Con data do 30 de xuño de 1998 publicouse no Diario Oficial de Galicia nº 124 o anuncio de licitación do concurso polo procedemento aberto para a subministración de nove ordenadores, nove impresoras, nove licencias de uso microsoft office, unha impresora a cor e un módem.

Segundo consta no certificado expedido polo xefe de Sección de Administración e Rexistro da Consellería de Política Territorial, Obras Públicas e Vivenda, as empresas que presentaron oferta para esta licitación foron as seguintes:

-Qued Systems, S.L.

-Archy y Siga.

-Coremain, S.L.

-José Manuel Regueiro Mantiñán.

Á vista da proposta da mesa de contratación do 13 de agosto de 1998, de conformidade co establecido na Lei 8/1993, do 23 de xuño, no artigo 13 do Decreto 108/1996, do 29 de febreiro, e co prego de cláusulas administrativas particulares do citado concurso

RESOLVO:

Adxudicarlle o contrato de referencia á empresa Coremain, S.L. con NIF: B-15.313.505, sendo o orzamento de adxudicación tres millóns cincocentas sete mil pesetas e o prazo de entrega de quince días.

Santiago de Compostela, 1 de setembro de 1998.

Emilio García Gallego

Presidente do organismo autónomo Augas

de Galicia

8360