Visto o expediente do convenio colectivo do grupo de espectáculos e deportes da provincia da Coruña, que tivo entrada nesta delegación provincial o día 3-7-1998, subscrito en representación da parte económica por La Solana, Club de Tenis, Club de Golf e Real Club Náutico e, da parte social, pola central sindical CIG, o día 30-6-1998, de conformidade co disposto no artigo 90.2º e 3º da Lei 8/1980, do 10 de marzo, do Estatuto dos traballadores, Real decreto 1040/1981, do 22 de maio, sobre rexistro e depósito de convenios colectivos de traballo e Real decreto 2412/1982, do 24 de xullo, sobre traspaso de funcións e servicios da Administración do Estado á Comunidade Autónoma de Galicia en materia de traballo, esta delegación provincial
ACORDA:
Primeiro.-Ordena-la súa inscrición no libro de rexistro de convenios colectivos de traballo existente nesta delegación provincial, e notificación ás representacións económica e social da comisión negociadora.
Segundo.-Ordena-lo seu depósito no Servicio de Relacións Laborais, Sección de Mediación, Arbitraxe e Conciliación.
Terceiro.-Dispoñe-la súa publicación no Diario Oficial de Galicia.
A Coruña, 16 de xullo de 1998.
Mª Reyes Carabel Pedreira
Delegada provincial da Coruña
Convenio colectivo para o grupo de espectáculos e deportes da provincia da Coruña
Artigo 1º.-Ámbito de aplicación.
O presente convenio será de aplicación para as empresas e sociedades integradas no grupo de deportes da provincia da Coruña e reguladas pola vixente regulamentación laboral de traballo para os locais de espectáculos e deportes do 29-4-1950.
Artigo 2º.-Vixencia.
A vixencia do presente convenio colectivo será por tempo indefinido en tódolos seus contidos, ata que as partes decidan substituílo por outro negociado, en todo ou en parte, e de acordo co previsto no seu artigo 3º, iniciando a súa vixencia o día 1 de abril de 1998.
Artigo 3º.-Denuncia para efectos de negociación.
Este convenio poderá ser denunciado por calquera das partes cada ano de vixencia, cun mes de antelación. Se non fose denunciado entenderase prorrogado por iguais períodos sucesivamente. En caso de prórroga, actualizaranse tódolos seus conceptos económicos, no IPC do ano anterior máis dous (2) puntos.
Artigo 4º.-Xornada de traballo.
A xornada de traballo será de trinta e nove horas semanais (39). Establécese un descanso de trinta minutos (30) computables como traballo efectivo, cando a xornada de traballo sexa continuada.
Artigo 5º.-Cláusula de revisión.
Noc aso de que o IPC publicado polo INE ou organismo que o subtitúa, superase o 31 de decembro de 1998 un incremento do 1,6% con respecto ó 31 de decembro de 1997, efectuarase unha revisión salarial sobre tódolos conceptos económicos no exceso da devandita cifra. Tal incremento aboarase con efectos do 1 de abril do mesmo ano e para levalo a cabo tomaranse como referencia os salarios utilizados para realiza-los aumentos pactados para 1998. As ditas táboas revisadas tomaranse como base para a negociación do convenio colectivo para 1999.
Artigo 6º.-Licencias.
Sen perda de retribución ningunha, a empresa concederá licencias nos casos seguintes:
-Matrimonio do productor, 15 días.
-Enfermidade grave do cónxuxe, pais, fillos e parto da muller, 4 días.
-Morte do cónxuxe, pais, fillos e irmáns, 4 días.
Se o productor tivese que desprazarse fóra de Galicia, as ditas licencias ampliaranse a 7 días.
-Morte de pais, irmáns políticos de ámbolos cónxuxes, ou avós, 2 días.
-Morte de tíos, sobriños, netos, curmáns, 1 día.
-Vodas de fillos ou irmáns, 1 día se é dentro da provincia e 3 se é fóra dela.
-Bautizos e primeiras comuñóns de fillos e netos, 1 día.
