A Lei orgánica 1/1990, do 3 de outubro, de ordenación xeral do sistema educativo regula, entre outras, as ensinanzas de educación secundaria, comprendendo a educación secundaria obrigatoria, o bacharelato e a formación profesional de grao medio.
De conformidade co establecido no Real decreto 173/1998, do 16 de febreiro, polo que se modifica e completa o Real decreto 986/1991, do 14 de xuño, polo que se aproba o calendario de aplicación da nova ordenación do sistema educativo, no ano académico 1998-1999 implántase con carácter xeral o terceiro curso da educación secundaria obrigatoria e deixan de impartirse as ensinanzas correspondentes ó primeiro curso de bacharelato unificado e polivalente e ó primeiro curso da formación profesional de primeiro grao.
A disposición adicional duodécima do Real decreto 1635/1995, do 6 de outubro, polo que se adscribe o profesorado dos corpos de profesores do ensino secundario e profesores técnicos de formación profesional ás especialidades propias da formación profesional específica, establece que o Ministerio de Educación e Ciencia e os órganos correspondentes das Comunidades Autónomas poderán establecer criterios e procedementos para a redistribución do profesorado pola implantación do segundo ciclo da educación secundaria obrigatoria, do bacharelato e da formación profesional, na forma que determine cada Administración educativa.
A Consellería de Educación e Ordenación Universitaria e as organizacións sindicais ANPE, CC.OO. e CSI-CSIF acadaron un acordo de aplicación de criterios para determina-los cadros de persoal dos institutos de educación secundaria e centros públicos integrados e do procedemento para realiza-la adscrición do profesorado dos corpos de profesores de ensino secundaria e profesores técnicos de formación profesional.
Na súa virtude, esta consellería
DISPÓN:
I. Participantes.
Primeiro.
1. Están obrigados a participar no procedemento de adscrición establecido pola presente orde tódolos funcionarios de carreira dos corpos de profesores
de ensino secundario e profesores técnicos de formación profesional que teñan destino definitivo nun instituto de educación secundaria dependente da Consellería de Educación e Ordenación Universitaria, xa estean en situación de servicio activo ou en excedencia para coidado de fillos ou en servicios especiais.
2. Participarán, así mesmo, obrigatoriamente neste proceso de adscrición:
a) Os funcionarios de carreira da escala de profesores numerarios e psicólogos de ensinanzas integradas.
b) Os funcionarios de carreira do corpo de profesores especiais de institutos técnicos de ensinanzas medias, da especialidade de educación física, integrados no dito corpo polo Real decreto 1467/1988 do 2 de decembro.
c) Os funcionarios de carreira do corpo de profesores especiais de institutos técnicos de ensinanzas medias non integrados polo Real decreto 1467/1988, do 2 de decembro.
Estes funcionarios participarán no proceso de adscrición como se fosen titulares da especialidade que veñan desempeñando nos últimos cinco anos.
Segundo.-Poderán participar no procedemento de adscrición:
a) Os funcionarios de carreira do corpo de profesores de ensino secundario da especialidade educadores.
b) Os funcionarios de carreira do corpo de profesores técnicos de formación profesional especialidade actividades.
c) Os funcionarios de carreira do corpo de profesores especiais de institutos técnicos de ensinanzas medias, non comprendidos no punto anterior.
Os funcionarios comprendidos neste punto que desexen participar no proceso de adscrición deberán comunicalo á dirección do centro e a Dirección Xeral de Persoal no modelo que se adxunta como anexo III á presente orde, no prazo de tres días naturais computados a partir do día seguinte ó da súa publicación.
II. Vacantes.
Terceiro.
1. A Consellería de Educación e Ordenación Universitaria procederá a publicar no Diario Oficial de Galicia os cadros de persoal dos institutos de educación secundaria e dos centros públicos integrados que se terán en conta para realiza-la adscrición regulada pola presente orde.
2. Para a obtención dos cadros de persoal de cada instituto de educación secundaria e de cada centro integrado aplicaranse os criterios contidos no acordo asinado o 21 de xullo de 1998 entre a Consellería de Educación e Ordenación Universitaria e as orga
nizacións sindicais ANPE, CC.OO. e CSI-CSIF ós grupos de alumnos previstos ó remata-la implantación do novo sistema educativo.
3. Para a obtención dos cadros de persoal computaranse, así mesmo, as horas correspondentes ó primeiro ciclo da educación secundaria obrigatoria que non foron consideradas para a determinación dos catálogos dos postos de traballo dos institutos correspondentes ós funcionarios do corpo de mestres e os restos horarios da súa especialidade que non poidan ser asumidos polos funcionarios do corpo de mestres.
4. Computaranse tamén as horas correspondentes ó primeiro ciclo da ESO daquelas especialidades nas que a praza estea cuberta por un funcionario de carreira do corpo de profesores de ensino secundario que accederan ó corpo procedente do corpo de mestres.
III. Requisitos dos solicitantes e postos ós que se pode optar.
Cuarto.
1. Os funcionarios de carreira que estean obrigados a participar no procedemento de adscrición regulado nesta orde e os que o fagan voluntariamente optarán ás prazas da especialidade da que sexan titulares ou para a que posúan titulación adecuada, conforme os criterios que se establecen nos puntos seguintes.
2. Son titulacións adecuadas as que se establecen, se é o caso, para cada especialidade, no anexo I da presente orde.
Quinto.-O profesorado titular de antigas especialidades de formación profesional que se desdobraron en máis dunha nova especialidade, conforme os reais decretos 1635/1995, do 6 de outubro e 777/1998, do 30 de abril, poderán elixir praza correspondente a calquera das novas especialidades que posúen, conforme o anexo II.
Sexto.-Ademais, ás prazas de tecnoloxía poderán adscribirse os profesores técnicos de formación profesional que, non reunindo o requisito de titulación establecido no anexo I da presente orde, posúan algunha das seguintes especialidades:
-Mantemento de vehículos.
-Oficina de proxectos de fabricación mecánica.
-Instalacións electrotécnicas.
-Equipos electrónicos.
-Máquinas, servicios e producción.
-Soldadura.
-Fabricación e instalacións de carpintería e moble.
-Laboratorio.
-Operación de procesos.
-Mecanizado e mantemento de máquinas.
Sétimo.
