Visto o texto do convenio colectivo para a empresa Plásticos Ferro, S.L. (código 2700572), da provincia de Lugo, asinado o día 30 de xuño de 1998 pola representación da citada empresa e a dos seus traballadores, e de conformidade co disposto no artigo 90 apartados 2º e 3º do Real decreto lexislativo 1/1995, do 24 e marzo, polo que se aproba o texto refundido da Lei do Estatuto dos traballadores, e no Real decreto 1040/1981, do 22 de maio, sobre rexistro e depósito de convenios colectivos de traballo.
Esta delegación provincial
ACORDA:
Primeiro.-Ordena-la inscrición do citado convenio colectivo no rexistro de convenios desta delegación, así como o seu depósito.
Segundo.-Remiti-lo texto do citado convenio á Dirección Xeral de Relacións Laborais da Xunta de Galicia.
Terceiro.-Dispoñe-la súa publicación no Diario Oficial de Galicia.
Lugo, 11 de agosto de 1998.
(Dto. 13/1994, do 20 de xaneiro)
Rafael Díaz Iglesias
Secretario provincial de Lugo
Convenio colectivo da empresa
Plásticos Ferro, S.L.
Artigo 1º.-Ámbito de aplicación.
O presente convenio colectivo abranguerá tódolos traballadores do centro de traballo de Muras (Lugo) da empresa Plásticos Ferro, S.L., dedicada á fabricación de canos e accesorios para a conducción de fluídos, para a regulación das relacións laborais co persoal ó seu servicio, e estenderase, así mesmo, a calquera outro centro de traballo que, relacionado coa actividade principal da empresa, puidese ter esta na provincia de Lugo.
Este convenio colectivo de traballo substitúe o anterior, publicado no BOP de Lugo co nº 17 do 22 de xaneiro de 1997.
Artigo 2º.-Lexislación suplementaria.
No non previsto no presente convenio, aplicarase o disposto no Estatuto dos traballadores, Lei orgánica de liberdade sindical e demais disposicións legais vixentes.
As condicións de traballo que nel se estipulan teñen o carácter de mínimas e na súa virtude serán nulos os pactos e cláusulas que, individual ou colectivamente, impliquen condicións menos favorables para os traballadores.
Artigo 3º.-Ámbito temporal.
O presente convenio entrará en vigor o día seguinte ó da súa publicación no BOP, mais os efectos económicos serán retroactivos ata o primeiro de xaneiro de 1998. A duración deste será dun ano, desde o primeiro de xaneiro de 1998 ata o 31 de decembro de 1998.
O convenio deberá ser denunciado por unha ou ámbalas dúas partes cun mes de anticipación ó final da súa vixencia. No caso de non ser denunciado, o convenio prorrogarase por máis un ano automaticamente, excepto na súa parte económica, que se incrementaría con dous puntos por riba do IPC do ano 1998.
A denuncia do convenio non significará ningunha modificación no seu articulado, que se continuará aplicando ata a negociación do novo convenio.
Artigo 4º.-Vinculación á totalidade.
As condicións aquí pactadas forman un todo orgánico e indivisible e, para efectos da súa aplicación práctica, serán aplicadas globalmente.
Artigo 5º.-Ámbito persoal.
Este convenio abranguerá totalidade dos traballadores, así como o persoal que ingrese na empresa
durante a vixencia do convenio, que estean comprendidos no citado artigo 1º deste convenio.
Artigo 6º.-Garantías persoais.
Respectaranse a título individual as condicións de traballo que fosen superiores ás establecidas no presente convenio, consideradas no seu conxunto e a título individual.
Artigo 7º.-Organización do traballo.
A organización do traballo, segundo a lexislación vixente, é facultade e responsabilidade da dirección da empresa.
A organización do traballo ten por obxecto alcanzar na empresa un nivel de productividade adecuado, baseado na utilización óptima dos recursos humanos e materiais. Isto é posible cunha actitude activa e responsable das partes integrantes, dirección, traballadores e comité de empresa.
Sen mingua da facultade aludida no parágrafo 1º deste artigo, os representantes dos traballadores terán funcións de orientación, proposta, emisión de informes etc., no relacionado coa organización e racionalización do traballo, de conformidade coa lexislación vixente, e especialmente de acordo co regulamentado no artigo 64 do Estatuto dos traballadores.
Artigo 8º.-Roupa de traballo.
Entregaranselle ó persoal dúas pezas de roupa de traballo, fundas, batas ou chaquetas curtas, dependendo do posto de traballo, por ano. A conservación e limpeza das ditas pezas será por conta do traballador, que as deberá manter en bo estado de conservación e limpeza, ou da empresa naqueles casos que determine o Gabinete de Seguridade e Hixiene no Traballo.
O persoal de almacén e mantemento recibirá tres fundas por ano.
Entregaránselle once pares de luvas como mínimo a cada operario de producción ou almacén por ano.
O uso da roupa de traballo será obrigatorio dentro da xornada laboral.
