácter, como mínimo, provincial.

Artigo 30º.-Revisión salarial.

No caso de o índice de prezos de consumo (IPC) establecido polo Instituto Nacional de Estatística rexistrar o 30 de setembro de 1998 un incremento respecto ó 31 de decembro de 1997 superior ó 2,5% (dous con cinco por cento), efectuarase unha revisión salarial tan axiña como se constate oficialmente a dita circunstancia. Esta revisión, no suposto de a ter que facer efectiva, serao sobre os meses de outubro, novembro e decembro de 1998 e consistirá na aplicación do exceso sobre o citado tanto por cento ás retribucións vixentes o 31 de decembro de 1997. Da mesma forma, para o ano 1999 revisarase no 2,1% nas mesmas condicións do ano anterior.

Artigo 31º.-Comisión paritaria.

Crearase unha comisión paritaria integrada por tres representantes dos traballadores e tres representantes da empresa. Será presidida pola persoa que a mesma comisión designe por ámbalas partes, podendo actua-la comisión sen presidente, se así se acordase.

Será función principal da comisión paritaria interpreta-las cláusulas do convenio pronunciando unha arbitraxe nas cuestións controvertidas que se lle presenten.

Artigo 32º.-Retribución persoal feminino.

Aplicarasse o establecido no artigo 28 do Estatuto dos traballadores.

Vigo, 2 de abril de 1998.

R. patronal:

Teresa Ramos Barbosa

R. traballadores:

J. Carlos Goberna Pérez

José París Lago

Convenio colectivo da empresa La Artística Productos Químicos, S.A. para os anos 1998 e 1999

Táboa salarial de 1998	Táboa salarial de 1997
Categorías	Importe día/mes	Hor. Ext. normais	Hor. Ext. festivas	Importe día/mes	Hor. Ext. normais	Hor. Ext. festivas

* Grupo operarios
Aprendiz	2.869,80	1.130	1.326	2.788,92	1.098	1.289
Peón	3.446,84	1.405	1.647	3.349,70	1.365	1.601
Espta. 2ª	3,563,06	1.429	1.681	3.462,64	1.389	1.634
Espta. 1ª	3.671,46	1.464	1.705	3.567.99	(1) 1.423	1.657
Oficial 3ª	3.996,79	1.544	1.809	3.884,15	(2) 1.500	1.758
Ofiical 3ª	4.364,70	1.705	1.993	4.241,69	(3) 1.657	1.937
Oficial 1ª	4.569,98	1.797	2.096	4.441,19	(4) 1.746	2.037
Of. Es. Litog.	4.810,09	1.936	2.261	4.674,53	1.881	2.197
Port./Sereno	3.671,46	1.464	1.705	3.567,99	(1) 1.423	1.657
Almaceneiro	3.996,79	1.544	1.809	3.884,15	(2) 1.500	1.758

Táboa salarial de 1998	Táboa salarial de 1997
Categorías	Importe día/mes	Hor. Ext. normais	Hor. Ext. festivas	Importe día/mes	Hor. Ext. normais	Hor. Ext. festivas

* Grupo de administrativos
Xefe 1ª	158.573	2.120	2.475	154.104	2.060	2.405
Xefe 2ª	149.118	2.120	2.475	144.915	2.060	2.405
Oficial administrativo 1ª	139.003	1.797	2.096	135.086	(4) 1.746	2.037
Oficial administrativo 2ª	132.761	1.705	1.993	129.019	(3) 1.657	1.937
Auxiliar administrativo	121.569	1.544	1.809	118.143	(2) 1.500	1.758
Telefonista	111.674	1.464	1.705	108.527	(1) 1.423	1.657
* Grupo de técnicos
Delineante 3ª	125.443	1.626	1.889	121.908	1.580	1.836
Delineante 2ª	132.876	1.705	1.993	129.131	1.657	1.937
Delineante 1ª	140.544	1.834	2.143	136.583	1.782	2.083
Mestre encargado	158.299	2.120	2.475	153.838	2.060	2.405
Encargado sección	150.608	1.983	2.302	146.363	1.927	2.237
Titulado medio	158.573	2.120	2.475	154.104	2.060	2.405
Titulado superior	205.920	2.120	2.475	200.117	2.060	2.405

Convenio colectivo da empresa La Artística Productos Químicos, S.A. para os anos 1998 e 1999

Táboa salarial de 1999	Táboa salarial de 1998
Categorías	Importe día/mes	Hor. Ext. normais	Hor. Ext. festivas	Importe día/mes	Hor. Ext. normais	Hor. Ext. festivas

* Grupo operarios
Aprendiz	2.938,68	1.157	1.358	2.869,80	1.130	1.326
Peón	3.529,56	1.439	1.687	3.446,84	1.405	1.647
Espta. 2ª	3.648,57	1.463	1.721	3.563,06	1.429	1.681
Espta. 1ª	3.759,58	1.499	1.746	3.671,46	1.464	1.705
Oficial 3ª	4.092,71	1.581	1.852	3.996,79	1.544	1.809
Oficial 2ª	4.469,45	1.746	2.041	4.364,70	1.705	1.993
Oficial 1ª	4.679,66	1.840	2.146	4.569,98	1.797	2.096
Of. Es. Litog.	4.925,53	1.982	2.315	4.810,09	1.936	2.261
Port./Sereno	3.759,58	1.499	1.746	3.671,46	1.464	1.705
Almaceneiro	4.092,71	1.581	1.852	3.996,79	1.544	1.809
* Grupo de administrativos
Xefe 1ª	162.379	2.171	2.534	158.573	2.120	2.475
Xefe 2ª	152.697	2.171	2.534	149.118	2.120	2.475
Oficial administrativo 1ª	142.339	1.840	2.146	139.003	1.797	2.096
Oficial administrativo 2ª	135.947	1.746	2.041	132.761	1.705	1.993
Auxiliar administrativo	124.487	1.581	1.852	121.569	1.544	1.809
Telefonista	114.354	1.499	1.746	111.674	1.464	1.705
* Grupo de técnicos
Delineante 3ª	128.454	1.665	1.934	125.443	1.626	1.889
Delineante 2ª	136.065	1.746	2.041	132.876	1.705	1.993
Delineante 1ª	143.917	1.878	2.194	140.544	1.834	2.143
Mestre encargado	162.098	2.171	2.534	158.299	2.120	2.475
Encargado sección	154.223	2.031	2.357	150.608	1.983	2.302
Titulado medio	162.379	2.171	2.534	158.573	2.120	2.475
Titulado superior	210.862	2.171	2.534	205.920	2.120	2.475

10056