O Pleno do Concello de Forcarei, na sesión do día 6 de agosto de 1998, acordou expoñer ó público o documento do avance do Plan Xeral de Ordenación Municipal, e na sesión plenaria do día 28 de agosto de 1998 acordou a suspensión do procedemento de outorgamento de licencias en determinados ámbitos do termo municipal. Concretamente a suspensión afecta ás seguintes zonas e rúas do municipio:
-Tódolos ámbitos clasificados como solo apto para urbanizar(SAU).
-Rúa Regueira, desde o centro de servicios sociais ata o límite norte do solo urbano (Forcarei).
-Rúa I (Forcarei).
-Rúa Chano Piñeiro (Forcarei).
-Rúa da Senra (Forcarei).
-Rúa Alfredo González Barros (Soutelo de Montes).
A dita suspensión extinguirase, en todo caso, no prazo dun ano. Se dentro deste prazo se producise o acordo de aprobación inicial, a suspensión manterase para as áreas nas que as novas determinacións de planeamento supoñan modificación da ordenación urbanística, e os seus efectos extinguiranse definitivamente transcorrido un ano desde a adopción do acordo de aprobación inicial. Se esta se produce unha vez transcorrido o prazo do ano, a suspensión derivada desta aprobación inicial terá tamén a duración máxima dun ano.
Forcarei, 1 de setembro de 1998.
David Raposeiras Correa
Alcalde en funcións
8384