O Consello da Xerencia de Urbanismo en sesión do 18 de xuño de 1998, acordou aprobar inicialmente a modificación do sistema de actuación previsto na vixente planificación xeral para o polígono 1 do PERI 5 Paradela 1 pasando do de cooperación ó de compensación por así solicitalo Antonio David Novoa García con data do 17 de novembro de 1997 no Rexistro da Xerencia, propietario de terreos dentro do ámbito do citado polígono cunha participación de máis do 83% da súa superficie; e aprobar inicialmente o proxecto de bases de actuación e estatutos para a constitución e o funcionamento da xunta de compensación do polígono 1 do PERI 5, Paradela 1, presentado con data do 3 do xuño. no Rexistro da Xerencia polo citado propietario; someténdoos a información pública polo prazo de vinte días mediante a inserción de anuncios no DOG e a notificación persoal ós propietarios afectados.
O que se publico para o coñecemento xeral segundo o establecido no artigo 113.4º e 126 da Lei 1/1997, do solo de Galicia, en relación respectivamente cos artigos 102 e 121 desta mesma lei. O expediente atópase a disposición do público en xeral, na oficina de información da Xerencia Municipal de Urbanismo (planta baixa da Casa do Concello).
Así mesmo, o presente anuncio servirá de notificación nos termos previstos na citada lei, para todos aqueles propietarios que sexan descoñecidos, para os que se ignore o lugar de notificación ou para os que despois de intentada esta non se puidese realizar, en especial, para os herdeiros de Francisco Cabaleiro Ballesteros propietarios do predio número dous.
Os estatutos e bases de actuación aprobados inicialmente son os seguintes:
Estatutos da xunta de compensación do polígono 1 do PERI 5 Paradela 1 do PXOU de Vigo.
Disposicións xerais:
Artigo 1º.-Denominación, natureza e réxime.
Artigo 2º.-Ámbito territorial, obxecto e fins.
Artigo 3º.-Control administrativo.
Artigo 4º.-Duración.
Artigo 5º.-Domicilio social.
Artigo 6º.-Zona de actuación.
Socios e constitución da xunta:
Artigo 7º.-Requisitos para a incorporación á xunta dos propietarios.
Artigo 8º.-Constitución da xunta de compensación.
Artigo 9º.-Incorporación de empresas urbanizadoras.
Artigo 10º.-Titularidades especiais.
Artigo 11º.-Libro de rexistro.
Artigo 12º.-Transmisión de bens e dereitos.
Artigo 13º.-Aboamento de cotas.
Dereitos e obrigas dos membros da xunta:
Artigo 14º.-Dereitos dos socios.
Artigo 15º.-Obrigas dos socios.
Artigo 16º.-Cotas de participación.
Órganos de goberno e administración:
Artigo 17º.-Enumeración.
Artigo 18º.-Da asemblea xeral.
Artigo 19º.-Reunións da asemblea xeral.
Artigo 20º.-Convocatoria da asemblea xeral.
Artigo 21º.-Adopción de acordos pola asemblea xeral.
Artigo 22º.-Competencias da asemblea xeral.
Artigo 23º.-Competencias do consello rector.
Artigo 24º.-Composición do consello rector.
Artigo 25º.-Do presidente, vicepresidente e secretario.
Artigo 26º.-Réxime de sesións.
Réxime económico e xurídico:
Artigo 27º.-Réxime económico.
Artigo 28º.-Executividade dos actos e acordos da xunta de compensación.
Artigo 29º.-Responsabilidades e sancións.
Disolución e liquidación:
Artigo 30º.-Disolución.
Artigo 31º.-Liquidación.
Disposicións xerais.
Artigo 1º.-Denominación, natureza e réxime.
1. Coa denominación de xunta de compensación do polígono 1 do PERI 5 Paradela 1 constitúese a presente entidade urbanística colaboradora.
2. A xunta de compensación, como entidade colaboradora, terá carácter xurídico-administrativo e gozará de personalidade xurídica propia e de plena capacidade de obrar para o cumprimento dos seus fins desde a súa inscrición no Rexistro de Entidades Urbanísticas Colaboradoras da Comisión Provincial de Urbanismo.
3. A xunta réxese polos presentes estatutos e polas bases de actuación que os complementan, e no non disposto nestas normas estatutarias réxese polo establecido na vixente Lei 1/1997, do 24 de marzo, do solo de Galicia, Regulamento de xestión urbanística.
Artigo 2º.-Ámbito territorial, obxecto e fins.
1. O ámbito territorial de actuación da xunta é o que se delimita no plano anexo ós presentes estatutos que coincide co polígono 1 do PERI 5-Paradela 1 de acordo co previsto no expediente de corrección de deficiencias do PXOU de Vigo de 1988 á Lei 11/85, de adaptación da Lei do solo de Galicia.
2. É obxecto primordial da xunta de compensación o cumprimento dos deberes de urbanización dos terreos comprendidos dentro da área de actuación; a cesión obrigatoria e gratuíta ó Concello de Vigo dos terreos destinados a vías de comunicación, parques, xardíns públicos e demais dotacións establecidas pola planificación; e a equidistribución entre os propietarios integrados nela dos beneficios e cargas derivados da planificación que se executa. Todo isto, en cumprimento do establecido no Art. 70 e nos seguintes da Lei 1/1997, do 24 de marzo, do solo de Galicia e no 14.2º da Lei 6/1998, do 13 de abril, sobre réxime do solo e valoracións.
3. Para a consecución do fin primordial, asígnaselle á xunta de compensación o cumprimento dos seguintes obxectivos:
A) Redacción e tramitación perante a Administración competente, de toda clase de instrumentos de desenvolvemento da planificación, de proxectos de urbanización e de compensación, e proxectos de edificación, así como a contratación e execución das obras necesarias para levalos a cabo.
Tramitación das actuacións precisas para la inscrición da xunta no Rexistro de Entidades Urbanísticas Colaboradoras, para a expropiación forzosa, en beneficio da xunta, tanto respecto dos propietarios que non se incorporen nela no tempo oportuno, como respecto dos incorporados que incumpran as súas obrigas.
B) Adquisición, posesión, venda, gravame de toda clase de bens, mobles ou inmobles, por calquera título, mesmo por expropiación forzosa, actuando, neste caso, como beneficiaria da expropiación.
C) Adquisición, posesión, venda, gravame e calquera outro acto de dominio ou administración, dos terreos achegados á xunta de compensación polos propietarios incorporados a esta, actuando como fiduciaria dos socios propietarios.
D) Efectua-la la transmisión ó Concello de Vigo dos terreos de cesión obrigatoria e gratuíta previstos na planificación aprobada, libres de cargas e gravames.
E) Efectua-la transmisión ó Concello de Vigo dos terreos nos que se sitúa a cesión obrigatoria do 10 por 100 do aproveitamento lucrativo.
F) Adxudicación das parcelas resultantes da urbanización ós membros incorporados á xunta na proporción correspondente.
G) Formalización de operacións de crédito incluso con garantía hipotecaria dos terreos achegados e con emisión de títulos nas condicións establecidas no artigo 154 da Lei hipotecaria.
H) Inscrición do proxecto de compensación no Rexistro da Propiedade.
I) Xestión e defensa dos intereses comúns dos membros da xunta, ante calquera persoa, autoridade e organismo das administracións estatal, autonómica e local.
J) Atende-la conservación da rede viaria e a prestación e mantemento dos servicios urbanísticos nos termos establecidos nos presentes estatutos.
K) Colaborar coas corporacións municipais na medida necesaria.
4. En ningún suposto se poderá edificar, mentres que o terreo non teña a condición legal de predio, ou no seu defecto, se asegure a execución simultánea da urbanización da parcela do terreo afectado, e sempre contando coa preceptiva licencia municipal.
5. A xunta de compensación asume o compromiso de non permiti-la ocupación dos edificios ata que non estea realizada totalmente a urbanización correspondente e estean en condicións de funcionamento as subministracións de agua, enerxía eléctrica e redes de sumidoiro, todo isto co fin de corrixi-las dificultades que puidera impoñe-la Administración en cumprimento do proxecto de urbanización e da vixente Lei do solo de Galicia.