-Por calquera tipo de intervención cirúrxica dos familiares de primeiro grao ou persoas que convivan na unidade familiar, 1 día.
-Por traslado de enderezo habitual concédese unha licencia de 2 días.
Artigo 7º.-Vacacións.
As vacacións reguladas para tódolos traballadores afectados polo presente convenio serán de 30 días, entendéndose comprendido no importe das vacacións o salario base, a antigüidade, plus de convenio, e calquera outro concepto fixo ou periódico.
As empresas, de común acordo cos representantes dos traballadores, ou con estes traballadores no caso de que non houbese representantes, poderán fixar a primeiros de xaneiro o cadro de vacacións correspondente ó ano que corre.
No caso de que por calquera motivo non se puidesen desfruta-las vacacións nas datas establecidas no calendario, desfrutararnse noutra data, logo de acordo entre a empresa e o traballador afectado, sendo a data tope para o seu desfrute a da denuncia para efectos de negociación deste convenio.
O persoal de traballo de tempada desfrutará estas proporcionalmente ó tempo traballado e ó seu remate.
Establécese unha bolsa de vacacións de 53.000 ptas. para o ano 1998, e para os traballadores fixos na empresa que desfruten as vacacións nos meses de outubro a abril, ámbolos dous inclusive; esta cantidade faraa efectiva a empresa 2 días antes do inicio do período de vacacións.
Queda pactado que, para os vindeiros 3 anos, a contía da citada bolsa incrementarase unicamente na mesma porcentaxe que se fixe nos convenioos colectivos dos respectivos anos para o resto dos conceptos económicos.
Artigo 8º.-Antigüidade.
Para todo o persoal que ingresase na empresa con anterioridade ó 1-4-1980, a antigüidade será computada por trienios do 8%. Para o persoal que ingrese con posterioridade á data anterior, rexerán as seguintes táboas:
-Ós 3 anos, 8%.
-Ós 5 anos, 10%.
-Ós 8 anos, 12%.
-Ós 10 anos, 15%.
-Ós 13 anos, 20%.
-Ós 15 anos, 25%.
-Ós 18 anos, 30%.
-Ós 20 anos, 40%.
-Ós 23 anos, 50%.
-Ós 25 anos, 60%.
Para isto teranse en conta, e para estes efectos, os límites da lexislación vixente.
Artigo 9º.-Pagas extraordinarias.
As empresas concederán as seguintes pagas extraordinarias:
No mes de xullo e no mes de decembro, no mes de marzo e no mes de outubro, sento todas elas de 30 días de salario base máis antigüidade.
Artigo 10º.-Baixa por enfermidade.
Para as dúas primeiras ILT por enfermidade ou accidente dentro da vixencia do convenio, as empre
sas incrementarán as prestacións de Seguridade Social, ata o cen por cento do salario en activo (salario base, antigüidade, plus de convenio e calquera outro concepto fixo ou periódico).
Para a terceira, nos tres primeiros días de ausencia, o traballador deixará de percibi-lo traballador o 20% da retribución diaria.
Do cuarto, ó décimo quinto día, ámbolos dous inclusive, deixarase de percibi-lo dez por cento da citada retribución.
Cando a situación de ILT dure máis de 15 días ininterrompidos, se percibirá a retribución íntegra desde o primeiro día de ausencia. Das situacións de enfermidade aludidas exclúense as ausencias orixinadas por:
Hospitalización, intervención cirúrxica e descanso por maternidade.
O incremento das prestacións non será repercutible nas pagas extraordinarias e estas serán aboadas na súa totalidade.
Artigo 11º.-Retribucións.
As retribucións para o persoal afectado por este convenio serán as seguintes para o ano 1998, tendo carácter de mínimos para tódolos efectos previstos na lexislación laboral vixente para os traballadores o traballadoras coa xornada prevista no artigo 4º do presente convenio colectivo, sendo proporcional nos demais casos. A suba inicial sobre tódolos conceptos económicos será do 2,6% excepto na bolsa de vacacións e seguro, que inicialmente serán as cantidades que nos apartados correspondentes se marcan.