Os traballadores que realicen traballos no exterior serán dotados de roupa de auga.
Facilitaráselles ós traballadores de producción, almacén e mantemento, un par de botas de seguridade por ano.
Artigo 9º.-Xornada laboral.
A xornada laboral establécese en 40 horas semanais. Non excederá de 1.800 horas en cómputo anual.
A xornada será partida ou a quendas.
A xornada partida realizarase de luns a venres, a razón de 8 horas diarias.
A xornada a quendas realizarase segundo o calendario adxunto, con xornada de 8 horas.
Artigo 10º.-Vacacións.
As vacacións serán de trinta días naturais. Desfrutaranse segundo o calendario que será elaborado entre a dirección e o comité de empresa.
O persoal da empresa poderá solicitar tres días ó ano a conta das vacacións. Estes días concederanse de acordo coas normas e/ou regulamentos que se establecerán entre a empresa e o comité de empresa.
Artigo 11º.-Réxime económico.
O réxime económico retributivo salarial para todo o persoal de Plásticos Ferro, S.L., afectado por este convenio, será o establecido para cada categoría nas táboas salariais como anexo.
O incremento salarial correspondente ó ano 1998 é do 2,5%.
Artigo 12º.-Clasificación do persoal.
1. Xefe de división.
2. Xefe de área.
3. Xefe de quenda. Encargado.
4. Oficial de 1ª administrativo, xefe de grupo.
5. Oficial de 1ª de oficio.
6. Vendedor.
7. Auxiliar de laboratorio.
8. Oficial de 2ª de oficio.
9. Oficial de 2ª administrativo.
10. Auxiliar administrativo. Subalterno.
11. Axudante.
12. Peón.
13. Aprendiz.
Artigo 13º.-Antigüidade.
A gratificación de antigüidade aplicarase segundo a táboa que se xunta como anexo.
A antigüidade aplicarase desde o día de ingreso na empresa.
A antigüidade terá efecto desde o día de cumprimento da condición de antigüidade.
Os complementos de antigüidade que o día do asinamento deste convenio sexan superiores ós que correspondan segundo a táboa anexa, quedarán bloqueados ata seren superados pola táboa de complemento de antigüidade en vigor.
Artigo 14º.-Gratificacións.
1. Establécese unha gratificación extrasalarial que se detalla na táboa anexa.
2. Gratificación de quendas. Terá unha contía do 10% sobre o salario base diario, contabilizando tódolos días do mes.
3. Gratificación de nocturnidade. Terá unha contía do 25% do salario base diario nos días traballados na quenda de noite.
4. Gratificación de convenio. Terá a contía que se detalla na táboa anexa.
Transvasarase ó salario base unha cantidade correspondente ó 10% da gratificación extrasalarial percibido o 31 de decembro de 1997, para efectos de realiza-las táboas salariais de 1998.
A gratificación extrasalarial establécese como compensación ó transporte e distancia e, precisamente polo seu carácter compensatorio, non será cotizable á Seguridade Social.
As restantes gratificacións serán cotizables á Seguridade Social.
Artigo 15º.-Horas extraordinarias.
Retribuiranse conforme o establecido no Estatuto dos traballadores.
É vontade das partes procurar, na medida do posible, a reducción das horas extraordinarias.
Artigo 16º.-Gratificacións extraordinarias.
Establécense dúas pagas extraordinarias que se percibirán nos meses de xullo e decembro, antes do día 22 do mes respectivo, a razón de 30 días de salario base máis antigüidade.
Artigo 17º.-Paga de convenio.
Establécese unha paga de convenio que será rateada en doce mensualidades, na contía que se establece na táboa salarial adxunta.
Artigo 18º.-Póliza de seguros.
A empresa establecerá unha póliza de seguros que cubra os riscos de morte ou invalidez total e absoluta, motivadas por accidente, sexa ou non laboral, nas contías de dous millóns e dous millóns cincocentas mil pesetas, respectivamente.
En caso de accidente que ocasione invalidez total e absoluta, a póliza cubrirá o pagamento de, ademais da cantidade anterior, outra cantidade por contía de dous millóns cincocentas vinte mil pesetas.
Esta cobertura terá efecto 30 días despois da sinatura do convenio, e terá validez durante o tempo de permanencia do traballador na empresa.
Artigo 19º.-Premio por xubilación.
Establécense uns premios por xubilación nas seguintes contías, sempre que esta sexa efectiva dentro do primeiro mes do cumprimento de idade:
Por xubilación voluntaria ós 64 anos: 400.000 pesetas.
Por xubilación voluntaria ós 63 anos: 600.000 pesetas.
Por xubilación voluntaria ós 62 anos: 800.000 pesetas.
Por xubilación voluntaria ós 61 anos: 1.000.000 de pesetas.
Por xubilación voluntaria ós 60 anos: 1.200.000 pesetas.
Artigo 20º.-Permisos e licencias.
