O conselleiro de Política Territorial, Obras Públicas e Vivenda, con data do 3 de xullo de 1998, resolveu outorgar, con carácter definitivo, a Manuel Troitiño Núñez, a concesión do servicio público regular permanente de uso xeral de transporte de viaxeiros por estrada entre A Estrada e Forcarei: V-2524; XG-251, por substitución da concesión V-2524; XG-251, entre A Estrada e Meavía, con prolongación a Forcarei, de acordo entre outras, coas seguintes condicións particulares:
I.Itinerarios e puntos de parada.
* A Estrada, Empalme (N-640/Deputación), Cereixo, Vinseiro, Meavía, Quintillán, Empalme de Casetas e Forcarei.
II. Prohibicións de tráfico.
* De e entre A Estrada e o empalme da N-640 coa estrada que vai a Meavía, e viceversa.
* De e entre Forcarei e Empalme de Casetas, puntos intermedios e viceversa.
III. Expedicións.
Forcarei - A Estrada (21 km).
* Unha expedición de ida e volta de luns a venres laborables.
A Estrada - Vinseiro (8 km).
* Unha expedición de ida e volta os día lectivos.
Esta expedición poderá facer parada no Instituto de FP da Estrada.
IV. Tarifas.
Tarifa aplicable:
* Tarifa partícipe por viaxeiro/km.: 14,5367 pesetas.
* Tarifa usuario: 15,5542 pesetas.
* Exceso de equipaxes e encargas (excluído IVE): 2,1805 pesetas.
Contra a citada disposición, definitiva en vía administrativa, cabe interpoñer recurso contencioso-administrativo ante a Sala do Contencioso-Administrativo do Tribunal Superior de Xusticia de Galicia no prazo de dous meses, contados a partir da publicación desta resolución no Diario Oficial de Galicia.
Santiago de Compostela, 9 de setembro de 1998.
Juan Carlos Villarino Tejada
Director xeral de Transportes
8842