O Consello da Xerencia Municipal de Urbanismo, en sesión celebrada o 4 de setembro de 1998, acordou aprobar inicialmente o estudio de detalle UE V-F PERI Aragón, presentado pola entidade Gestiones Urbanísticas y de Negocios, redactado polo arquitecto Pedro Alonso Fernández e visado polo COAG con datos do 25 de marzo, 9 de xullo e 19 de agosto de 1998.

Sométese a información pública polo prazo dun mes, mediante inserción de anuncios no DOG, nun xornal dos de maior circulación da provincia e no taboleiro da casa do concello.

Signifícase que o prazo de exposición ó público se entenderá aberto desde a primeira publicación ata o remate do mes contados desde o derradeiro anuncio.

A documentación atópase na oficina de Información da Xerencia Municipal de Urbanismo ó dispor do público, planta baixa da casa do concello.

Este anuncio servirá de notificación nos termos do artigo 59 da Lei de réxime xurídico das administracións públicas e do procedemento administrativo común para tódolos propietarios e interesados directamente afectados que, por resultaren descoñecidos ou ignorando o seu enderezo, non poidan ser notificados persoalmente.

Vigo, 17 de setembro de 1998.

Manuel Pérez Álvarez

Alcalde

8922