1. Os profesores non especialistas que son titulares de praza de tecnoloxía, psicoloxía e pedagoxía e
economía, enténdese, para os efectos de participación na primeira e terceira fase, que posúen a especialidade da praza que están a desempeñar.
2. Sen prexuízo do anterior, poderán participar cos dereitos previstos na presente orde pola especialidade da que son titulares, tendo en conta que na primeira e terceira fase elixirán despois dos titulares da mesma especialidade que están a desempeñar praza.
IV. Criterios de adscrición.
Oitavo.
1. A prioridade de adscrición virá determinada pola aplicación sucesiva dos seguintes criterios:
a) Ser titular da especialidade correspondente á praza que se está a desempeñar.
b) Ser titular doutra especialidade que non se está a desempeñar.
c) Ter titulación adecuada.
d) Pertencer ó corpo ó que corresponde a praza.
2. Dentro de cada apartado anterior aplicaranse, sucesivamente, os seguintes criterios:
a) Te-la condición de catedrático e desempeña-la praza acadada na resolución dos concursos de traslados específicos para os extinguidos corpos de catedráticos numerarios de bacharelato ou profesores numerarios e psicólogos dos extinguidos centros de ensinanzas integradas.
b) Maior tempo de servicios efectivos como funcionario de carreira do corpo ó que pertenza o funcionario.
c) Maior antigüidade ininterrompida como funcionario de carreira con destino definitivo na praza.
d) Ano máis antigo de ingreso no corpo.
e) Posuí-la condición de catedrático.
f) Maior puntuación obtida no procedemento selectivo de ingreso no corpo.
g) De non poder coñecerse a puntuación obtida no procedemento selectivo e cando concorran funcionarios procedentes do mesmo corpo, dirimirase polo NRP máis baixo e, se proceden, no seu momento, de distintos corpos, ordenaranse intercalando os distintos funcionarios, conforme os criterios seguintes:
A) Corpo de profesores de ensino secundario: un catedrático numerario de bacharelato, un funcionario da escala de profesores numerarios e psicólogos de ensinanzas integradas, un profesor agregado de bacharelato, un profesor numerario de escolas de mestría industrial, un funcionario da escala de materias técnico-profesionais e educadores de ensinanzas integradas, un funcionario do corpo de profesores especiais de escolas de mestría industrial, un funcionario da escala ente «A» da AISS.
B) Corpo de profesores técnicos de formación profesional: un funcionario do corpo de mestres de taller de escolas de mestría industrial, un funcionario da escala de profesores de prácticas e actividades de ensinanzas integradas e un docente da escala docente «B» da AISS.
V. Procedemento de adscrición.
Noveno.-O proceso de adscrición desenvolverase, en acto público, seguindo as seguintes fases:
a) Primeira fase: ofertaranse tódalas prazas de instituto de educación secundaria ou centro público integrado que proceda prover por funcionarios do corpo de profesores de ensino secundario e profesores técnicos de formación profesional.
Poderán participar nesta fase, con carácter voluntario, os funcionarios de carreira do corpo de profesores de ensino secundario e profesores técnicos de formación profesional que teñan destino definitivo no instituto de educación secundaria.
Participarán obrigatoriamente nesta primeira fase os funcionarios de carreira ós que fai referencia o apartado 2 do punto primeiro da presente orde e os relacionados no punto segundo que optasen por participar no procedemento.
Esta primeira fase desenvolverase en dúas voltas:
-Na primeira volta unicamente se poderá reafirma-la praza da que no momento da entrada en vigor da presente orde se é titular.
-Na segunda volta, ofertaranse as prazas non provistas na primeira, podendo adscribirse a outra praza do instituto da que non se é titular e para a que se teña a especialidade ou titulación adecuada.
b) Segunda fase: ofertaranse tódalas prazas que resulten vacantes na fase anterior nos institutos de educación secundaria e nos centros públicos integrados ubicados nunha mesma localidade, así como as prazas dos institutos ou centros públicos integrados de nova creación que, no seu caso, hai na mesma.
Poderán participar nesta segunda fase, con carácter voluntario, os funcionarios de carreira do corpo de profesores de ensino secundario e profesores técnicos de formación profesional que na primeira fase non obtiveron praza e estean destinados definitivamente en calquera dos institutos de educación secundaria ou centros públicos integrados da localidade.
Poderán participar, así mesmo, os funcionarios recollidos no número 2 do punto primeiro da presente orde, sempre que non resultaran adscritos na primeira fase.
Esta segunda fase terá unicamente unha volta e o profesorado poderá adscribirse soamente a unha praza para a que posúa a correspondente especialidade.
c) Terceira fase: ofertaranse as vacantes existentes en cada instituto de educación secundaria e centro público integrado.
Participarán obrigatoriamente nesta fase os funcionarios de carreira do corpo de profesores de ensino secundario e profesores técnicos de formación profesional que, non resultando adscritos nas fases anteriores, teñan destino definitivo no centro no que existan vacantes.
Esta fase terá dúas voltas. Na primeira, o profesorado resultará adscrito forzosamente a unha praza da súa especialidade sempre que a estea desempeñando.
Na segunda volta, os profesores que non resultaron adscritos na súa especialidade, poderán voluntariamente adscribirse a outra praza do mesmo centro doutra especialidade para a que teñan titulación adecuada.
d) Cuarta fase: ofertaranse tódalas prazas dunha mesma localidade que non resultaron cubertas nas fases anteriores.
Poderán participar nesta fase, voluntariamente, os funcionarios de carreira do corpo de profesores de ensino secundario e profesores técnicos de formación profesional, con destino definitivo na localidade que non resultaron adscritos nas fases anteriores.
Esta fase terá dúas voltas. Na primeira procederase á adscrición das prazas por especialidade e na segunda poderase adscribir por titulación adecuada.
e) Quinta fase: ofertaranse tódalas prazas dunha mesma zona educativa que non resultaron cubertas nas fases anteriores.
Poderán participar nesta fase, voluntariamente, os funcionarios de carreira do corpo de profesores de ensino secundario e profesores técnicos de formación profesional, con destino definitivo nun instituto ou centro público integrado ubicado na zona educativa.
Esta fase terá dúas voltas. Na primeira procederase á adscrición das prazas por especialidade e na segunda poderase adscribir por titulación adecuada.
