Convocada a provisión, polo sistema de libre designación, de varios postos de traballo vacantes na Secretaría Xeral de Relacións coa Unión Europea e Acción Exterior, por Orde do 10 de xullo de 1998 (Diario Oficial de Galicia nº 137, do 17 de xullo), de conformidade co disposto no artigo 27.2º da Lei 4/1988, do 26 de maio, da función pública de Galicia, na súa nova redacción dada polas leis 4/1991, do 8 de marzo e 3/1995, do 10 de abril, e nos artigos 16 e 17 do Decreto 93/1991, do 20 de marzo, e no uso das facultades conferidas polo artigo 15.4º da referida lei.
Esta consellería,
DISPÓN:
Primeiro.-Resolver parcialmente a convocatoria pública para a provisión, polo sistema de libre designación, de varios postos de traballo vacantes na Secretaría Xeral de Relacións coa Unión Europea e Acción Exterior, anunciados pola Orde do 10 de xullo de 1998 (Diario Oficial de Galicia nº 137, do 17 de xullo).
Segundo.-Adxudicarlle destino, no posto de traballo que se indica, e selecciona-lo funcionario que se relaciona no anexo I da presente orde.
Terceiro.-O cesamento no destino actual do funcionario que obtivo praza producirase no prazo de tres días, contados a partir do seguinte ó da publicación desta orde no Diario Oficial de Galicia.
O prazo para a toma de posesión do novo destino será de tres días a partir do seguinte ó do cesamento de tratarse da mesma localidade onde actualmente o funcionario preste servicios, ou dun mes se radica en distinta localidade, de conformidade co establecido no artigo 14 do Decreto 93/1991, do 20 de marzo, e co disposto na base sétima da convocatoria.
O cómputo de prazos de posesión iniciarase cando rematen os permisos ou licencias que, se é o caso, lles fosen concedidas ós interesados. Nos supostos de baixa temporal ou transitoria iniciarase a partir da correspondente alta.
Cuarto.-O xefe do centro no que cause baixa o funcionario, así como o daquel no que obteña destino, consignarán no título administrativo, dentro do prazo sinalado no número anterior, as correspondentes dilixencias de cesamento e toma de posesión.
Quinto.-Contra a presente orde, que lle pon fin á vía administrativa, os interesados poderán interpoñer recurso contencioso-administrativo ante o Tribunal Superior de Xustiza de Galicia no prazo de dous meses contados a partir do día seguinte ó da súa publicación no Diario Oficial de Galicia, logo da comunicación a esta consellería da vontade de interpoñelo.
Santiago de Compostela, 9 de setembro de 1998.
Dositeo Rodríguez Rodríguez
Conselleiro da Presidencia e Administración Pública
ANEXO I
NRP/DNI: 3325077813 A 2060.
Apelidos e nome: Gamallo Aller, Jesús María.
Grupo: A.
Código: PR.P09.00.002.15770.001.
Denominación do posto de traballo: subdirector xeral de Acción Exterior.
Centro directivo: Secretaría Xeral de Relacións coa Unión Europea e Acción Exterior.
Localidade: Santiago de Compostela.
Corpo ou escala: superior de Administración da Xunta de Galicia.
Nivel: 30.
Específico: 2.275.968.
8724