6. A xunta de compensación, mediante acordo legalmente adoptado poderá formula-la cesión dos bens afectados a uso público e ós de servicio público ó Concello de Vigo e sempre que o citado ente local manifeste o seu desexo de iniciar estas negociacións.
No caso de que non interese a cesión dos bens ofrecidos, procederase inmediatamente á constitución dunha xunta de conservación.
Artigo 3º.-Contro administrativo.
1. A xunta de compensación actúa baixo a tutela do Concello de Vigo, o cal controlará e fiscalizará a súa xestión.
2. En exercicio desta función de control correspóndelle ó concello:
A) Someter á información pública o proxecto de estatutos e bases de actuación, con notificación persoal ós propietarios dos terreos incluídos na unidade de execución que non promoveran a constitución da xunta, de acordo co previsto no artigo 133.4º da Lei 1/1997, do 24 de marzo, do solo de Galicia.
B) Aproba-los estatutos, bases de actuación e as súas modificacións acordadas pola asemblea xeral da xunta de compensación.
C) Designar un representante municipal nos órganos de goberno da xunta de compensación.
D) Aproba-la constitución da xunta, unha vez formalizada esta na escritura pública e remiti-lo acordo ó Rexistro de Entidades Urbanísticas Colaboradoras para a súa inscrición.
E) O exercicio da expropiación forzosa, a beneficio da xunta, respecto dos terreos dos propietarios non incorporados a ela ou que incumpran as súas obrigas, de acordo co establecido no artigo 134.1º da Lei 1/1997, do 24 de marzo, do solo de Galicia.
F) Utiliza-la vía executiva para o cobramento das cantidades que deba calquera dos membros da xunta.
G) Resolve-los recursos que puideran deduci- los membros da xunta contra os acordos adoptados polos seus órganos de goberno, segundo o establecido no artigo 134.5º da vixente Lei do solo de Galicia.
H) Aproba-los proxectos de urbanización e de compensación e as modificacións destes, expedindo a certificación ou outorgando a escritura pública para a inscrición no Rexistro da Propiedade dos predios resultantes do proxecto de compensación.
I) Estende-la acta administrativa de recepción da urbanización e da cesión dos terreos dotacionais.
J) Aproba-la conversión da xunta de compensación en entidade urbanística de conservación.
Artigo 4º.-Duración.
A xunta de compensación estará habilitada para comeza- las súas funcións desde a súa inscrición no Rexistro de Entidades Urbanísticas Colaboradoras, e durará ata que se cumpra totalmente o seu obxecto social quedando legalmente disolta no momento en que rematen as obras de urbanización, quede inscrita a acta de compensación no Rexistro da Propiedade e se leven a cabo tódalas liquidacións entre os membros da xunta.
Artigo 5º.-Domicilio social.
A xunta ten o seu domicilio social na Academia Camelias, r/ Camelias nº111, 1º, Vigo, provincia de Pontevedra. O devandito domicilio poderá ser modificado por acordo da asemblea xeral, e informará ó Concello de Vigo e ó Rexistro de Entidades Urbanísticas Colaboradoras.
Artigo 6º.-Zona de actuación.
O ámbito territorial de actuación vén establecido polo PERI 5-Paradela 1, que á súa vez, delimita o polígono 1. O citado PERI obtivo a aprobación definitiva en sesión plenaria do 30-7-1997. Establece na súa ordenanza 5 que a unidade de execución 1 se executará mediante o sistema de cooperación por isto, os propietarios que representan máis do 50% da superficie desta, procederon a solicitar ante o concello a modificación do sistema de actuación, todo isto de acordo co previsto no artigo 133 da Lei do solo de Galicia.
Na actualidade, o concello está tramitando o cambio do sistema para a execución e a xestión do polígono polo sistema de compensación de acordo co previsto no artigo 121 da Lei do solo de Galicia.
En cumprimento do previsto na súa ordenanza reguladora 4.2.2 a unidade de execución 1 deberá desenvolverse mediante o correspondente estudio de detalle, e a súa aprobación definitiva dependerá do Concello de Vigo.
O polígono sobre o que se vai actuar ten unha extensión de 11.602 m2 .
Socios e constitución da xunta.
Artigo 7º.-Requisitos para a incorporación á xunta dos propietarios.
1. Formarán parte da xunta de compensación:
A) O Concello de Vigo como Administración actuante e como titular das cesións establecidas por lei.
B) As persoas, físicas ou xurídicas, propietarias de terreos comprendidos no polígono definido no artigo 6 dos presentes estatutos que voluntariamente se incorporen a ela, nos prazos e condicións legais, e non foran excluídos dela, conforme a lei e os presentes estatutos.
C) Os propietarios non promotores da xunta que soliciten o seu ingreso nesta con igualdade de dereitos e obrigas, poderán incorporarse, durante o período de información pública dos presentes estatutos, e no prazo do mes seguinte á notificación, que lles efectuará o concello, de estaren aprobados definitivamente estes estatutos, de acordo co previsto no artigo 134 da Lei do solo de Galicia e no 162 do RXU.
A incorporación solicitarase a través do concello facendo constar expresamente a adhesión a estes estatutos e bases de actuación, e a superficie e os lindeiros dos predios propiedade do solicitante; así mesmo xuntase da súa documentación acreditativa. Cando se manifeste a propiedade de terreos incluídos na área de actuación, deberán achegarse estes en pleno dominio.
Para que a incorporación produza efecto será preciso que os propietarios adheridos ingresen na caixa da xunta, no prazo do mes seguinte ó requirimento formulado por ela, as cantidades achegadas, ata ese momento, polos promotores logo de ser atendida a proporcionalidade de cotas duns e doutros.
2. Transcorridos os prazos a que se refiren os apartados anteriores, os terreos pertencentes ó propietario que non estiveran efectivamente incorporados á xunta serán obxecto de expropiación en beneficio da xunta.
3. Unha vez adquirida a condición de asociado, que sempre o é propter rem será irrenunciable.
Artigo 8º.-Constitución da xunta de compensación.
1. Os promotores convocarán a tódolos propietarios para a constitución da entidade, dentro do prazo que fixe o concello e a convocatoria realizarase mediante carta certificada, con antelación mínima de dez días hábiles á data prevista.
2. A constitución farase mediante escritura pública, na que deberá consta-la relación de propietarios, a relación e a descrición dos predios dos propietarios, o acordo de constitución e as persoas que se designen para ocupar cargos nos órganos de goberno, de acordo co previsto no artigo 163 do RXU.
3. Os que non outorguen a escritura de constitución poderán adherirse a esta, dentro do prazo do mes seguinte. De transcorre-lo citado prazo sen notificarlle ó concello o outorgamento da escritura de adhesión, consideraranse non incorporados.
4. A copia autorizada da escritura de constitución e das de adhesión, de se-lo caso, trasladarase ó concello, quen adoptará, se procede, o acordo aprobatorio e dirixirá o acordo e a copia das escrituras ó rexistro de entidades urbanísticas colaboradoras.
Artículo 9º-Incorporación de empresas urbanizadoras.
1. Poderán incorporarse á xunta de compensación as empresas urbanizadoras que acheguen, total ou parcialmente, os fondos ou os medios necesarios para a urbanización.
2. A incorporación poderá formalizarse na constitución da xunta, reflectíndose no acordo constitutivo. Noutro caso, será preciso que a asemblea acorde a súa incorporación co voto favorable dos seus membros que representen polo menos o 60% das cotas de participación. Será necesario ademais, que as empresas urbanizadoras incorporadas garantan a súa xestión na forma e na contía que determine a asemblea.
Artigo 10º.-Titularidades especiais.
1. Cando os predios pertenzan a menores ou a incapacitados formarán parte da xunta os seus representantes legais, e a disposición de tales predios pola xunta de compensación non estará suxeita a limitacións de carácter civil. Se se compensa en metálico ós menores ou ós incapacitados darase o destino sinalado na lexislación civil.
2. No caso de existir cotitularidade sobre un predio ou dereito, os cotitulares terán que designar unha persoa para o exercicio das súas facultades como asociado, respondendo solidariamente fronte á entidade, de cantas obrigas dimanen da súa condición. De non designaren representante no prazo que para o efecto sinale a xunta, será nomeado por esta coa aprobación municipal.