Décimo.
1. A dirección de cada instituto, no prazo de cinco días contados desde a publicación da presente orde, publicará no taboleiro de anuncios a relación do profesorado que ten destino definitivo nel, ordenados segundo a prioridade que resulta da aplicación dos criterios previstos na presente orde, por especialidades, indicando se a praza que desempeñan a acadaron en concurso específico do extinguido corpo de catedráticos numerarios de bacharelato ou profesores numerarios e psicólogos dos extinguidos centros de ensinanzas integradas, especialidade da praza que se desempeña, se se é titular doutra especialidade que non se desempeña, tempo de servicios efectivos como funcionario de carreira do corpo ó que pertenza o funcionario, antigüidade ininterrompida como funcionario de carreira con destino defi
nitivo na praza, ano de ingreso no corpo como funcionario de carreira, se se posúe a condición de catedrático e, se é o caso, puntuación obtida no procedemento selectivo de ingreso no corpo, número de rexistro persoal cando sexa indicativo da orde de opción, titulacións que posúen e especificación, se é o caso, das especialidades para as que se ten titulación adecuada.
2. A mesma relación de profesorado será remitida á delegación provincial e a Dirección Xeral de Persoal da Consellería de Educación e Ordenación Universitaria.
3. Contra a relación de profesorado poderá presentarse reclamación, ante a Dirección Xeral de Persoal no prazo de cinco días naturais, contados desde o día seguinte o da súa publicación no taboleiro de anuncios do instituto.
Á reclamación xuntaranse, se é o caso, os documentos xustificativos que poidan acredita-las alegacións que se realicen.
4. As reclamacións que sexan estimadas seranlle comunicadas á dirección do instituto para que sexan tidas en conta na publicación das listas definitivas.
5. Contra estas relacións definitivas de profesorado poderá interpoñerse recurso ordinario, perante o conselleiro de Educación e Ordenación Universitaria, no prazo dun mes computado desde o día seguinte ó da súa publicación nos taboleiros de anuncios dos institutos.
Décimo primeiro.
1. A primeira fase do procedemento de adscrición será efectuada no propio centro, en sesión pública, por unha comisión integrada pola dirección, que actuará como presidente, e polos profesores de maior e menor idade, de entre os que teñan destino definitivo no instituto, na data que determine a Dirección Xeral de Persoal.
2. Rematada esta fase, as direccións dos institutos remitiran á delegación provincial de Educación e Ordenación Universitaria e á Dirección Xeral de Persoal, ademais da acta, relación de vacantes e de persoas que non resultaron adscritas.
3. A delegación provincial da Consellería de Educación e Ordenación Universitaria procederá a publicar unha relación de vacantes e do profesorado non adscrito, por localidade e outra por zonas educativas.
4. O procedemento de adscrición das seguintes fases efectuarase nunha sesión pública por unha comisión coa seguinte composición:
a) Un inspector de educación ou un funcionario da Consellería de Educación e Ordenación Universitaria designado pola Dirección Xeral de Persoal, que actuará como presidente.
b) Catro vocais, que serán membros dos equipos directivos dos institutos, designados pola delegación provincial.
De non existir suficiente número de órganos unipersoais de goberno para constituí-la comisión, a delegación provincial da Consellería de Educación e Ordenación Universitaria designará un profesor do centro.
c) Poderá formar parte da comisión, con voz e sen voto, un representante por cada organización sindical con representación na mesa sectorial docente non universitaria.
5. Esta comisión de adscrición terá o alcance dunha zona educativa.
6. A delegación provincial poderá determinar que o profesorado pertencente a distintas zonas educativas realicen o proceso de adscrición nun mesmo acto.
Décimo segundo.-As comisións establecerán o calendario da realización do acto de adscrición dentro do período que determine a Dirección Xeral de Persoal.
Décimo terceiro.-Todo o procedemento de adscrición efectuarase do seguinte xeito:
a) Por grupo de especialidades.
b) Pola orde que se indica dentro de cada grupo de especialidades:
Grupo I: Psicoloxía e pedagoxía.
Filosofía.
Grego.
Latín.
Lingua castelá e literatura.
Lingua e literatura galega.
Xeografía e historia.
Francés.
Inglés.
Música.
Educación física.
Grupo II: Tecnoloxía.
Economía.
Específicos formación profesional.
Matemáticas.
Física e química.
Bioloxía e xeoloxía.
Debuxo.
Grupo III: Específicos formación profesional de PTFP.
Décimo cuarto.-As comisións levantarán acta por cada acto, na que se conterán os resultados de adscrición, remitíndose o orixinal á Dirección Xeral de Persoal e unha copia á delegación provincial da Consellería de Educación e Ordenación Universitaria e a cada un dos centros afectados. Os centros publi
carán unha fotocopia da acta no taboleiro de anuncios e arquivarán outra copia na secretaría.
Décimo quinto.-Para os efectos da adquisición da condición de catedrático, os servicios prestados, nunha praza asignada a unha especialidade distinta da que posúe o funcionario, serán computados como prestados na especialidade que posúe o profesor.
Décimo sexto.-A praza acadada no proceso de adscrición regulado na presente orde non computará para os efectos da limitación de unha soa vez establecidos nas disposicións transitorias segunda, terceira e quinta do Real decreto 1635/1995, do 6 de outubro, e disposición transitoria terceira do Real decreto 777/1998, do 30 de abril.
Décimo sétimo.-Para os únicos efectos de participación nos futuros concursos de traslados, ó profesorado que obteña neste proceso de adscrición unha praza distinta da que posuía contará para efectos de antigüidade na praza a xerada na de orixe.
Así mesmo, computaráselle esta antigüidade para determinar se reúne os requisitos de participación establecidos nas bases da convocatoria.
Décimo oitavo.-Durante os seis anos seguintes á realización do proceso de adscrición os profesores terán un dereito de retorno ó seu centro de orixe nas especialidades das que sexan titulares, ou á praza de orixe do mesmo centro, sempre que se faga reserva deste dereito ante a comisión de adscrición, conforme o modelo que se xunta como anexo IV á presente orde.
Para estes efectos o profesorado titular de especialidades específicas de formación profesional que se desdobraron en máis dunha especialidade, elixirá a especialidade de posible reserva.
Décimo noveno.