Categorías Mensual Anual
Titulados de grao superior 145.663 2.440.388 Titulados de grao medio 116.156 1.976.276
Persoal Admón: Xefe de negociado 114.526 1.950.196 Oficial 1ª 110.600 1.887.380 Oficial 2ª 106.433 1.820.708 Auxiliares 102.091 1.751.236
Persoal obreiro: Encargado de primeira 111.714 1.905.204 Encargado de segunda 111.714 1.905.204 Oficial de primeira 110.559 1.886.724 Oficial de segunda 106.433 1.820.708 Oficial de terceira 102.433 1.756.708 Encargado de cabina 98.056 1.686.676 Operarios de limpeza 98.056 1.686.676 Peóns 98.056 1.686.676
Para os efectos consignados na táboa anterior, enténdese por categoría de encargado de primeira e segunda o traballador que teña ó seu mando e ordes un grupo de persoal.
Artigo 12º.-Plus de convenio.
Establécese un plus de convenio de 9.815 ptas. mensuais, que queda conxelado para os anos vindeiros. Os aumentos que resulten da aplicación do convenio de cada ano dividiranse por doce e sumaránselle ó salario base mensual.
Artigo 13º.-Seguro.
As empresas ou sociedades, ben a nivel individual ou de sector, concertarán ó seu cargo un seguro por importe de 2.000.000 de ptas. para os casos de morte ou incapacidade total para o traballo, en caso de accidente, e para todos e cada un dos traballadores.
Artigo 14º.-Comisión mixta paritaria.
Como órgano de conciliación, intervención, arbitraxe e vixilancia do presente convenio, créase unha comisión de 6 vocais, 3 por cada unha das partes. A citada comisión estará obrigada a xuntarse unha vez por trimestre, como mínimo, ou cando o soliciten 3 vocais.
Artigo 15º.-Xubilación.
a) A xubilación do persoal afectado polo presente convenio colectivo será obrigatoria á idade que regulamentariamente estableza o Goberno, fixada actualmente nos 65 anos, coa excepción dos que de mutuo acordo coa empresa se acollan ó R.D.L. 1194/1985, do 17 de xullo, e opten pola modalidade de pensión por xubilación ós 64 anos de idade.
Con independencia do anterior, en todo caso, ó persoal que decida xubilarse anticipadamente, garánteselle as seguintes indemnizacións por xubilación e segundo a seguinte escala de idade:
-Ós 63 anos, 12 mensualidades.
-Ós 62 anos, 13 mensualidades.
-Ós 61 anos, 14 mensualidades.
-Ós 60 anos, 15 mensualidades.
b) Para os centros de traballo Real Club Náutico da Coruña e Club de Golf da Coruña, o apartado a) do presente artigo non surtirá efecto, séndolles de aplicación a estes centros o seguinte:
Todos aqueles traballadores que teñan dereito ás prestacións do cento por cento da xubilación, a partir do asinamento do presente convenio, negociarán coa empresa a súa posible xubilación anticipada, aínda cando non teñan a idade regulamentaria de 69 anos prevista polo Estatuto dos traballadores, de forma que ó teren dereito ás prestacións do cento por cento sexa cal fose a súa idade, habendo acordo entre as partes, se considerarán extinguidas as relacións laborais.
Establécense os seguintes premios por xubilación anticipada:
-Ós 63 anos, doce mensualidades.
-Ós 62 anos, trece mensualidades.
-Ós 61 anos, catorce mensualidades.
-Ós 60 anos, quince mensualidades.
c) Para facer uso dos dereitos previstos para a xubilación anticipada no artigo 15º do convenio colectivo, os traballadores terán que avisa-la empresa no exercicio económico anterior.
d) As empresas e sociedades que cubran cun novo traballador as vacantes de persoal que se produzan pola aplicación do previsto no artigo 15º do convenio colectivo e estes superen satisfactoriamente un período de proba de nove meses, pasarán a integrarse como fixos do cadro de persoal; sendo un período de doce meses para acada-la mesma condición, os que suplan ós xubilados a través do Real decreto lei 1194/1985, do 17 de xullo, sempre que non estivesen vinculados á empresa nos dous últimos anos, por un contrato de igual ou superior tempo; en tal caso, seguirán aplicándose os nove meses de proba.
