En cumprimento do disposto no artigo 25.4º da Lei 10/1995, do 23 de novembro, de ordenación do territorio de Galicia, esta dirección xeral dispón que se publique no DOG o acordo adoptado polo Consello da Xunta de Galicia na súa reunión do 24 de setembro de 1998, a parte dispositiva do cal é do seguinte teor literal:
1º Aprobar definitivamente o proxecto sectorial de incidencia supramunicipal chamado parque eólico Os Corvos.
2º Integra-lo citado proxecto sectorial no Plan Eólico de Galicia, aprobado por acordo deste consello do 1 de outubro de 1997.
3º De conformidade co contido do acordo do Consello da Xunta de Galicia, do 1 de outubro de 1997, polo que se aproba o Plan Eólico de Galicia como proxecto sectorial de incidencia supramunicipal, o planeamento do Concello de Cedeira que da vinculado ás determinacións contidas no proxecto sectorial que se aproba.
Consecuentemente, non se requirirá autorización urbanística previa para as instalacións incluídas no citado proxecto.
Santiago de Compostela, 8 de outubro de 1998.
Joaquín del Moral Crespo
Director xeral de Industria
9506