1. O profesorado que non resulte adscrito en ningunha das fases establecidas no punto noveno da presente orde quedará como profesor desprazado do seu centro de destino.
2. Sen prexuízo do anterior, o profesorado que non resulte adscrito poderá optar por quedar na situación de suprimido, no prazo de 5 días hábiles contados desde a publicación da acta da adscrición, no seu centro, conforme o modelo que se publica como anexo V a presente orde.
Vixésimo.
1. O profesor desprazado manterá o seu destino definitivo e deberá participar nos concursos de traslados forzosamente, solicitando as prazas para as que estea habilitado da súa localidade de destino.
2. Os profesores desprazados participarán no concurso de traslados coa puntuación e dereitos preferentes asignados ós profesores suprimidos.
3. Impartirá docencia no seu propio centro ou noutro da localidade.
Disposicións adicionais
Primeira.-Os profesores ós que se fai referencia no número 2.c do punto primeiro, se non desempeñaron unha praza dunha especialidade das que se oferten prazas neste proceso e no punto segundo, se non participan no procedemento de adscrición, continuarán realizando as funcións que veñen desempeñando á entrada en vigor da presente orde.
Segunda.-Nos institutos de educación secundaria que teñan no seu cadro de persoal un funcionario de carreira do corpo de profesores especiais de institutos técnicos de ensinanzas medias, que veñan impartindo a EATP ensinanzas do fogar, poderán ofertar unha materia optativa acorde á titulación ou formación que posúa o profesor, sen que esta materia sexa computable para os efectos previstos no apartado 3 do artigo 7 da Orde do 19 de xuño de 1996, pola que se regula a implantación da educación secundaria obrigatoria.
Terceira.-En calquera caso, os funcionarios do grupo A que resulten adscritos a unha praza correspondente ó corpo de profesores técnicos de formación profesional continuarán percibindo as retribucións correspondentes ó grupo A.
Así mesmo, os funcionarios do grupo B que resulten adscritos a unha praza correspondente ó corpo de profesores de ensino secundario continuarán percibindo as retribucións correspondentes ó corpo de profesores técnicos de formación profesional.
Cuarta.-Os profesores que obtiveron destino definitivo nun centro como consecuencia de desagregación, desdobramento doutro centro, ou traslado de ensinanzas, computarán, para efectos de antigüidade, a xerada no centro de orixe.
Quinta.-Os institutos de educación secundaria que estean a desenvolver un proxecto experimental de orientación continuarán co mesmo se non se cobre e ata que sexa provista a praza de psicoloxía e pedagoxía, agás que o responsable do proxecto resultase adscrito a outro centro.
Sexta.-Os postos de traballo adxudicados coma consecuencia da adscrición regulada na presente orde terán efectos do 15 de setembro de 1998. Sen prexuízo do anterior, a Dirección Xeral de Persoal establecerá os criterios para efectua-las adscricións funcionariais, de carácter temporal, que sexan necesarias durante o período da implantación do novo sistema educativo e da operatividade parcial da rede de centros.
Santiago de Compostela, 1 de outubro de 1998.
Celso Currás Fernández
Conselleiro de Educación e Ordenación
Universitaria
ANEXO I
TITULACIÓNS DECLARADAS EQUIVALENTES, PARA EFECTOS
DE DOCENCIA, PARA AS ESPECIALIDADES DE ENSINO SECUNDARIO
de profesores de ensinanza
secundaria Titulación declarada equivalente
para efectos de docencia
Especialidade do corpo
Psicoloxía e pedagoxía Doutor ou licenciado en psicoloxía. Doutor ou licenciado en filosofía e ciencias da educación, especialidades: psicoloxía ou ciencias da educación. Doutor ou licenciado en filosofía e letras, especialidades: pedagoxía ou psicoloxía. Diplomados nas escolas universitarias de psicoloxía ata 1974.
Tecnoloxía Enxeñeiro. Arquitecto. Doutor ou licenciado en ciencias física, en ciencias químicas. Licenciado da mariña civil. Licenciado en ciencias. Enxeñeiro técnico. Diplomado na mariña civil. Arquitecto técnico.
Economía Licenciado en administración e dirección de empresas. Licenciado en ciencias empresariais. Licenciado en ciencias actuariais e financeiras. Licenciado en economía. Licenciado en investigación e técnicas de mercado. Diplomado en ciencias empresariais. Diplomado en xestión e Administración pública.
TITULACIÓNS DECLARADAS EQUIVALENTES, PARA EFECTOS
DE DOCENCIA, PARA AS ESPECIALIDADES DE FORMACIÓN PROFESIONAL ESPECÍFICA DO CORPO DE PROFESORES DE ENSINO SECUNDARIO
de profesores de ensinanza
secundaria Titulación declarada equivalente
para efectos de docencia
Especialidade do corpo
Enxeñeiro técnico industrial, en tódalas súas especialidades.
Diplomado en navegación marítima.
Diplomado en radioelectrónica naval.
Administración de empresas Diplomado en ciencias empresariais. Diplomado en xestión e Administración pública.
Análises e química industrial Enxeñeiro técnico industrial, especialidade en química industrial. Enxeñeiro técnico forestal, especialidade en industrias forestais.
Construccións civís e edificación Arquitecto técnico.
Enxeñeiro técnico de obras públicas, en tódalas súas especialidades. Enxeñeiro técnico en topografía.
Formación e orientación laboral Diplomado en ciencias empresariais. Diplomado en relacións laborais. Diplomado en traballo social. Diplomado en educación social. Diplomado en xestión e Administración pública.
Hostelería e turismo Diplomado en turismo.
Informática Diplomado en estatística. Enxeñeiro técnico en informática de xestión. Enxeñeiro técnico en informática de sistemas.
Intervención sociocomunitaria Mestre, en tódalas súas especialidades. Diplomado en educación social. Diplomado en traballo social.
Navegación e instalacións mariñas Diplomado en máquinas navais.
Diplomado en radioelectrónica naval. Enxeñeiro técnico naval, en tódalas súas especialidades.
Organización e xestión comercial Diplomado en ciencias empresariais.
Organización e procesos de mantemento de vehículos Diplomado en navegación marítima.
