En cumprimento do disposto nos artigos 52 da Lei de expropiación forzosa do 16 de decembro de 1954, e 31 do regulamento da Lei 10/1966, do 18 de marzo, sobre expropiación forzosa e sancións en materia de instalacións eléctricas, aprobado polo

Decreto 2619/1966, do 20 de outubro, e declarada polo Decreto nº 249/1997, (DOG nº 178, do 16-9-1997) a urxente ocupación dos bens e dereitos afectados, indicados na relación que se publicou no BOP de Lugo do 1-10-1996, faise saber a tódolos afectados pola execución do proxecto que a seguir se indica: L.M.T. ó C.T. Marco (reelectrificación de Carral 1ª fase), concello de Begonte, propiedade da empresa Barras Eléctricas Galaico Asturianas,

S.A.que o representante da Administración dará comezo sobre o terreo ó levantamento das actas previas á ocupación dos predios contidos nas relacións publicadas no BOP de Lugo do 1-10-1996, e expostas nos taboleiros oficiais das casas do concello e no desta delegación provincial.

Advírtese ós interesados afectados, que serán ademais notificados individualmente, sinalándolles día e hora para o levantamento das actas, que poderán formular alegacións por escrito ante esta delegación ata o momento de levantalas, unicamente para os efectos de rectificar posibles erros na relación dos bens afectados.

Lugo, 27 de xullo de 1998.

Jesús Bendaña Suárez

Delegado provincial de Lugo

7963