3. No caso de que algún predio pertenza de seu a unha persoa tendo calquera outra dereito real limitativo de dominio sobre el, a condición de socio corresponderalle ó propietario sen prexuízo de que
o titular do dereito real ou persoal perciba o rendemento económico correspondente.
Artigo 11º.-Libro de rexistro.
1. A xunta de compensación levará un libro de rexistro de membros, no que constará o nome, apelidos e demais circunstancias persoais dos asociados. Para tódolos efectos considerarase domicilio dos membros da xunta de compensación o consignado no libro de rexistro.
2. A alta inicial no mencionado libro producirase simplemente pola comunicación da posesión dalgunha das parcelas ou edificios situados na unidade de execución.
3. As alteracións das inscricións realizaranse logo da súa comunicación ó consello rector mediante correo certificado.
4. Ademais das circunstancias persoais, deberá anotarse a identificación dos terreos ou edificios de que sexan propietarios na zona de actuación.
Artigo 12º.-Transmisión de bans e dereitos.
1. A incorporación dos propietarios á xunta non implica que se lle transmita a esta a propiedade dos inmobles, actuando aquela como fiduciaria con poder de disposición, segundo o artigo 135.2º da Lei do solo de Galicia.
2. Os membros da xunta poderán allea-los seus terreos e a correlativa cota de participación na xunta, coas seguintes condicións e efectos:
A) O transmitente notificaralle fidedignamente á xunta as circunstancias do adquirinte e as condicións da transmisión, para os efectos da necesaria constancia, no prazo dun mes desde a súa realización.
B) O adquirinte, por calquera clase de título, queda subrogado nos dereitos e obrigas vinculados á participación alleada.
C) A condición de socio é inseparable da propiedade dos terreos correspondentes.
Artigo 13º.-Aboamento de cotas.
1. Os gastos de conservación, reparación e, de se-lo caso, de mellora e ampliación dos servicios comúns serán aboados conforme o disposto no artigo 16º dos presentes estatutos por cada propietario.
2. O pagamento dos impostos, contribucións e demais arbitrios municipais, provinciais e estatais serán satisfeitos na forma en que fose fixada, polo Estado, provincia, municipio ou ente autonómico; de non ter fixado unha determinación exacta deles para cada propietario, satisfaranse segundo o disposto no artigo 16º destes estatutos.
3. Con independencia da indicada cota, os socios deberán satisface-las cantidades que en concepto de quiñón extraordinario estableza a asemblea xeral, polo exceso dos gastos en relación cos previstos como normais, así como a contribución ó sostemento da urbanización na forma e na contía que se sinale.
4. Poderá tamén recada-la xunta de compensación as cotas constitutivas da garantía que houber de constituírse para afianza-la xestión privada ou a contratación das obras, instalacións e servicios.
5. Os propietarios ingresarán na caixa da comunidade a cantidade que cadaquén teña de satisfacer, dentro dos trinta días seguintes á notificación.
6. O socio moroso será requirido polo secretario, co visto e prace do presidente para que, no prazo de trinta días aboe a cantidade total que deba. Unha vez transcorrido este novo prazo sen facer efectiva a falta de pagamento o socio poderá ser privado da subministración dos servicios da urbanización, sen prexuízo de que na súa contra se exercite a vía executiva, para o cal se expedirá a correspondente certificación de descuberto e se lle entregará ó interventor de fondos do Concello de Vigo. O interventor comprobará se a certificación se atopa en forma legal, e cando proceda, o presidente da corporación expedirá a providencia de constrinximento, todo isto de acordo co disposto no artigo 136 da Lei 1/1997 do solo de Galicia. Decretado o constrinximento, a certificación entregaráselle ó recadador executivo para o desenvolvemento das ulteriores fases do procedemento, conforme o establecido no Regulamento de recadación.
Dereitos e obrigas dos membros da xunta.
Artigo 14º.-Dereitos dos socios:
Serán dereitos dos socios da xunta de compensación:
A) Exerce-las facultades dominicais sobre os predios da súa propiedade achegados, coas limitacións derivadas da afección daqueles ó cumprimento das obrigas inherentes ó sistema de compensación e dos actos de disposición ou administración efectuados pola xunta en exercicio das súas facultades fiduciarias.
B) Participar no reparto de beneficios e cargas derivados da planificación que se executa, e no patrimonio resultante da liquidación, en proporción ás súas respectivas cotas.
C) Asistir, por si ou por medio do seu representante, ás sesións da asemblea xeral, emitindo o seu voto conforme a proporcionalidade derivada da súa cota de participación.
D) Elixi-los membros dos órganos de xestión e de administración da entidade e ser elixibles para eles.
E) Coñece-las actuacións dos órganos de goberno da xunta mediante os informes e as contas rendidos por estes ante á asemblea.
F) Interpoñe-los recursos que procedan contra os acordos adoptados polos órganos de goberno.
G) Concertar créditos con garantía hipotecaria con destino á urbanización que tivera debidamente aprobado o proxecto.
H) Os demais dereitos que lles correspondan consonte os presentes estatutos e as disposicións legais aplicables.
Artigo 15º.-Obrigas dos socios.
1. Ademais das obrigas de carácter xeral derivadas do cumprimento das prescricións e das normas legais e da planificación urbanística vixente e dos acordos adoptados pola xunta, os socios estarán obrigados a:
A) Poñer á disposición dos órganos de goberno da xunta os documentos acreditativos da súa titularidade e, se procede, indica-las circunstancias dos titulares de dereitos reais, con expresión da natureza e da contía das cargas.
Así como regulariza-la titularidade dominical e a situación rexistral dos terreos da súa propiedade achegados á xunta de compensación dentro dos prazos sinalados por esta.
B) Designar un domicilio para os efectos de notificacións, así como notificarlle fidedignamente á secretaría da xunta as variacións que se produzan, entendendo como primeiro domicilio o que conste transcrito no libro de rexistro, en concordancia co establecido no artigo 11º destes estatutos.
C) Satisfacer puntualmente as cantidades necesarias para atende-los gastos ordinarios de xestión da xunta de compensación, para o cal o consello rector fixará a contía correspondente a cada socio, en función da cota que se lle atribuíra.
D) Paga-las cotas ou as cantidades que lles correspondan para a execución das obras de urbanización nos termos establecidos polo artigo 59 e os concordantes do Regulamento de xestión.
E) Notificarlle á xunta as transmisións ou os actos de gravame dos terreos da súa propiedade.
F) Permiti-la ocupación dos seus predios para a execución das obras de urbanización, para o depósito de materiais e para as instalacións complementarias.
2. Os dereitos e as obrigas dos socios poderán ser exercidos persoalmente ou por medio dos representantes designados para o efecto.
3. O incumprimento polos membros da xunta de compensación das obrigas e das cargas impostas pola normativa vixente, máis concretamente no tocante ó que afecta ó cumprimento das obras determinadas polos plans de urbanización, conservación de redes de comunicación, saneamento, subministración de auga e enerxía eléctrica, iluminación pública, e o arboredo, previstos neles, así como as demais obrigas sinaladas nos presentes estatutos, habilitará ó concello, segundo o establecido no artigo 65 do Regulamento de xestión, para esixirlle á xunta de compensación o cumprimento, ben polo procedemento expropiatorio de dereitos ou polo de constrinximento, sen que poida instarse ningún dos procedementos
anteriormente indicados ata transcorrer un mes desde o requirimento do pagamento efectuado á xunta de compensación.
4. Así mesmo, o incumprimento da obriga de pagamento de cotas, tanto ordinarias como extraordinarias por calquera dos propietarios, lexitima á xunta para promove-la expropiación da súa cota, conforme ó artigo 136.2º da Lei do solo de Galicia.
Artigo 16º.-Cotas de participación.
1. A participación dos propietarios nos beneficios e nas cargas derivados da planificación que se executa será proporcional á superficie dos predios achegados, por estimar que o seu valor unitario é igual para todos eles.
2. A cada un dos socios da xunta atribuiráselle unha cota de participación proporcional á superficie real achegada. A devandita cota definirá o voto porcentual dos socios nos acordos dos órganos de goberno.
3. O valor das edificacións, das obras e das instalacións existentes nos predios achegados non lles influirá ós socios na atribución das cotas de participación.