Diplomado en máquinas navais. Enxeñeiro técnico aeronáutico, en tódalas súas especialidades. Enxeñeiro técnico agrícola, en tódalas súas especialidades. Enxeñeiro técnico forestal, en tódalas súas especialidades.
de profesores de ensinanza
secundaria Titulación declarada equivalente
para efectos de docencia
Especialidade do corpo
Enxeñeiro técnico forestal, especialidade en industrias forestais.
Enxeñeiro técnico aeronáutico, especialidade en aeronavegación.
Enxeñeiro técnico de minas, en tódalas especialidades. Enxeñeiro técnico naval, especialidades en propulsión e servicios do buque. Enxeñeiro técnico de obras públicas, en tódalas súas especialidades. Enxeñeiro técnico industrial, en tódalas súas especialidades.
Organización e proxectos de fabricación mecánica Enxeñeiro técnico industrial, en tódalas súas especialidades. Enxeñeiro técnico de minas, en tódalas súas especialidades. Enxeñeiro técnico en deseño industrial. Enxeñeiro técnico aeronáutico, especialidade en aeronaves, especialidade en equipos e materiais aeroespaciais. Enxeñeiro técnico naval, especialidade en estructuras mariñas. Enxeñeiro técnico agrícola, especialidade en explotacións. Agropecuarias, especialidade en industrias agrarias e alimentarias, especialidade en mecanización e construccións rurais. Enxeñeiro técnico de obras públicas, especialidade en construccións civís. Diplomado en máquinas navais.
Organización e proxectos de sistemas enerxéticos Enxeñeiro técnico industrial, en tódalas súas especialidades. Enxeñeiro técnico aeronáutico, en tódalas súas especialidades. Enxeñeiro técnico de obras públicas, en tódalas súas especialidades. Enxeñeiro técnico de telecomunicación, en tódalas súas especialidades. Enxeñeiro técnico naval, en tódalas súas especialidades. Enxeñeiro técnico agrícola, en tódalas súas especialidades. Enxeñeiro técnico de minas, en tódalas súas especialidades. Diplomado en máquinas navais.
Procesos de producción agraria Enxeñeiro técnico agrícola, en tódalas súas especialidades. Enxeñeiro técnico forestal, en tódalas súas especialidades.
Procesos na industria alimentaria Enxeñeiro técnico agrícola, especialidade en industrias agrarias e alimentarias.
Procesos sanitarios Diplomado en enfermería.
Procesos e productos de téxtil, confección e pel Enxeñeiro técnico industrial, especialidade téxtil.
Procesos e productos de vidro e cerámica Enxeñeiro técnico industrial, especialidade en química industrial.
Procesos e productos en artes gráficas Enxeñeiro técnico en deseño industrial.
Enxeñeiro técnico industrial, especialidade en química industrial.
Procesos e productos en madeira e moble Enxeñeiro técnico forestal, especialidade en industrias forestais. Enxeñeiro técnico industrial, especialidade en mecánica. Enxeñeiro técnico en deseño industrial. Arquitecto técnico.
Sistemas electrónicos Diplomado en radioelectrónica naval. Enxeñeiro técnico aeronáutico, especialidade en aeronavegación. Enxeñeiro técnico en informática de sistemas. Enxeñeiro técnico industrial, especialidade en electricidade, especialidade en electrónica industrial. Enxeñeiro técnico de telecomunicación en tódalas súas especialidades.
Sistemas electrotécnicos e automáticos Diplomado en radioelectrónica naval.
Enxeñeiro técnico en informática de sistemas. Enxeñeiro técnico industrial, especialidade en electricidade, especialidade en electrónica industrial. Enxeñeiro técnico de telecomunicación, en tódalas súas especialidades.
Nota. As titulacións indicadas corresponden ó catálogo de títulos universitarios oficiais e ás sucesivas incorporacións ó mesmo. Tamén son equivalentes a efectos de docencia as titulacións homólogas ás especificadas, segundo o R.D. 1954/1994, do 30 de setembro (BOE do 17 de novembro).
TITULACIÓNS DECLARADAS EQUIVALENTES, PARA EFECTOS
DE DOCENCIA, PARA AS ESPECIALIDADES DE FORMACIÓN
PROFESIONAL ESPECÍFICA DO CORPO DE PROFESORES TÉCNICOS
DE FORMACIÓN PROFESIONAL
de profesores técnicos
de formación profesional Titulación declarada equivalente
para efectos de docencia
Especialidade do corpo
Cociña e pastelería Técnico superior en restauración. Técnico especialista en hostalería.
Estética Técnico superior en estética. Técnico especialista en estética.
Fabricación e instalación de carpintería e moble Técnico superior en producción de madeira e moble.
Mantemento de vehículos Técnico superior en automoción.
Mecanizado e mantemento de máquinas Técnico superior en producción por mecanizado.
Patronaxe e confección Técnico superior en procesos de confección industrial. Técnico superior en patronaxe.
Perruquería Técnico especialista en perruquería.
Producción en artes gráficas Técnico superior en producción en industrias de artes gráficas.
Servicios de restauración Técnico superior en restauración. Técnico especialista en hostalería.
Soldadura Técnico superior en construccións metálicas. Técnico especialista en construccións metálicas. Técnico especialista en soldadura. Técnico especialista en fabricación soldada. Técnico especialista en calderería en chapa estructural.
TITULACIÓNS REQUIRIDAS PARA OCUPAR PRAZAS DE ESPECIALIDADES
DO PROFESORADO POR FUNCIONARIOS DOUTRAS ESPECIALIDADES
NAS CONVOCATORIAS DE PROVISIÓN DE VACANTES, SEGUNDO
A DISPOSICIÓN TRANSITORIA TERCEIRA DO REAL DECRETO 777/1998
(1) Profesores de ensino secundario
(2) Profesores técnicos de formación profesional
Especialidades do corpo de profesorado dos corpos de:
Titulacións para imparti-los módulos profesionais que son competencia docente de cada especialidade do profesorado; ademais das titulacións declaradas equivalentes, a efectos de docencia relacionadas nos anexos VI a) e VI b) do R.D. 777/1998
Formación e orientación laboral (1) Licenciado en: dereito; administración e dirección de empresas; ciencias actuariais e financeiras; ciencias políticas e da administración; economía, psicoloxía; socioloxía. Enxeñeiro en: organización industrial.
