En cumprimento do disposto no artigo 25.4º da Lei 10/1995, do 23 de novembro, de ordenación do territorio de Galicia, esta dirección xeral dispón que se publique no DOG o acordo adoptado polo Consello da Xunta de Galicia na súa reunión do 8 de outubro de 1998, do que a súa parte dispositiva é o seguinte texto literal:

Primeiro.-Aprobar definitivamente o proxecto sectorial de incidencia supramunicipal Gasificación do Noroeste: rede de Ferrol.

Segundo.-En consecuencia, o planeamento dos entes locais en que se asenten as instalacións previstas no proxecto, queda vinculado ás determinacións contidas no citado proxecto sectorial.

Terceiro.-Para os efectos previstos na disposición adicional primeira da Lei 10/1995, do 23 de novembro, de ordenación do territorio de Galicia, quedan expresamente cualificadas como demarcado carácter territorial as obras necesarias para a execución do proxecto.

O que se publica no Diario Oficial de Galicia, en cumprimento do disposto no artigo 25.4º da Lei 10/1995, do 23 de novembro, de ordenación do territorio de Galicia.

Santiago de Compostela, 16 de outubro de 1998.

Joaquín del Moral Crespo

Director xeral de Industria

9759