A Comisión de Goberno, na sesión celebrada o día 14 de outubro de 1998, prestou aprobación ó prego de cláusulas administrativas que rexerá o concruso de ideas, por procedemento aberto, para a adxudicación da redacción do proxecto técnico e dirección das obras de polideportivo cuberto e pista descuberta nos terreos das Trigueirizas, quedando exposto ó público polo prazo de oito días naturais contados a partir do seguinte ó da inserción deste anuncio no BOP para efectos de reclamacións.
Ó mesmo tempo, anúnciase concurso, aprazándose a licitación, cando resulte necesario, no suposto de que se formulen reclamacións contra o prego de condicións.
O prego completo de cláusulas administrativas consta nas oficinas municipais, extractándose seguidamente o seguinte:
Localización: predio das Trigueirizas.
Lugar: Celanova (Ourense).
Nome: polideportivo cuberto e pista deportiva descuberta nas Trigueirizas.
Concurso de ideas para o posterior encargo do proxecto técnico, así como para a adxudicación do contrato e da dirección das obras dun polideportivo cuberto e pista deportiva descuberta nas Trigueirizas.
Antecedentes.
O concello de Celanova convoca a concurso de ideas para a redacción de proxecto dun polideportivo cuberto e pista deportiva descuberta nas Trigueirizas dentro do marco de actuación do convenio asinado entre a Consellería de Educación e Ordenación Universitaria, a Deputación Provincial e o Concello de Celanova, aprobado polo Pleno do Concello do 24 de setembro de 1998.
Base 1: obxectivos.
Elección da proposta máis imaxinativa, orixinal, atractiva, funcional e adecuada ó contorno monumental no que se sitúa, para a construcción dun polideportivo cuberto e unha pista deportiva superior, así como á adecuación do seu contorno, atendendo ás condicións técnicas básicas que se enumeran nas bases.
Base 3: concursantes.
Poderán tomar parte neste concurso aqueles técnicos de titulación superior habilitados pola lei para poderen redactar e dirixir proxectos desta índole, que poderán concorrer individualmente ou en equipo multidisciplinar.
Base 4: prazo de presentación.
Ata as 14 horas do vixésimo sexto día natural, contado desde o seguinte ó da última publicación do anuncio no BOP de Ourense ou no DOG.
Base 6: orzamento indicativo.
Incluídas as dotacións, honorarios de redacción e dirección do proxecto, o importe será de 90 millóns de pesetas.
Esta cantidade introdúcese de xeito indicativo, polo que o proxecto poderá non chegar ou superar esta, prevalecendo en todo caso as condicións técnicas e outras valoracións que poidan ser introducidas ó respecto.
Base 10: puntuación.
O xurado valorará:
Nº Concepto Puntos
1 Orixinalidade no deseño e contido do pavillón De 1 a 15
2 Harmonía da actuación co contorno do mosteiro De 1 a 15
3 Acondicionamento do contorno do pavillón e da pista deportiva De 1 a 15
4 Integración doutras actividades que se van desenvolver no edificio De 1 a 10
5 Calidade de materiais propostos De 1 a 10
6 Aproveitamento de espacios que se creen De 1 a 10
7 Supresión de obstáculos e barreiras arquitectónicas De 1 a 10
8 Prazo de redacción do proxecto técnico De 1 a 10
9 Valoración económica das actuacións De 1 a 5
Ningún proxecto será ganador no suposto de que non acade 75 puntos.
No suposto de empate, dirimirá o xurado e adoptará a resolución por maioría de 2/3.
Celanova, 16 de outubro de 1998.
O alcalde
Rubricado
9056