Procesos de producción agraria (1) Licenciado en: bioloxía; ciencias ambientais; ciencia e tecnoloxía dos alimentos; xeoloxía; química; veterinaria. Enxeñeiro: agrónomo, de montes.
Operacións e equipos de producción agraria (2) Licenciado en: bioloxía; ciencias ambientais; ciencia e tecnoloxía dos alimentos; xeoloxía; química; veterinaria. Enxeñeiro: agrónomo, de montes. Enxeñeiro técnico: agrícola, en tódalas súas especialidades; forestal, en tódalas súas especialidades.
Educación física (1) Licenciado en: ciencias da actividade física e do deporte; medicina, acreditando estar en posesión do diploma de especialista en medicina deportiva (O.M. 24 de xullo 95).
Navegación e instalacións mariñas (1) Licenciado en: máquinas navais; náutica e transporte marítimo; radioelectrónica naval. Enxeñeiro: agrónomo; aeronáutico; de camiños, canais e portos; en xeodesia e cartografía; industrial; de materiais; de minas, de montes; naval e oceánico; en organización industrial.
Procesos de cultivo acuícola (1) Licenciado en: bioloxía; ciencias do mar; ciencia e tecnoloxía dos alimentos; veterinaria. Enxeñeiro agrónomo.
Máquinas, servicios e producción (2) Licenciado en: máquinas navais; náutica e transporte marítimo; radioelectrónica naval. Enxeñeiro: agrónomo; aeronáutico; de camiños, canais e portos; en xeodesia e cartografía: industrial; de materiais; de minas; de montes; naval e oceánico.
(1) Profesores de ensino secundario
(2) Profesores técnicos de formación profesional
Especialidades do corpo de profesorado dos corpos de:
Titulacións para imparti-los módulos profesionais que son competencia docente de cada especialidade do profesorado; ademais das titulacións declaradas equivalentes, a efectos de docencia relacionadas nos anexos VI a) e VI b) do R.D. 777/1998
Diplomado en: máquinas navais; navegación marítima. Enxeñeiro técnico: naval, especialidade en estructuras mariñas, especialidade en propulsión e servicios do buque, aeronáutico, especialidade en aeromotores, especialidade en aeronavegación, especialidade en aeronaves, especialidade en equipos e materiais aeroespaciais; agrícola, especialidade en mecanización e construccións rurais; forestal, especialidade en industrias forestais; industrial, especialidade en electricidade, especialidade en mecánica; de minas, especialidade en explotación de minas, especialidade en instalacións electromecánicas mineiras, especialidade en mineralurxia e metalurxia, especialidade en recursos enerxéticos, combustibles e explosivos; de obras públicas, en tódalas súas especialidades.
Enxeñeiro: de canais, camiños e portos; industrial; de materiais.
Enxeñeiro: industrial, naval e oceánico; de camiños, canais e portos.
Instalacións e equipos de cría e cultivo (2) Licenciado en: bioloxía; ciencias do mar; ciencia e tecnoloxía dos alimentos; veterinaria. Enxeñeiro agrónomo. Enxeñeiro técnico agrícola, especialidade en explotacións agropecuarias.
Administración de empresas (1) Licenciado en: administración e dirección de empresas; ciencias actuariais e financeiras; ciencias políticas e da administración; economía; dereito.
Procesos de xestión administrativa (2) Licenciado en: administración e dirección de empresas; ciencias actuariais e financeiras; ciencias políticas e da administración; economía; dereito. Enxeñeiro en informática. Diplomado en: biblioteconomía e documentación; ciencias empresariais; xestión e administración pública. Enxeñeiro técnico: en informática de xestión; en informática de sistemas.
Procesos e productos en artes gráficas (1) Licenciado en: xornalismo; publicidade e relacións públicas; química. Enxeñeiro químico.
Producción en artes gráficas (2) Licenciado en: comunicación audiovisual, xornalismo, publicidade e relacións públicas, química. Enxeñeiro químico. Enxeñeiro técnico industrial, especialidade en química industrial, en deseño industrial; forestal, especialidade en industrias forestais.
Organización e xestión comercial (1) Licenciado en: administración e dirección de empresas; ciencias actuariais e financeiras; economía; dereito; investigación e técnicas de mercado; publicidade e relacións públicas.
Procesos comerciais (2) Licenciado en: administración e dirección de empresas; ciencias actuariais e financeiras; economía; investigación e técnicas de mercado; publicidade e relacións públicas. Enxeñeiro en informática. Diplomado en: biblioteconomía e documentación; ciencias empresariais; xestión e Administración pública. Enxeñeiro técnico: en informática de xestión; en informática de sistemas.
Procesos e medios de comunicación (1) Licenciado en: comunicación audiovisual; publicidade e relacións públicas; xornalismo. Enxeñeiro de telecomunicación.
Técnicas e procedementos de imaxe e son (2) Licenciado en: comunicación audiovisual, publicidade e relacións públicas, xornalismo. Enxeñeiro de telecomunicación. Enxeñeiro técnico en telecomunicación, especialidade en son e imaxe.
Construccións civís e edificación (1) Arquitecto.
Oficina de proxectos de construcción (2) Arquitecto.
Arquitecto técnico. Enxeñeiro técnico: industrial, en tódalas súas especialidades; de obras públicas, en tódalas súas especialidades; agrícola, especialidade en mecanización e construccións rurais.
Enxeñeiro: de telecomunicación; en electrónica; en automática e electrónica industrial; industrial; aeronáutico; naval e oceánico.
Sistemas electrotécnicos e automáticos (1) Licenciado en: física.
Sistemas electrónicos (1) Licenciado en: física. Enxeñeiro: aeronáutico; naval e oceánico; de minas; de telecomunicación; en electrónica; en automática e electrónica industrial; industrial.
(1) Profesores de ensino secundario
(2) Profesores técnicos de formación profesional
Especialidades do corpo de profesorado dos corpos de:
Titulacións para imparti-los módulos profesionais que son competencia docente de cada especialidade do profesorado; ademais das titulacións declaradas equivalentes, a efectos de docencia relacionadas nos anexos VI a) e VI b) do R.D. 777/1998
Enxeñeiro: aeronáutico; industrial; de minas; naval e oceánico.
