A Consellería de Industria e Comercio dictou a Orde do 4 de maio de 1998 pola que se regula a concesión de axudas para mellora-la eficiencia e a infraestructura enerxética de Galicia (Diario Oficial de Galicia nº 111, do 11 de xuño de 1998).
Na citada disposición establécese como requisito indispensable para o libramento de axudas a presentación da documentación acreditativa do investimento realizado antes do 15 de novembro de 1998. Tendo en conta que o elevado número de solicitudes presentadas motiva un dilatado proceso de avaliación dos proxectos e resolución dos respectivos expedientes, considérase necesario amplia-lo prazo de xustificación dos investimentos levados a cabo polos solicitantes.
En consecuencia, en uso das atribucións que me foron conferidas,
DISPOÑO:
Artigo único.-Amplia-lo prazo para a execución e xustificación dos investimentos ou actuacións sub
vencionables ó abeiro da orde da Consellería de Industria e Comercio do 4 de maio de 1998 ata o 30 de novembro de 1998.
Santiago de Compostela, 14 de outubro de 1998.
Antonio Couceiro Méndez
Conselleiro de Industria e Comercio
9747