4. No suposto de incorporación á xunta de empresas urbanizadoras, procederase ó reaxuste das participacións dos socios propietarios, asignándoselle a cota correspondente á súa achega á empresa urbanizadora.
Órganos de goberno e administración.
Artigo 17º.-Enumeración.
1. A xunta de compensación rexerase polos seguintes órganos:
A) A asemblea xeral.
B) O consello rector.
C) O presidente.
D) O secretario.
2. O presidente e o secretario do consello rector serano tamén da asemblea xeral.
3. O representante do Concello de Vigo na xunta de compensación, formará parte, como vocal, do consello rector.
4. Tódolos socios, incluso os ausentes e os disidentes, quedan sometidos ós acordos validamente adoptados polos órganos de goberno da xunta.
Artigo 18º.-Da asemblea xeral.
1. A asemblea xeral é o órgano supremo de decisión da xunta de compensación, e dela formarán parte tódolos asociados así como o representante do Concello de Vigo designado por este organismo público que decidirá sobre os asuntos propios da súa competencia.
2. A primeira reunión terá carácter constituínte, será convocada polos promotores dentro do prazo sinalado polo concello para o outorgamento da escritura de constitución.
Artigo 19º.-Reunións da asemblea xeral.
1. Reunirase en forma ordinaria, polo menos, dúas veces ó ano; unha, dentro dos tres primeiros meses de cada exercicio, para aproba-la memoria, contas e balance do exercicio anterior; e outra, nos tres últimos meses de cada exercicio, para aproba-lo orzamento do ano seguinte.
2. Toda reunión da asemblea xeral que non sexa unha das sinaladas no parágrafo anterior terá carácter extraordinario. A asemblea xeral extraordinaria reunirase cando o acorde o seu presidente ou o consello rector, por propia iniciativa ou cando o soliciten por escrito asociados que representen, polo menos, o 30% das participacións. Se o presidente ou o consello rector non anunciaren a convocatoria da asemblea dentro dos quince días seguintes da solicitude, os interesados poderán dirixirse ó concello para que sexa este quen anuncie a asemblea. Entre a convocatoria e a realización da sesión no poderá transcorrer máis dun mes.
Artigo 20º.-Convocatoria da asemblea xeral.
1. As reunións da asemblea xeral deben realizarse na sede social e serán anunciadas polo presidente mediante carta certificada remitida ós membros da xunta de compensación, polo menos, con oito días de antelación á data na que deba levarse a cabo.
2. A convocatoria sinalará o lugar, o día e a hora da reunión, así como os asuntos que teñan que someterse a coñecemento e resolución da asemblea xeral. Entre a primera e a segunda reunión deberá mediar polo menos, un prazo de media hora. Estando presentes tódolos membros da xunta, poderá realizarse a asemblea se así se acorda por unanimidade, sen que sexa preciso unha convocatoria previa.
3. A asemblea xeral quedará validamente constituída en primera convocatoria cando concorran a ela, presentes ou representados (con representación por escrito), un número de asociados que representen polo menos,os 2/3 das cotas. Transcorrida media hora sen alcanza-lo quórum indicado no apartado anterior, entenderase que a asemblea xeral queda validamente constituída calquera que sexa o número dos asistentes, sendo preceptiva en calquera caso a asistencia do presidente e do secretario ou de quen legalmente os substitúa.
Artigo 21º.-Adopción de acordos pola asemblea xeral.
1. O presidente do consello rector presidirá a asemblea xeral, dirixirá os debates e declarará os asuntos suficientemente discutidos. Posteriormente pasará á votación do acordo, se proceder.
2. Serán válidos os acordos que se adopten por maioría de cotas de participación asistentes á reunión e computaranse as participacións na forma sinalada no artigo 16º dos estatutos.
3. De calquera xeito, de acordo co artigo 134.5º da Lei do solo de Galicia, para a aprobación do
proxecto de compensación requirirase o voto favorable da maioría absoluta das cotas de participación.
4. Os acordos serán inmediatamente executivos, redactarase a acta que, unha vez aprobada na reunión seguinte, será asinada por tódolos asistentes.
Cando a urxencia o requira, poderá redactarse e aprobarse a acta ó remata-la reunión e ser asinada posteriormente polos asistentes.
Por requirimento dos socios ou dos órganos urbanísticos, o secretario expedirá, co visto e prace do presidente, as certificacións do contido das actas. Para que sexan válidas as citadas certificacións abondará con que conteñan o texto do acordo adoptado e a data de expedición.
Artigo 22º.-Competencias da asemblea xeral.
Son atribucións da asemblea xeral as seguintes:
A) Designación e cesamento dos membros do consello rector e aprobación dos orzamentos de gastos e investimentos.
B) Modificación dos estatutos, sen prexuízo da aprobación do concello e da comunicación ó rexistro de entidades urbanísticas colaboradoras.
C) Distribución das cargas e dos beneficios da planificación entre os distintos socios conforme as bases de actuación e sen prexuízo da aprobación definitiva do proxecto de compensación polo concello.
D) Fixación dos medios económicos e das achegas tanto ordinarias como extraordinarias.
E) A realización de toda clase de actos de dominio, tales como, adquirir, allear, gravar, toda clase de bens e dereitos; constituír, modificar ou cancelar dereitos reais impostos sobre os bens ou os dereitos pertencentes á xunta de compensación. Malia isto, os actos de disposición nos que a xunta de compensación actúa como fiduciaria dos socios sobre os bens destes, requirirán o voto favorable dos socios dos cales as cotas representen, polo menos, o 60% destas.
F) A aprobación inicial do proxecto de compensación que no seu día se elabore en desenvolvemento das bases de actuación que acompañan os presentes estatutos.
G) Aprobación da memoria de xestión anual e das contas.
H) A formalización de créditos e a emisión de títulos, prestando garantía hipotecaria cos terreos integrados na xunta.
I) A resolución procedente no tocante á incorporación á xunta de empresas urbanizadoras, sinalando a cota de participación.
J) Acorda-la constitución das garantías que poidan esixi-los órganos urbanísticos para asegura-las obrigas contraídas pola entidade.
K) Proposta de disolución e liquidación da xunta de compensación.
L) Aproba-la adhesión á xunta de compensación de novos asociados que se realicen fóra de prazo.
M) Modifica-las cotas dos asociados en proporción ás propiedades achegadas, no caso de adhesión de novos membros.
N) Calquera outro asunto que afecte con carácter relevante á vida da entidade.
A asemblea xeral poderá delegar facultades no consello rector. En calquera caso consideraranse indelegables as sinaladas nas letras b) e) g) f) k) l) m).
Artículo 23º.-Competencias do consello rector.
1. O consello rector é o órgano permanente de goberno e administración da xunta de compensación e terá as atribucións que non estean expresamente reservadas á asemblea polos presentes estatutos ou por acordo expreso desta.
2. Son funcións específicas do consello rector:
A) Executa-los acordos da asemblea xeral.
B) Administra-los fondos da xunta, para o cal poderá abrir, manter e pechar contas correntes, ingresando e retirando fondos delas á súa conveniencia; facer e esixir pagamentos, cobramentos e liquidacións, calquera que sexa a súa causa xurídica e a persoa ou entidade obrigada; expedir, endosar, avalar e descontar letras de cambio; e en xeral, realizar toda clase de actos e contratos en beneficio dos intereses da xunta.
C) Elevar proposta á asemblea xeral das contribucións económicas que han de realiza-los socios da xunta, facéndoas figurar no orzamento anual ordinario. Unha vez acordados pola asemblea os quiñóns, o consello establecerá a forma e os prazos de pagamento nos que han de satisfacerse, e procederá contra os socios morosos.
D) Solicitar dos órganos urbanísticos competentes o exercicio das potestades públicas, en beneficio dos intereses da xunta, para proceder á expropiación dos predios daqueles propietarios que non se integren na xunta de compensación, ou estean en descuberto das súas obrigas para con esta, ou para proceder, de se-lo caso, en vía executiva administrativa contra estes últimos.
E) Adxudicar e contrata-las obras de urbanización derivadas dos proxectos previamente aprobados en asemblea xeral, por un importe que en ningún caso exceda do orzamento, así mesmo aprobados en asemblea.
