Por decreto do vintecinco do mes que corre o alcalde resolveu,

1º Aprobar inicialmente o proxecto de urbanización da parcela correspondente ó estudio de detalle do predio Gulpilleira (r/ Antonio Palacios) redactado polo arquitecto José Míguez León coas modificacións que resultan dos posteriores documentos achegados, a requirimento do enxeñeiro técnico de O.P. municipal, segundo xa quedou reflectido.

Deberá presentar, antes da aprobación definitiva, a seguinte documentación:

a) O aval bancario para garanti-lo exacto cumprimento das obras de urbanización, por un importe de 4.402.400 ptas., tal como indica o referido enxeñeiro municipal no seu informe de 19-5-1998.

b) Escritura de cesión do terreo ó que se refire o plano do folio 29 e o anexo á memoria (todos do estudio de detalle), que consta no folio 27 daquel expediente.

2º Somete-lo referido proxecto de urbanización, co seu expediente, á información pública durante un mes, mediante anuncios que se publicarán no Diario Oficial de Galicia e nun dos diarios de maior circulación da provincia.

Por todo o exposto, o referido proxecto co seu expediente queda exposto ó público na secretaría do concello tódolos días hábiles en horario de oficinas, durante o prazo dun mes contado a partir da publicación deste anuncio no Diario Oficial de Galicia.

O Porriño, 29 de xullo de 1998.

José Manuel Barros González

Alcalde

7968