En cumprimento do acordado por resolución con data do 15 de setembro de 1998, a xuíza del Juzgado de Primeira Instancia e Instrucción de Muros (A Coruña) fai saber que neste xulgado e co nº 166/1998, por instancia de María Ánxeles Queiruga Lago sobre declaración de falecemento do seu esposo Ceferino Rivadeneira Abeijón.

Ceferino Rivadeneira Abeijón, de profesión mariñeiro, traballaba para a empresa melillesa Marítima Peregar, S.A., a bordo do buque Volcán de Tamia.

O 31 de xullo de 1996 o buque Volcán de Tamia colisionou en aguas do Estreito de Xibraltar co buque Ever Reach e como consecuencia da abordaxe fundiuse irremisiblemente, arrastrando con el o home da instante, que desapareceu desde aquel momento e do que nunca máis se volveron ter noticias.

O que para os fins previdos nos artigos 2042 e seguintes da Lei de axuizamento civil, en relación cos artigos 193 e concordantes do Código civil, faise público mediante o presente edicto, o cal se publicará no taboleiro de anucnios deste xulgado, no BOE e no Diario Oficial de Galicia, por dúas veces e co intervalo de quince días, para os efectos legais e para que calquera persoa que o considere oportuno poida comparecer perante este xulgado para ser oído no mencionado expediente.

En Muros, o 15 de setembro de 1998.

A xuíza

Rubricado

A secretaria

Rubricado

9357