F) Exercer cantas facultades lle sexan delegadas pola asemblea xeral de entre as asignadas como as súas atribucións.
Artigo 24º.-Composición do consello rector.
1. O consello rector componse dos seguintes membros:
A) O presidente e o secretario designados pola asemblea xeral.
B) Un asociado da xunta de compensación designado na asemblea por maioría de votos.
C) Un vocal representante do Concello de Vigo de acordo co previsto no artigo 134.4º da Lei do solo de Galicia e no 162.3º do RXU.
2. As designacións haberán de recaer, necesariamente, en persoas físicas, sen que sexa indispensable a condición de socio da xunta.
3. O período de mandato do consello rector será de 4 anos, aínda que a asemblea xeral poderá acordar en calquera momento o cesamento dun ou máis compoñentes do consello rector e a designación de quen teña que substituílos, cunha duración que non poderá exceder da do mandato legal que reste por cubrir, por parte de quen cesa.
4. Os membros do consello rector poderán ser reelixidos.
5. O Consello rector determinará o seu propio réxime de actuación, sesións, acordos e actas. En calquera caso, os acordos do consello rector serán adoptados por maioría dos asistentes e dirimirá os empates o voto de calidade do presidente ou de quen legalmente o substitúa.
Artigo 25º.-Do presidente e do secretario.
1. A presidencia da xunta de compensación e dos seus órganos colexiados de goberno e administración, corresponderá ó membro do consello rector que designe a asemblea xeral na súa sesión constitutiva ou nas sucesivas renovacións.
2. O presidente é o representante legal, xudicial e extraxudicial, da xunta de compensación e dos seus órganos de goberno, podendo outorgar poderes para o exercicio da devandita representación.
3. O presidente terá as seguintes atribucións:
A) Convocar, presidir, suspender e levanta-las sesións da asemblea xeral e do consello rector.
B) Fixa-la orde do día, dirixi-las deliberacións dos órganos colexiados da xunta e dirimi-los empates co seu voto de calidade.
C) Executar e facer cumpri-los acordos da asemblea e do consello, autoriza-las súas actas, as certificacións que se expidan e cantos documentos o requiran.
D) Representa-la xunta de compensación en toda clase de negocios xurídicos, podendo conferir mandatos a terceiras persoas para o exercicio da dita representación, tanto no ámbito xudicial como extraxudicial.
E) O uso da sinatura social, que poderá delegar, con máis ou menos extensión nunha ou varias persoas, con carácter solidario.
F) Expedir, aceptar, avalar, intervir e protestar por falta de pagamento, de aceptación ou mellor seguridade letras de cambio e outros documentos mercantís.
G) Xestionar créditos, concertar préstamos, establecer e cancelar hipotecas e calquera outro contrato, tanto mercantil como puramente civil, debidamente autorizado para isto.
Tódalas accións da xunta de compensación que requiran sinatura e teñan un aspecto económico requirirán:
-Que foran aprobadas, segundo proceda, con carácter previo, pola asemblea xeral ou polo consello rector.
-Se se trata de expedir letras de cambio ou retirar fondos, mediante documento que teña a sinatura do secretario e presidente.
4. O secretario
A) Actuará como secretario da asemblea xeral e do consello rector o membro deste último que designe a asemblea na súa sesión constitutiva ou nas sucesivas renovacións.
B) É o fedatario da xunta e redactará a acta das reunións que realicen a asemblea e o consello, transcribíndoas ó libro de actas, e expedindo, por pedimento de parte, certificacións, co visto e prace do presidente, estando facultado para publica-los acordos adoptados.
Artigo 26º.-Réxime de sesións.
1. O consello rector reunirase unha vez cada trimestre e cantas veces sexa necesario para o interese da comunidade, por iniciativa do presidente ou de dous dos seus membros, fixándose o día e a hora de reunión.
2. Tamén se poderá reuni-lo consello cando o solicite o alcalde do Concello de Vigo.
3. A convocatoria, con indicación dos asuntos que haxa que tratar e do lugar, data e hora de sesión, seralles enviada por carta certificada ós domicilios designados polos asociados, cun mínimo de catro días de antelación.
O consello rector quedará validamente constituído en primeira convocatoria sempre que o número de asistentes sexa superior á metade dos que a compoñen e en segunda convocatoria, media hora despois, calquera que sexa o número de asistentes, sendo preceptiva a asistencia do presidente e do secretario.
4. Cada membro do consello rector é titular dun voto, calquera que sexa a súa cota de participación na xunta de compensación.
5. Os acordos do consello rector serán adoptados por maioría entre os seus compoñentes e dirimirá os empates o voto de calidade do presidente.
6. Os acordos do consello rector constarán no libro de actas, distinto a aquel no que consten os da asemblea xeral e serán autorizados coa sinatura do presidente e do secretario, e deberán quedar dilixenciadas, seladas e asinadas polo presidente cada unha das follas, abríndose unha dilixencia ó comezo do libro na que se indique a data na que se procede á súa apertura e cantas follas contén.
Réxime económico e xurídico.
Artigo 27º.-Réxime económico.
1. O patrimonio da xunta estará integrado polos bens e dereitos que, por calquera título, serán adquiridos por ela.
2. Serán ingresos da xunta de compensación:
A) As achegas iniciais dos socios.
B) As cantidades satisfeitas polos socios, con carácter ordinario ou extraordinario.
- Serán achegas ordinarias as que se destinan a sufraga-los gastos xerais e os de urbanización da xunta de compensación, conforme o orzamento anual aprobado pola asemblea xeral.
- Serán achegas extraordinarias as que se destinen ó pagamento do exceso dos gastos que non puideran preverse como normais, así como a achega extraordinaria destinada ó pagamento de prezos ou de prezos xustos e de indemnizacións de predios ou dereitos nos casos en que for preciso, para cotas de garantía que deba constituírse con destino a afianza-la xestión privada ou a contratación das obras, das instalacións ou servicios e daquelas outras que determine a asemblea xeral.
C) As subvencións e as doazóns que se obteñan.
D) Os productos dos alleamentos de bens de que sexa titular a xunta.
E) As participacións e os ingresos que procedan de convenios con outras entidades e organismos para a realización de fins urbanísticos.
3. Serán gastos da xunta de compensación os de:
A) Promoción da actuación urbanística.
B) Execución das obras de urbanización e, cando proceda, de edificación.
C) Aboamento de honorarios profesionais, administrativos, de vixilancia.
D) Indemnizacións por expropiacións de bens e dereitos, cando a xunta fora beneficiaria da expropiación.
E) Cantos foran esixidos para o cumprimento do obxecto social da xunta.
4. Sinaladas pola asemblea xeral as achegas que, con carácter ordinario ou extraordinario, deben efectua-los socios, o consello rector definirá a forma e as súas condicións de pagamento.
A distribución das achegas entre os asociados efectuarase en proporción ó dereito ou ó interese eco
nómico de cada un definido polas cotas de participación de que sexa titular, determinadas conforme as bases de actuación.
5. Salvo acordo en contra, o ingreso das cantidades que os socios teñan que satisfacer realizaranse no domicilio social ou na conta bancaria designada para o efecto, dentro do mes seguinte á data de notificación do acordo do consello rector requirindo o pagamento. Transcorrido o citado prazo, a débeda do socio moroso terá dereito a percibir un xuro igual ó legal do diñeiro, máis dous puntos, ata o seu total pagamento.
Vencido o prazo de pagamento en período voluntario a débeda será recargada nun 20% en resarcimento de danos e perdas, e terá dereito a percibir, desde este momento ata o do seu pagamento, xuros correspondentes ó tipo legal do diñeiro no momento do vencemento do período voluntario de pagamento. Neste caso, o consello rector procederá a solicitar do concello o cobramento da débeda en vía executiva administrativa ou a expropiación dos terreos do socio moroso.
Artigo 28º.-Executividade dos actos e dos acordos da xunta.
1. Os actos e os acordos dos órganos de xestión e administración da xunta de compensación, tomados dentro das súas respectivas atribucións, serán executivos, agás aqueles que precisen aprobación posterior dos órganos urbanísticos.