Equipos electrónicos (2) Licenciado en: física. Enxeñeiro: de telecomunicación; de electrónica; en automática e electrónica industrial; industrial; aeronáutico. Diplomado en: radioelectrónica naval. Enxeñeiro técnico: aeronáutico, especialidade en aeronavegación; en informática de sistemas; industrial, especialidade en electricidade, especialidade en electrónica industrial; de telecomunicación, en tódalas súas especialidades.
Instalacións electrotécnicas (2) Licenciado en: física. Enxeñeiro: de telecomunicación; en electrónica; en automática e electrónica industrial; industrial. Diplomado en: radioelectrónica naval. Enxeñeiro técnico: aeronáutico, especialidade en aeronavegación; en informática de sistemas; industrial, especialidade en electricidade, especialidade en electrónica industrial; de telecomunicación, en tódalas súas especialidades.
Organización e proxectos de fabricación mecánica (1) Enxeñeiro: aeronáutico; en automática e electrónica industrial; industrial; de minas; en organización industrial; de materiais; naval e oceánico. Licenciado: en máquinas navais.
Mecanizado e mantemento de máquinas (2) Enxeñeiro: en automática e electrónica industrial; industrial; de materiais; naval e oceánico. Licenciado: en máquinas navais. Diplomado en: máquinas navais. Enxeñeiro técnico: industrial, especialidade en mecánica; en deseño industrial; naval, especialidade en estructuras mariñas; de minas, especialidade en mineralurxia e metalurxia; agrícola; especialidade en mecanización e construccións rurais.
Soldadura (2) Enxeñeiro: industrial; naval e oceánico. Diplomado en: máquinas navais. Enxeñeiro técnico: aeronáutico; especialidade en equipos e materiais aeroespaciais; industrial, especialidade en mecánica; en deseño industrial; naval, especialidade en estructuras mariñas; de obras públicas, especialidade en construccións civís; agrícola; especialidade en mecanización e construccións rurais.
Oficina de proxectos de fabricación mecánica (2) Arquitecto.
Licenciado: en máquinas navais. Diplomado en: máquinas navais. Arquitecto técnico. Enxeñeiro técnico: aeronáutico, especialidade aeronaves; industrial, especialidade en mecánica; en deseño industrial; naval, especialidade en estructuras mariñas; de minas, especialidade en instalacións electromecánicas mineiras; agrícola, especialidade en mecanización e construccións rurais.
Hostelería e turismo (1) Licenciado en: ciencia e tecnoloxía dos alimentos; administración e dirección de empresas.
Cociña e pastelería (2) Licenciado en: ciencia e tecnoloxía dos alimentos. Diplomado en turismo.
Servicios de restauración (2) Licenciado en: ciencia e tecnoloxía dos alimentos. Diplomado en turismo.
Asesoría de procesos de imaxe persoal (1) Licenciado en: bioloxía; bioquímica; farmacia; medicina; química. Enxeñeiro: químico.
Estética (2) Licenciado en: bioloxía; bioquímica; farmacia; medicina; química. Diplomado en: fisioterapia, enfermería; podoloxía.
Perruquería (2) Licenciado en: bioloxía; bioquímica; farmacia; medicina; química. Diplomada en: fisioterapia, enfermería; podoloxía.
Procesos na industria alimentaria (1) Licenciado en: bioloxía; bioquímica; ciencia e tecnoloxía dos alimentos; ciencias ambientais; farmacia; química; veterinaria. Enxeñeiro: agrónomo; químico.
Operacións e equipos de elaboración de productos alimentarios (2) Licenciado en: bioloxía; bioquímica; ciencia e tecnoloxía dos alimentos; ciencias ambientais; farmacia; química; veterinaria. Enxeñeiro: agrónomo; industrial; químico. Enxeñeiro técnico: agrícola, especialidade en industrias agrarias e alimentarias; industrial, especialidade en química industrial.
Informática (1) Licenciado en: matemáticas; física. Enxeñeiro en: informática; de telecomunicación; en electrónica.
(1) Profesores de ensino secundario
(2) Profesores técnicos de formación profesional
Especialidades do corpo de profesorado dos corpos de:
Titulacións para imparti-los módulos profesionais que son competencia docente de cada especialidade do profesorado; ademais das titulacións declaradas equivalentes, a efectos de docencia relacionadas nos anexos VI a) e VI b) do R.D. 777/1998
Enxeñeiro: en informática; de telecomunicación.
Enxeñeiro: industrial; de montes; de materiais; en organización industrial.
Enxeñeiro técnico: en deseño industrial; industrial, especialidade en mecánica; forestal, especialidade en industrias forestais, especialidade en explotacións forestais.
Enxeñeiro: industrial; aeronáutico; de telecomunicación; naval e oceánico; agrónomo; de minas.
Sistemas e aplicacións informáticas (2) Licenciado en: matemáticas; física.
Enxeñeiro técnico: industrial, especialidade en electrónica industrial, en informática de xestión; en informática de sistemas; de telecomunicación, en tódalas súas especialidades.
Procesos e productos en madeira e moble (1) Arquitecto.
Fabricación e instalación de carpintería e moble (2) Enxeñeiro: industrial; de montes; de materiais.
Organización e procesos de mantemento de vehículos (1) Enxeñeiro: industrial; aeronáutico; naval e oceánico; agrónomo; de minas; de montes. Licenciado en: máquinas navais.
Mantemento de vehículos (2) Enxeñeiro: industrial; aeronáutico; naval e oceánico; agrónomo; de minas; de montes. Licenciado en: máquinas navais. Diplomado en: máquinas navais. Enxeñeiro técnico: industrial, especialidade en mecánica; aeronáutico, en tódalas súas especialidades; naval, especialidade en propulsión e servicios do buque; agrícola, especialidade en mecanización e construccións rurais; de minas, especialidade en instalacións electromecánicas mineiras.
Organización e proxectos de sistemas enerxéticos (1) Arquitecto.
Licenciado en: máquinas navais.
Instalación de equipos térmicos e de fluídos (2) Arquitecto. Enxeñeiro: industrial; aeronáutico; naval e oceánico; agrónomo;. de minas. Licenciado en: máquinas navais. Diplomado en: máquinas navais. Arquitecto técnico. Enxeñeiro técnico: industrial, en tódalas súas especialidades; aeronáutico, en tódalas súas especialidades; forestal, especialidade en industrias forestais; naval, especialidade en propulsión e servicios do buque; agrícola, especialidade en industrias agrarias e alimentarias, especialidade en mecanización e construccións rurais; de minas, en tódalas súas especialidades.
