Por acordo do Consello da Xunta de Galicia, na súa reunión do 15 de maio de 1998, declarouse a incidencia supramunicipal do proxecto denominado ampliacións das instalacións de Financiera Maderera, S.A., para os efectos previstos na Lei 10/1995, do 23 de novembro, de ordenación do territorio de Galicia, designando esta Consellería de Industria e Comercio como órgano competente para a tramitación do expediente.

En cumprimento do disposto no artigo 25.3º da citada lei, o dito proxecto someteuse durante o prazo dun mes ós trámites de audiencia e información pública, mediante resolución desta secretaría xeral do 15 de xuño de 1998; recibíranse alegacións nas que se manifestaba a existencia de erros de propietarios afectados, que serán atendidas no momento procedemental oportuno, e a incidencia ambiental das instalacións proxectadas, alegación esta última que procede desestimar á vista do informe da Dirección Xeral de Montes e Medio Ambiente Natural do 5 de outubro de 1998, sobre a inexistencia de impacto negativo sobre a producción forestal para o abastecemento da materia prima do eucalipto.

O proxecto recibiu o informe favorable da Dirección Xeral de Urbanismo da Consellería de Política Territorial, Obras Públicas e Vivenda do 6 de outubro de 1998.

Por todo o anterior, tramitado o expediente de conformidade coa lexislación vixente, e toda vez que as instalacións proxectadas cumpren as condicións requiridas para a súa aprobación como proxecto sectorial de incidencia supramunicipal, ó abeiro do sinalado no artigo 24 da reiterada Lei 10/1995, visto o informe favorable da Dirección Xeral de Urbanismo da Consellería de Política Territorial, Obras Públicas e Vivenda do 6 de outubro de 1998 e por proposta da Consellería de Industria e Comercio, o Consello da Xunta de Galicia, na súa reunión do 15 de outubro de 1998 adoptou o seguinte

ACORDO:

Primeiro.-Aprobar definitivamente o proxecto sectorial de incidencia supramunicipal de ampliación das instalacións de Financiera Maderera, S.A., en Padrón.

Segundo.-En consecuencia, o planeamento do Concello de Padrón queda vinculado ás determinacións contidas no citado proxecto sectorial, sen prexuízo de cantos permisos e autorizacións resulten preceptivos para a execución das instalacións.

Terceiro.-Para os efectos previstos na disposición adicional terceira da Lei 2/1998, do 8 de abril, de

medidas tributarias de réxime orzamentario, fundación pública, patrimonio, organización e xestión, declárase expresamente a utilidade pública das obras e a urxente ocupación para os efectos da expropiación forzosa dos bens e dereitos necesarios para a execución das instalacións.

Esta publicación realízase para os efectos previstos no artigo 25 da mencionada Lei 10/1995 e no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, de notificación da presente resolución ós titulares descoñecidos dos predios que se describen.

Contra esta resolución que é definitiva en vía administrativa, poderá interpoñerse, se é o caso, recurso

contencioso-administrativo ante a Sala do Contencioso-Administrativo do Tribunal Superior de Xustiza de Galicia na Coruña, no prazo de dous meses contados a partir do día seguinte ó da súa publicación, logo de comunicación a esta consellería, de conformidade co disposto no artigo 110.3º da Lei 30/1992, do 26 de novembro, de réxime xurídico das administracións públicas e de procedemento administrativo común, e sen prexuízo de que os interesados poidan exercer calquera outro que consideren oportuno.

Santiago de Compostela, 21 de outubro de 1998.

Manuel Barreiro Barbeito

Secretario xeral de la Consellería

de Industria e Comercio

ANEXO

RELACIÓNS DE BENS E DEREITOS AFECTADOS

9801