2. Contra os acordos dos órganos sociais caberá recurso ordinario ante o concello. O recurso poderá ser interposto por calquera membro que non votara ó seu favor nun prazo dun mes.
3. Non están lexitimados para a impugnación os que votaran a favor do acordo, por si ou por medio de representante.
4. Segundo dispón o artigo 185 do Regulamento de xestión urbanística, os membros da xunta non poderán promover interdictos de reter ou recobra-la posesión fronte ás resolucións da asemblea, adoptadas polo quórum preciso, e en virtude das facultades fiduciarias de disposición sobre os seus predios.
Tampouco procederá a acción interdictal cando a xunta de compensación ocupe bens que sexan precisos para a execución das obras de urbanización que sexan conformes coa planificación e o proxecto de urbanización.
Artigo 29º.-Responsabilidades e sancións
1. O incumprimento polos socios das obrigas e cargas impostas pola lei ou por estes estatutos, cando o incumprimento se refira ós prazos para cumpri-los devanditos deberes e as cargas, habilitará ó concello para, a requirimento do consello rector, expropia-los terreos en beneficio da xunta de compensación.
2. A xunta de compensación poderá repercuti-lo importe das multas que lle foran impostas, como
consecuencia das responsabilidades en que pudieran incorrer, a aqueles dos seus membros que directamente interviñeran na comisión da infracción ou percibiran o beneficio derivado dela. Para facer efectiva a repercusión das multas poderá solicitarse do concello a exacción en vía executiva administrativa.
Disolución e liquidación.
Artigo 30º.-Disolución.
1. A xunta de compensación será disolta e quedará en período de liquidación voluntario ou legal, por algún dos motivos seguintes:
A) Cumprimento dos fins sociais.
B) Imposibilidade manifesta ou causa de forza maior ou imposibilidade legal de cumpri-lo obxecto social.
C) Acordo da asemblea xeral, adoptado co voto favorable dos socios que representen os 2/3 das cotas de participación, cando se cumpra o obxectivo da entidade e sexa recibido polo concello actuante, as obras e servicios da urbanización.
D) Cando fundamentalmente o decida a autoridade competente e sen prexuízo dos recursos establecidos por precepto legal.
2. De calquera xeito, a disolución requirirá para a súa efectividade, a aprobación do órgano baixo o control do cal actúe a xunta de compensación.
A xunta disolversase de xeito forzoso, sen necesidade de aprobación municipal, cando así se estableza por mandato xudicial ou prescrición legal.
Artigo 31º.-Liquidación.
Cando se extinga a personalidade xurídica terá a liquidación do seguinte xeito:
A) O consello rector procederá á liquidación coa observancia das instruccións dictadas especificamente pola asemblea xeral.
B) O patrimonio que poida quedar, en terreos, dereitos ou en metálico, distribuirase entre os asociados en proporción ás súas respectivas cotas sociais.
Dispocións derradeiras
Primeira.-Mediante acordo adoptado pola asemblea xeral poderase acorda-la conservación das obras de urbanización e mantemento das dotacións e instalacións dos servicios públicos. Así mesmo fixarase a participación dos propietarios en función da que resulte da aplicación destes estatutos.
Se sobre as parcelas se constituísen réximes de propiedade horizontal, a contribución dos propietarios nestas obrigas de conservación e mantemento será determinado pola cota de participación con relación ó total do valor do inmoble que teña asignado en cada comunidade, e todo isto rexéndose en canto ás obrigas por canto dispoñen os artigos 67 e concordantes do vixente Regulamento de xestión urba
nística. Por outra parte, tal e como se especifica no artigo 2º apartado 6º dos presentes estatutos, en coordinación co establecido nas bases de actuación, a xunta de compensación, mediante acordo legalmente adoptado, poderá formula-la cesión dos bens afectados a un uso público e os de servicio público, ó Concello de Vigo e sempre que o devandito ente local manifeste o seu desexo de iniciar estas negociacións.
Segunda.-No non previsto nestes estatutos aplicarase o disposto na Lei 1/1997, do 24 de marzo, do solo de Galicia, no Regulamento de xestión urbanística, na Lei 6/1998, do 13 de abril, sobre réxime do solo e valoracións e nas disposicións concordantes e supletorias, e no seu defecto, no disposto na Lei de sociedades anónimas.
Bases de actuación da xunta de compensación do polígono 1 do PERI 5, Paradela 1 do PXOU de Vigo.
Índice.
Base 1ª.-Ámbito territorial e finalidade.
Base 2ª.-Réxime legal e regulamentario aplicable.
Base 3ª.-Actuación autónoma.
Base 4ª.-Valoración dos predios achegados.
Base 5ª.-Predios que cómpre expropiar e a súa valoración.
Base 6º.-Criterios de valoración das edificacións, obras, plantacións, e instalacións que deban derrubarse.
Base 7ª.-Criterios de valoración de dereitos reais, servidumes prediais e dereitos persoais.
Base 8ª.-Criterios de valoración de achegas de empresas urbanizadoras.
Base 9ª.-Actuación da xunta de compensación.
Base 10ª.-Procedemento para contrata-la execución das obras de urbanización e, de se-lo caso, as de edificación.
Base 11ª.-Obras de urbanización.
Base 12ª.-Prazos e forma de pagamento das cotas.
Base 13ª.-Transmisión de terreos afectados e de obras de urbanización.
Base 14ª.-Expropiación por incumprimento de obrigas.
Base 15ª.-Alleamento de terreos pola xunta.
Base 16ª.-Responsabilidade da xunta de compensación.
Base 17ª.-Afección real dos terreos.
Base 18ª.-Valoración dos predios resultantes.
Base 19ª.-Regras para a adxudicación dos predios resultantes.
Base 20ª.-Regras para a distribución de perdas e de beneficios.
Base 21ª.-Proxecto de compensación.
Base 22ª.-Momento de edificación dos terreos.
Base 23ª.-Conservación da urbanización.
As presentes bases, unha vez presentadas ó Concello de Vigo tramitaranse na forma prevista nos Art. 161 e 162 do Regulamento de xestión urbanística, ou precepto que os substitúa, e regularán toda a actuación que se deba realizar para a execución do sistema de compensación do Polígono 1 do PERI 5, Paradela 1 de acordo co previsto no expediente de corrección de deficiencias do PXOU de Vigo de 1988 á Lei 11/1985, de adaptación da Lei do solo de Galicia. Redactaranse en cumprimento do establecido nos Art. 133 da Lei 1/1997, do 24 de marzo, do solo de Galicia e 158 do RXU, por propietarios interesados que representan máis do 50 por 100 da superficie do polígono.
Base 1ª.-Ámbito territorial e finalidade.
1. As presentes bases de actuación refírense á xunta de compensación do Polígono 1 do PERI 5, Paradela 1 do PXOU de Vigo.
2. A finalidade destas bases é regulamenta-la incorporación á xunta de compensación dos propietarios con terreos delimitados no ámbito do polígono 1 do PERI 5, Paradela 1, a valoración das súas achegas, a execución da urbanización, a cesión de terreos dotacionais ó concello, e o reparto de beneficios e cargas derivados da planificación que se executa con adxudicación ós membros da xunta de compensación na proporción correspondente dos predios resultantes da urbanización concretadas no proxecto de compensación.
Base 2ª.-Réxime legal e regulamentario aplicable.
1. A actuación urbanística da zona que abarca o polígono executarase mediante o sistema de compensación definido no artigo133 e seguintes da Lei do solo de Galicia, que se rexerá polo disposto nas presentes bases de actuación e no non previsto nelas, polos preceptos contidos nos artigo 133 a 138 da Lei 1/1997, do 24 de marzo, do solo de Galicia, e polo capítulo II do título V do Real decreto 3268/1978, do 25 de agosto polo que se promulga o Regulamento de xestión urbanística (artigo 157 a 185 deste).
Á parte disto, os interesados neste manifestan a súa vontade expresa de levar a cabo a execución do polígono polo referido sistema de compensación.
2. A aprobación das presentes bases de actuación polo Concello de Vigo supón o seu obrigado cumprimento por parte dos propietarios e empresas urbanizadoras que se incorporen á xunta de compensación.
3. Aprobadas con carácter definitivo as presentes bases de actuación e os estatutos da xunta de compensación, quedará esta constituída con efectos desde a inscrición do acordo aprobatorio no rexistro de entidades urbanísticas colaboradoras.