Análises e química industrial (1) Licenciado en: química; bioquímica; farmacia; ciencia e tecnoloxía dos alimentos; ciencias ambientais. Enxeñeiro: químico.
Laboratorio (2) Licenciado en: química; farmacia; bioquímica; ciencias e tecnoloxía dos alimentos; ciencias ambientais. Enxeñeiro químico. Enxeñeiro técnico: industrial, especialidade en química industrial.
Operacións de procesos (2) Licenciado en: química; bioquímica; farmacia; ciencias e tecnoloxía dos alimentos; ciencias ambientais. Enxeñeiro químico. Enxeñeiro técnico industrial, especialidade en química industrial; forestal, especialidade en industrias forestais.
Procesos de diagnósticos clínicos e productos ortoprotésicos (1) Licenciado en: medicina; farmacia; bioloxía; bioquímica; química; ciencias ambientais; odontoloxía; veterinaria.
Procesos sanitarios (1) Licenciado en: medicina; farmacia; bioloxía; bioquímica; odontoloxía; veterinaria.
Procedementos de diagnóstico clínico e ortoprotésico (2) Licenciado en: medicina; farmacia; bioloxía; bioquímica; ciencias e tecnoloxía dos alimentos; ciencias ambientais; odontoloxía; química; veterinaria. Diplomado en: enfermería; fisioterapia.
Procedementos sanitarios e asistenciais (2) Licenciado en: medicina; farmacia; bioloxía; bioquímica; ciencia e tecnoloxía dos alimentos; odontoloxía; veterinaria. Diplomado en enfermería.
Intervención sociocomunitaria (1) Licenciado en: pedagoxía; psicoloxía; socioloxía; psicopedagoxía.
Servicios á comunidade (2) Licenciado en: pedagoxía, psicoloxía; socioloxía; psicopedagoxía. Diplomado en: educación social; traballo social; mestre, en tódalas súas especialidades.
(1) Profesores de ensino secundario
(2) Profesores técnicos de formación profesional
Especialidades do corpo de profesorado dos corpos de:
Titulacións para imparti-los módulos profesionais que son competencia docente de cada especialidade do profesorado; ademais das titulacións declaradas equivalentes, a efectos de docencia relacionadas nos anexos VI a) e VI b) do R.D. 777/1998
Enxeñeiro: químico; industrial.
Enxeñeiro: químico; industrial.
Enxeñeiro: químico; industrial; de materiais; en automática e electrónica industrial.
Procesos e productos de téxtil, confección e pel (1) Licenciado en: química.
Patronaxe e confección (2) Enxeñeiro técnico industrial: especialidade téxtil.
Producción téxtil e tratamentos físico-químicos (2) Licenciado en: química.
Enxeñeiro técnico industrial, especialidade téxtil, especialidade en química industrial.
Procesos e productos de vidrio e cerámica (1) Licenciado en: física; química.
ANEXO II
PROFESORES DE ENSINO SECUNDARIO
Especialidade antiga Especialidade nova
Tecnoloxía de electricidade -Sistemas electrotécnicos e automáticos. -Organización e proxectos de sistemas enerxéticos.
Tecnoloxía de delineación -Construccións civís e edificacións. -Organización e proxectos de fabricación mecánica. -Organización e proxectos de sistemas enerxéticos.
Tecnoloxía administrativa -Administración de empresas. -Organización e xestión comercial.
Tecnoloxía química -Análises e química industrial. -Procesos da industria alimentaria.
Tecnoloxía sanitaria -Procesos diagnóstico clínicos e productos ortoprotésicos. -Procesos sanitarios.
Tecnoloxía agraria -Procesos de producción agraria. -Procesos da industria alimentaria.
PROFESORES TÉCNICOS
Especialidade antiga Especialidade nova
-Servicios de restauración.
Prácticas metal -Mecanizado e mantemento de máquinas. -Soldadura.
Prácticas electricidade -Instalacións electrotécnicas. -Instalación e mantemento de equipos térmicos e de fluídos.
Prácticas delineación -Oficina de proxectos de construcción. -Oficina de proxectos de fabricación mecánica.
Prácticas administrativas -Procesos de xestión administrativa. -Procesos comerciais.
Prácticas de química -Laboratorio. -Operacións de proceso. -Operacións e equipos de elaboración de productos alimentarios.
Prácticas sanitarias -Procedementos de diagnósticos clínico e ortoprotésico. -Procedementos sanitarios e asistenciais.
Taller de perruquería e estética -Perruquería. -Estética.
Prácticas agrarias -Operacións de producción agraria. -Operación e equipos de elaboración de productos alimentarios.
Prácticas de hostelería e turismo -Cociña e pastelería.
ANEXO III
Apelidos...Nome...DNI...
Funcionario de carreira do corpo de,
da especialidade de
SOLICITA participar no procedemento de adscrición de acordo co establecido no punto segundo da Orde do 1 de outubro de 1998, pola que se regula o proceso de adscrición dos funcionarios do corpo de profesores de ensino secundario e profesores técnicos de formación profesional.
........., de...., de 1998
Asdo.:
Sr/Sra Director/a do IES...
Director Xeral de Persoal
ANEXO IV
Apelidos... Nome... DNI... NRP...
Funcionario de carreira do corpo de,
da especialidade de
De conformidade co establecido no apartado décimo oitavo da Orde do 1 de outubro de 1998, fai reserva do seu dereito de retorno ó Instituto de Ensino Secundario..., localidade..., provincia...
.........., de..... de 1998
Asdo.:
Director Xeral de Persoal
ANEXO V
Apelidos... Nome... DNI... NRP...
Funcionario de carreira do corpo de,
da especialidade de
EXPÓN: Que non resultou adscrito/a nas distintas fases do proceso de adscrición dos funcionarios do corpo de profesores de ensino secundario e profesores técnicos de formación profesional, regulado pola Orde do 1 de outubro de 1998, e conforme o establecido no seu punto décimo noveno.
OPTA por quedar na situación de suprimido.
.........., de..... de 1998.
Asdo.:
Delegado Provincial da Consellería de Educación e Ordenación Universitaria da provincia de...
8910
