Por resolución do 29 de setembro de 1998, da Dirección Xeral da Función Pública, publicada no DOG nº 194, do 6 de outubro de 1998, apróbanse as relacións de aspirantes admitidos e excluídos ás

probas selectivas para o ingreso no corpo superior de Administración da Xunta de Galicia (grupo A), escala superior de estatísticos.

Transcorrido o prazo regulamentario para a presentación de emendas relativas ás citadas relacións de admitidos e excluídos, e resoltas estas, de conformidade co establecido no artigo 12 do Regulamento de selección de persoal de Administración da Comunidade Autónoma de Galicia e na base I.4.2 das que rexen as probas selectivas convocadas pola Orden do 4 de xuño de 1998, publicada no DOG nº 121, do 25 de xuño de 1998. Esta Dirección Xeral

RESOLVE:

Aproba-las listas definitivas de admitidos e excluídos das probas selectivas para o ingreso no corpo superior de Administración da Xunta de Galicia (grupo A), escala superior de estatísticos.

A lista definitiva de aspirantes excluídos figura publicada como anexo a esta resolución.

As listas definitivas de aspirantes admitidos estarán expostas nos taboleiros de anuncios da Consellería da Presidencia e Administración Pública e nos das súas delegacións provinciais, no da Delegación Territorial da Consellería de Pesca, Marisqueo e Acuicultura en Vigo, e nas oficinas comarcais da Xunta de Galicia.

Para efectos de información, o teléfono de contacto é o (902) 12 00 12 en horarios de 9 a 19 horas, de luns a venres, e de 9 a 14 horas os sábados.

De conformidade co establecido na base 1.3.1., os solicitantes excluídos disporán do prazo dun mes contado a partir do día seguinte ó da publicación desta resolución no DOG, para solicita-la devolución dos dereitos de exame aboados, e deberán consigna-lo nome e apelidos, NIF, grupo/s ós que se presentaron e o número de conta, entidade bancaria e a localidade desta.

Contra a presente resolución poderase interpoñer recurso contencioso-administrativo ante o Tribunal Superior de Xustiza de Galicia no prazo de dous meses a partir do día seguinte ó da súa publicación no DOG.

Santiago de Compostela, 23 de outubro de 1998.

Joaquín López-Rúa Soler

Director xeral da Función Pública

Relación defintiva de excluídos do proceso selectivo para o acceso o corpo superior de Administración, escala de estatísticos (grupo A) acceso libre.

Causas de exclusión.

10Instancia fóra de prazo.

21Taxas baremo non aboadas.

30Falta DNI ou DNI incorrecto

9743