4. Formarán parte da entidade os propietarios promotores, os que posteriormente se incorporen, e, de se-lo caso, as empresas urbanizadoras que houberan de participar cos propietarios, na xestión do polígono, nas condicións que se determinen.
5. As modificacións do proxecto de bases de actuación esixirá que sexan aprobadas en asemblea xeral, co voto favorable equivalente ó 60% das cotas de participación; deberá dárselle ás modificacións o trámite legal previsto polos artigo 161 e 162 do Regulamento de xestión urbanística.
Base 3ª.-Actuación autónoma.
Os propietarios que promoven o sistema, optan por unha promoción propia, por iso non se considera necesario acudir, en principio, á incorporación de empresas urbanizadoras á xunta de compensación.
Non se exclúe esta posibilidade como medio de execución das obras de urbanización, sempre que o acorde favorablemente a asemblea xeral da xunta de compensación.
Base 4ª.-Valoración dos predios achegados.
1. Os dereitos e deberes dos propietarios determínanse en proporción ás súas respectivas cotas de participación.
2. O artigo 16 dos Estatutos da xunta de compensación desenvolve a normativa sobre as cotas de participación dos seus membros.
3. A cota de participación dos asociados, propietarios dos terreos, será proporcional á superficie dos predios de seu, en relación co total dos predios achegados, de acordo co art. 133.6º da Lei do solo de Galicia. A determinación das superficies efectuarase de acordo co que resulte dos títulos de propiedade, prevalecendo, no caso de discordancia entre estes a realidade física, esta sobre aqueles.
4. Nos supostos de discrepancia sobre a propiedade dun terreo, parte del ou dos seus lindeiros, a superficie discutida considerarase pertencente por partes iguais ós discrepantes, en tanto se resolva por acordo ou resolución xudicial, e de non ser aplicable esta regra, a propiedade conceptuarase de litixiosa, asumindo o Concello de Vigo a representación destas titularidades para os efectos de tramitación do expediente.
5. A definición das cotas de participación das empresas urbanizadoras que, de se-lo caso, se incorporen á xunta de compensación será proporcional ó importe da sua achega económica e do valor do solo afectado.
Base 5ª.-Predios que hai que expropiar e a súa valoración.
1. A xunta de compensación será beneficiaria das expropiacións que realice o Concello de Vigo respecto das propiedades non incorporadas á xunta ou por incumprimento das súas obrigas legais ou estatutarias por parte dos incorporados.
2. As expropiacións axustaranse ó procedemento xeral establecido na Lei de expropiación forzosa, pero os terreos valoraranse conforme os criterios establecidos pola vixente Lei 6/1998, do 13 de abril, sobre réxime do solo e valoracións.
Base 6ª.-Criterios de valoración das edificacións, obras, plantacións e instalacións que deban derrubarse.
1. As edificacións, obras, plantacións, instalacións e outros elementos existentes sobre os predios achegados non se considerarán como valores contribuídos para os efectos de determina-la cota de participación, pero aqueles que deban derruírse por non acomodarse á planificación vixente, serán valorados, e indemnizarase ós seus propietarios con cargo ó proxecto de compensación, en concepto de gastos de urbanización.
2. Considerarase necesario o derrubamento cando sexa precisa a súa eliminación para realiza-las obras de urbanización previstas na planificación; cando estean situados nunha superficie que non se deba adxudicar integramente ó seu mesmo propietario; e cando a súa conservación, mesmo como uso provisional, sexa radicalmente incompatible coa ordenación urbanística establecida.
3. Para a determinación dos elementos que hai que derrubar e a súa expropiación é aplicable o procedemento xeral da lexislación expropiatoria, sendo expropiante o concello, e beneficiaria a xunta de compensación.
4. As edificacións e as instalacións taxaranse tendo en conta a valoración dos materiais empregados e o seu posible valor arquitectónico, coa deducción dunha porcentaxe por estado de vida dun inmoble ou por estado de conservación da obra ou construcción; todo isto de conformidade coas regras de valoración establecidas para os efectos do imposto municipal sobre bens inmobles. As actividades industriais ou comerciais que teñan que desaparecer valoraranse de acordo cos criterios da lexislación expropiatoria.
5. Queda facultado o consello rector da xunta de compensación para favorecer, avinzar e cumprir calquera acordo ó que puidera chegarse cos titulares e afectados de tales dereitos respecto da súa indemnización, extinción ou mesmo da súa modificación, se isto for posible.
Base 7ª.-Criterios de valoración de dereitos reais, servidumes prediais e dereitos persoais.
1. Serán valorados segundo o disposto no Art. 32 da Lei 6/1998, do 13 de abril, sobre réxime do solo e valoracións e 54, 99, 135 e 136 do Regulamento de xestión urbanística.
2. En principio, e se for xuridicamente posible, os propietarios dos predios achegados deberán liberarse das cargas e gravames que pesen sobre eles, sendo pola súa conta os gastos ocasionados pola liberación.
3. Existindo subrogación real do predio resultante con respecto ó achegado, as cargas e dereitos reais sobre este que non foran cancelados, pero que resultaran compatibles coa planificación urbanística, non se extinguirán, e, neste caso, aínda que non os mencione o proxecto de compensación e adxudicación posterior dos predios resultantes, non serán obxecto de valoración e os titulares de tales dereitos serán adxudicatarios, no mesmo concepto en que o fosen anteriormente, nas parcelas gravadas, por aplicación do principio de subrogación real.
4. Cando non opere a subrogación real, ou, aínda operando, a subsistencia de dereitos reais, cargas, dereitos de arrendamento ou calquera outro, resultara incompatible coa planificación urbanística, o acordo aprobatorio do proxecto de compensación declarará a súa extinción e fixará a indemnización correspondente; o dito acordo producirá os mesmos efectos que a acta de ocupación para os efectos expropiatorios. A subrogación real non terá lugar cando non haxa exacta correspondencia entre os predios adxudicados e os antigos, e no caso de que os predios resultantes se adxudiquen pro indiviso ou con modificación substancial das condicións da primitiva titularidade.
5. Existindo subrogación real e compatibilidade coa planificación dos dereitos reais e cargas constituídos sobre o predio achegado, se a situación e as características do novo predio fosen incompatibles coa súa subsistencia, as persoas ás que favorecesen estes dereitos ou cargas poderán obte-la súa transformación nun dereito de crédito con garantía hipotecaria sobre o novo predio, na contía que a carga sexa valorada polo proxecto de compensación ou por dictame pericial.
6. O proxecto de compensación fixará as indemnizacións que deban de percibi-los titulares de cargas ou dereitos reais que se extingan, aplicando analoxicamente os criterios fixados nas normas tributarias.
7. As situacións arrendaticias valoraranse conforme o número 3 do artigo137 do Regulamento de xestión urbanística, tendo especialmente en conta se os arrendatarios se atopan, ou non, en situación de prórroga forzosa e, de se-lo caso, o prazo que restara de vixencia contractual.
Base 8ª.-Criterios de valoración de achegas de empresas urbanizadoras.
1. O artigo134.2º da Lei do solo de Galicia e 165 do RXU prevén a posible incorporación de empresas urbanizadoras que vaian participar cos propietarios na xestión do polígono.
2. A valoración da contribución das empresas urbanizadoras efectuarase tendo en conta o custo do proxecto de urbanización ou das partidas deste que vaia financiar, e executar en relación co valor do solo do polígono. Convirase coa xunta, no momento da incorporación, se esta cifra é definitiva ou se serán de aplicación a revisión de prezos ou a esta
bilización de custos e adoptarase o acordo aprobatorio da incorporación pola asemblea xeral.
3. A participación da empresa diminuirá a dos membros propietarios na medida en que así resulte da cota de participación asignada á empresa.
Base 9ª.-Actuación da xunta de compensación.
1. A actuación por compensación comprenderá:
A) Pagamento das obras de urbanización e demais gastos inherentes consignados no proxecto de urbanización.
B) A fixación de coeficientes para establecer tanto as cargas como os beneficios da urbanización.
