Resolución do Concello de Laracha pola que se anuncia a contratación da subministración dun vehículo recolector-compactador de residuos sólidos urbanos, por concurso, con procedemento aberto e tramitación urxente.

De conformidade co disposto no artigo 79 da LCAP e acordo da Comisión de Goberno, do 25 de setembro de 1998, anúnciase concurso, con procedemento aberto, por tramitación urxente, para adxudica-la adquisición dun vehículo recolector-compactador de residuos sólidos urbanos, conforme o seguinte contido:

Obxecto do contrato: é obxecto do contrato a adquisición dun vehículo recolector-compactador de residuos sólidos urbanos.

Duración do contrato: dous meses.

Tipo de licitación: 18.000.000 de pesetas.

Pagamento: o pagamento do prezo da adxudicación farase efectivo con cargo á partida orzamentaria 6.2.4.00.

Publicidade dos pregos de cláusulas administrativas particulares e de prescricións técnicas: estarán de manifesto tódolos días hábiles nas oficinas municipais, departamento de contratación.

Garantía provisional: será o 2% do tipo de licitación.

Exposición do prego de cláusulas administrativas particulares (1): durante os 8 primeiros días hábiles seguintes ó da publicación deste anuncio, suspendéndose a licitación no caso de impugnación.

Garantía definitiva: o 4% do orzamento.

Presentación de proposicións: durante os 13 días naturais seguintes ó da publicación do anuncio de licitación no BOP.

Apertura de proposicións: terá lugar ás 13 horas do terceiro día hábil seguinte ó da conclusión do prazo para presentación de proposicións, excepto se coincidise en sábado; neste caso adiarase ó primeiro día hábil seguinte.

Modelo de proposición: o recollido na cláusula 25 do prego de cláusulas.

Laracha, 25 de setembro de 1998.

Jesús Rama Becerra

Alcalde

9799