Artigo 16º.-Descanso dominical.
No sector de deportes polas súas específicas características, estarase exento do descanso dominical coas seguintes limitacións:
a) Só poderán traballar en domingo aqueles traballadores que ata a data o viñan facendo, e nos postos de traballo que sexa necesario facer traballos en domingos e festivos.
b) Salvo nos casos especificados no apartado seguinte, ningún traballador poderá traballar dous domingos seguidos, é dicir, que, como máximo, se poderá traballar un domingo si e outro non.
c) Para aquelas sociedades nas que a aplicación do apartado b) sexa imposible, debido ás numerosas
funcións que desempeñan en domingos e festivos, a empresa poderá modifica-lo sistema aquí regulamentado, para o cal terá que chegar a un acordo previo con cada traballador afectado, co coñecemento e sen a oposición do comité de empresa ou delegados de persoal.
Artigo 17º.-Cadro de descansos.
Tódalas empresas a raíz da publicación do presente convenio colectivo no BOP, estarán obrigadas a expoñer en lugar público un cadro de descansos de polo menos 8 semanas; a exposición farase con 10 días de antelación á data da súa entrada en vigor e este terá que ser negociado previamente cos traballadores.
Artigo 18º.-Roupa de traballo.
Entregaranse dúas pezas de roupa de traballo adecuadas ás funcións que cada traballador desempeñe, e no caso de deterioración xustificada as necesarias, a partir do asinamento do presente convenio e cunha periodicidade anual.
Artigo 19º.-Cláusula de desvinculación.
Cando unha empresa ou sociedade das incluídas no ámbito de aplicación deste convenio pretenda
a inaplicación do nivel retributivo establecido nel, deberá proceder do seguinte xeito:
1. A empresa ou sociedade interesada na inaplicación deberá remitirlle á comisión paritaria do convenio a documentación que considere pertinente, xunto co escrito no que formule o seu propósito, no prazo improrrogable de dez días, a partir do seu asinamento se participa na negociación, e no de oito días despois do seu rexistro na oficina pública correspondente se non participase nel.
2. A comisión paritaria disporá do termo dun mes para resolver. Dentro deste tempo, escoitará os representantes dos traballadores da empresa solicitante, os sindicatos participantes na mesa negociadora, así como os representantes da empresa solicitante.
3. Será requisito necesario para instar, obte-la inaplicación do nivel retributivo do convenio, estar ó día no seu aboamento ata a data de resolución da comisión paritaria.
4. Así mesmo, a empresa debe dar conta da situación de inestabilidade nos exercicios anteriores, e demostrar verdadeiramente que, no caso de aplica-lo réxime salarial pactado no convenio, tería que proceder ás medidas de extinción e suspensión de contratos; en calquera caso, a empresa debe precisa-las circunstancias económicas que xustifiquen a súa solicitude e achega-la documentación económica e financeira co fin da súa fiscalización sindical.
5. No caso de estimar fundada a solicitude, a comisión paritaria establecerá o incremento salarial aplicable na empresa ou sociedade afectada, quedando inalterado o establecido neste convenio respecto do réxime salarial e a súa estructura.
6. En todo caso, o beneficio da inaplicación só se entende ata o remate do primeiro período de vixencia establecido para o nivel retributivo vixente no momento da solicitude. Os incrementos posteriores aplicaranse sobre o salario que correspondese de non se ter aplicada a desvinculación, e non sobre o salario desvinculado.
7. A comisión paritaria expedirá copia que dea fe da súa resolución, remitindo exemplares desta á representación da empresa, ós traballadores e traballadoras dela e ós sindicatos que compareceron no trámite.
8. A comisión paritaria poderá estar asistida dos asesores que considere necesarios.
Artigo 20º.-Atrasos.
As empresas aboarán os atrasos correspondentes ó presente convenio coa mensualidade que corresponda, seguinte ó asinamento do convenio.
7922
