Dentro do plan de actividades da Escola Galega de Administración Pública para 1998 e conforme as funcións atribuídas pola Lei 4/1987, do 27 de maio, de creación da escola, e pola Lei 10/1989, do 10 de xullo, de modificación da anterior, convócanse unhas xornadas sobre a Lei de caza de Galicia, conforme as seguintes bases:
1. Obxectivos.
Proporcionar un coñecemento máis completo sobre os aspectos máis sobresalientes da nova normativa galega en materia de caza (Lei 4/1997, do 25 de xuño), e ó mesmo tempo examina-lo panorama que ofrece a ordenación cinexética desde diferentes vertentes.
2. Contido.
Trataranse, entre outros, estes temas:
-A Lei de caza de Galicia, do 25 de xuño de 1997.
-A potestade sancionadora da Administración e os delictos contra o ambiente.
-A intervención administrativa na Lei de caza.
-O dereito ó aproveitamento cinexético e o dereito de propiedade
-Os gardas de caza: a custodia dos recursos naturais.
3. Destinatarios.
Persoal ó servicio de calquera das administracións públicas galegas e interesados en xeral.
4. Desenvolvemento.
-Horario: mañá e tarde.
-Lugar e datas: as xornadas convocadas terán lugar no salón de actos da Delegación Provincial da Consellería da Presidencia e Administración Pública de Lugo, Ronda da Muralla, 70, da citada cidade, os días 17 e 18 de novembro.
5. Inscrición.
-Prazo: remata o venres, día 13 de novembro de 1998.
-Tramitación de solicitudes: as solicitudes irán dirixidas ó director da Escola Galega de Administración Pública, polígono das Fontiñas, rúa de Madrid, 2-4, 15707, Santiago de Compostela, segundo o modelo que figura como anexo a esta convocatoria, e presentaranse no rexistro xeral da EGAP, ou por calquera das formas previstas no artigo 38.4º da Lei 30/1992, do 26 de novembro, de réxime xurídico das administracións públicas e do procedemen
to administrativo común. Admitiranse tamén inscricións por telefax: 981 54 63 37.
-Número de prazas: limitado á capacidade do local.
-Inscrición fóra de prazo: só se admitirán, de quedaren prazas baleiras, coa condición de que se cumpran os requisitos xerais antes indicados.
Os peticionarios poderán obter confirmación da súa posible admisión chamando, a partir do día 13 de novembro, por teléfono das 10 ás 14.45 horas, ós seguintes números: 981 54 62 39 ou 981 54 60 40.
6. Modificacións.
A EGAP reserva para si a facultade de interpretar e resolve-las incidencias que puidesen xurdir no
desenvolvemento das xornadas, así como a de cancelalas se o escaso número de solicitudes non xustificase a súa realización.
7. Certificación de asistencia.
Entregaráselles ó remate destas xornadas a aqueles asistentes que concorresen asiduamente a elas, cando a súa inasistencia non sexa igual ou superior ó 15% das horas lectivas programadas, e expresarase neste documento a natureza da actividade e as datas da súa realización.
Santiago de Compostela, 26 de outubro de 1998.
Domingo Bello Janeiro
Director da Escola Galega de Administración
Pública
9875