Aplicarase o disposto no Estatuto dos traballadores.
Artigo 21º.-Seguridade e hixiene.
Observarase o disposto no Estatuto dos traballadores, Lei de prevención de riscos laborais e demais normas complementarias.
Artigo 22º.-Traballos de categoría superior.
Cando un traballador realice traballos propios de categoría superior á que teña atribuída, por substitucións ou dunha forma continuada, percibirá, durante o tempo que realice tales traballos, a remuneración total correspondente á categoría a que circunstancialmente quedase adscrito.
Artigo 23º.-Cláusula de revisión.
No suposto de que o IPC o 31 de decembro de 1998 supere o 2,5% farase unha revisión automática nas táboas de salarios pola porcentaxe que exceda do dito 2,5%, para o efecto de tomalo como base para os cálculos salariais de 1999.
Artigo 24º.-Dereitos sindicais.
Aplicarase o disposto no Estatuto dos traballadores, Lei orgánica de liberdade sindical, e demais normativa vixente.
Artigo 25º.-Incapacidade temporal.
A empresa, en caso de incapacidade temporal derivada tanto de accidente como de enfermidade que esixa hospitalización, completará o salario ata o 100% dos conceptos salariais.
Artigo 26º.-Prevención de alcoholemias.
Como prevención de accidentes laborais, e de acordo coa ordenanza laboral vixente, prohíbese introducir e consumir bebidas alcohólicas ou outras substancias non autorizadas no centro de traballo, así como presentarse ó traballo ou permanecer nel en estado de embriaguez ou de calquera outro xénero de intoxicación.
Artigo 27º.-Comité mixto paritario.
Para a interpretación deste convenio créase unha comisión paritaria composta por dous membros do comité de empresa e dous representantes da empresa.
Artigo 28º.-Contratos de traballo.
Os contratos de traballo observarán a lexislación vixente.
Por circunstancias do mercado, acumulación de tarefas ou excesos de pedidos que así o esixan, poderanse facer contratos con atención ó carácter excepcional da actividade ata un máximo de 9 meses, de acordo co artigo 15, alíneas A e B, e artigo 48 da Lei 11/1994, do 19 de maio.
Artigo 29º.-Axuda escolar.
Crearase unha axuda para os nenos en idade escolar.
Os representantes da empresa manifestan expresamente a súa vontade de tratar de manter no transcruso do ano 1998 o número de postos de traballo actualmente existentes.
Táboas salariais 1997Traspaso
extra 97 extra extrasGrupo Salario 97 Gratificación
Gratificación
Sal.97+Gratif. Gratificación
1 mes 158.588 42.528 29.252 187.840 13.276 2 mes 130.668 41.614 28.338 159.006 13.276 3 mes 112.472 27.894 14.618 127.090 13.276 4 mes 102.194 18.747 5.471 107.665 13.276 5 día 3.363 618 182 3.545 436 6 mes 96.346 9.878 988 97.334 8.890 7 mes 96.346 9.878 988 97.334 8.890 8 día 3.168 325 33 3.201 292 9 mes 96.346 9.878 988 97.334 8.890 10 mes 92.714 7.317 732 93.446 6.585 11 día 3.049 240 24 3.073 216 12 día 2.953 91 9 2.962 82 13 día 1.640
Táboas salariais 1998Incremento 2,5
convenio extrasGrupo Salario Gratificación
Gratificación
Total anual
1 mes 192.536 7.001 13.608 3.135.348 2 mes 162.981 7.001 13.608 2.692.023 3 mes 130.267 7.001 13.608 2.201.313 4 mes 110.357 7.001 13.608 1.902.663 5 día 3.634 232 447 1.901.305 6 mes 99.767 7.001 9.112 1.689.861 7 mes 99.767 7.001 9.112 1.689.861 8 día 3.281 232 299 1.686.670 9 mes 99.767 7.001 9.112 1.689.861 10 mes 95.782 7.001 6.750 1.601.742 11 día 3.150 232 221 1.585.595 12 día 3.036 232 84 1.496.720 13 día 1.681 764.855
Táboa antigüidade ano 1998
Grupo 1 trienio 2 trienio 1 quinquenio 2 quinquenio Seguintes
1 7.369 14.738 25.055 35.372 44.215 2 5.990 11.980 20.366 28.751 35.940 3 5.254 10.509 17.866 25.221 31.527 4 4.856 9.713 16.512 23.312 29.139
Grupo 1 trienio 2 trienio 1 quinquenio 2 quinquenio Seguintes
5 4.795 9.589 16.302 23.013 28.767 6 4.676 9.351 15.897 22.443 28.054 7 7.676 9.351 15.897 22.443 28.054 8 4.611 9.223 15.679 22.136 27.670 9 4.676 9.351 15.897 22.443 28.054 10 4.526 9.053 15.390 21.728 27.159 11 4.467 8.933 15.186 21.440 26.800 12 4.378 8.756 14.884 21.014 26.267
9320