C) A transmisión gratuíta ó Concello de Vigo en pleno dominio e libre de cargas, dos terreos de cesión obrigatoria e das obras e instalacións que os propietarios deben executar pola súa propia conta conforme a planificación aprobada.
Base 10ª.-Procedemento para contrata-la execución das obras de urbanización e, de se-lo caso, as de edificación.
1. A execución das obras de urbanización poderá realizarse, en todo ou en parte, por empresas urbanizadoras incorporadas á xunta.
2. Noutro caso, e en calquera suposto, a empresa ou as empresas que determine o consello rector farán a edificación, seguindo o criterio establecido pola asemblea xeral para a selección do contratista.
3. En calquera caso, no contrato de execución de obras garantirase o cumprimento das circunstancias esixidas no artigo 176.3º do Regulamento de xestión urbanística.
Base 11ª.-Obras de urbanización.
1. No sistema de compensación os propietarios achegan os terreos de cesión obrigatoria, realizan pola súa propia conta a urbanización nos termos e condicións que se determinen no plano e nos correspondentes proxectos que haberán de redactarse.
2. Os custos da urbanización serán satisfeitos polos asociados en proporción ós seus respectivos dereitos ou cotas de participación, salvo que a urbanizadora asumira para si o custo total da urbanización.
3. Para o suposto de que non custeara a urbanizadora a totalidade da urbanización, estimaranse como custos de urbanización os que establece o artigo132 da Lei do solo de Galicia e, en xeral, os gastos de toda índole que orixine a axeitada execución da urbanización, conforme o proxecto aprobado, así como os xuros e amortizacións dos créditos que se concerten, de se-lo caso, para realiza-las citadas obras.
4. Tales obras de urbanización e as demais dotacións e instalacións iranse cedendo ó Concello de Vigo, conforme se vaian realizando, nos termos previstos no artigo 180.2º do RXU.
Base 12ª.-Prazos e forma de pagamento das cotas.
1. As cotas, ordinarias ou extraordinarias, serán satisfeitas na forma prevista nos estatutos.
2. O pagamento deberá facerse en moeda de curso legal, pero, mediante acordo da asemblea xeral, poderá facerse, en todo ou en parte, mediante a transmisión á xunta da propiedade de terreos incorporados ó sistema de compensación.
3. A transmisión, en pleno dominio, de terreos á xunta implica a correspondente diminución, para o transmitente, da súa cota de participación na xunta.
4. Os gastos ocasionados con anterioridade á inscrición da xunta de compensación no Rexistro de Entidades Urbanísticas Colaboradoras, serán obxecto dun orzamento especial elaborado polos iniciadores do sistema. Unha vez este sexa aprobado pola asemblea xeral, incorporarase da forma axeitada á contabilidade xeral da xunta.
Base 13ª.-Transmisión de terreos afectados e das obras de urbanización.
1. A transmisión ó Concello de Vigo, en pleno dominio e libre de cargas, dos terreos de cesión obrigatoria, terá lugar, por ministerio de lei, en virtude do acordo aprobatorio do proxecto de compensación, segundo o previsto no artigo 179 do Regulamento de xestión urbanística e no artigo 135.3º da Lei do solo de Galicia.
Non obstante, a xunta de compensación e, no seu nome, o contratista por esta designado, poderá ocupa-los terreos cedidos para a realización das obras de urbanización.
2. Unha vez que a xunta de compensación reciba da empresa constructora as obras de urbanización e as instalacións e as dotacións, das que a execución estiver prevista no PERI 5, Paradela 1 e o proxecto de urbanización aplicable, cederanse ó concello.
3. O acordo de aprobación definitiva do proxecto de compensación producirá a cesión de dereito ó concello dos predios resultantes que lle correspondan en pagamento do 10 por 100 do aproveitamento.
Base 14ª.-Expropiación por incumprimento de obrigas.
1. Con independencia das expropiacións que procedan por falta de incorporación á xunta, aquelas proceden, tamén, por incumprimento dos membros incorporados das súas obrigas, nos seguintes supostos:
A) Negativa ou atraso no pagamento das cantidades que se lle deban á xunta de compensación, na forma prevista nos estatutos.
B) Negativa ó outorgamento dos documentos necesarios para formaliza-las cesións obrigatorias resultantes da planificación urbanística, nos termos do artigo 136.2º da Lei do solo de Galicia e 180 do Regulamento de xestión urbanística.
C) Negativa a facilita-lo acceso necesario para a efectiva realización das obras de urbanización, salvo cando o órgano competente tivese ordenada a paralización das obras de urbanización na citada propiedade.
D) Negativa ó pagamento das multas impostas por infraccións urbanísticas das que sexan subxectivamente responsables.
2. Respecto do procedemento expropiatorio, terase en conta o sinalado na base 5ª.
Base 15ª.-Alleamento de terreos pola xunta.
1. Co obxecto de poder facer fronte ós gastos de urbanización, e na súa condición de fiduciaria dos propietarios, a xunta de compensación poderá allear algún ou algúns dos inmobles achegados, ou constituír gravames reais sobre eles, logo do acordo da asemblea xeral, respecto da oportunidade de facelo e do prezo.
2. O adquirente quedará subrogado en tódolos dereitos e obrigas que lle corresponderían ó titular primitivo do terreo en relación coa xunta de compensación; minorarase, proporcionalmente, a cota de participación dos restantes asociados.
Base 16ª.-Responsabilidade da xunta de compensación.
1. A xunta de compensación será directamente responsable fronte ó concello da urbanización completa do polígono, e de se-lo caso, da edificación dos predios resultantes.
2. A xunta de compensación será responsable ante cada un dos seus membros do dano patrimonial que puideran experimentar pola actuación daquela.
Base 17ª.-Afección real dos terreos.
1. Os terreos incorporados á xunta quedan afectos ó cumprimento das obrigas inherentes ó sistema, o que se fará constar no rexistro da propiedade.
2. Os predios resultantes quedarán afectos, con carácter real, ó pagamento dos custos de execución do polígono na proporción que corresponda; afección que quedará cancelada mediante certificación da xunta acreditativa de ter quedado canceladas as súas obrigas para con ela.
Base 18ª.-Valoración dos predios resultantes.
1. Toda superficie que, conforme o plan xeral, sexa susceptible de propiedade privada, aínda que non sexa edificable, deberá ser obxecto de adxudicación ós propietarios incorporados á xunta, no proxecto de compensación. Os terreos libres das parcelas adxudicaranse xunto coa súa superficie edificable.
2. Os terreos susceptibles de aproveitamento privado, adxudicables ós membros da xunta, valoraranse con base no valor básico de repercusión no polígono catastral, corrixido en función da situación concreta dentro deste, sempre que a súa fixación se fixera con base no plan en execución; noutro caso, as mencionadas parcelas valoraranse de acordo
co aproveitamento real, con aplicación, de se-lo caso, dos coeficientes de ponderación asignados ós diversos usos e tipoloxías edificatorias, así como criterios correctores por localización e características dos terreos tocante á súa edificación, se representaran un dato diferencial relevante.
3. A valoración farase en puntos, pero estes haberán de taxarse en pesetas, para os efectos de determina-lo importe das indemnizacións que proceda por diferencias de adxudicación.
Base 19ª.-Regras para a adxudicación dos predios resultantes.
1. Os propietarios incorporados á xunta de compenxación e, de se-lo caso, as empresas urbanizadoras teñen dereito á adxudicación en propiedade dos predios resultantes. O dereito dos socios será o correspondente á súa cota de participación.
2. Cando a escasa contía dos dereitos dalgúns propietarios non permita que se lles adxudiquen predios independentes a todos eles, adxudicaránselles predio/s resultantes en pro indiviso.
3. Non se farán adxudicacións que excedan do 15% dos dereitos dos propietarios; pola contra, tratarase de axusta-las adxudicacións sempre por defecto, procurando, cando sexa posible, que este non supere o 15% dos expresados dereitos.
4. Se a contía do dereito dalgún propietario non alcanzar o 15% da parcela mínima edificable, a adxudicación poderá substituírse por unha indemnización en metálico.
5. En todo caso, as diferencias de adxudicación serán obxecto de compensación económica entre os partícipes, atendendo ó prezo medio dos terreos adxudicados, referido ó aproveitamento concreto percibido en exceso ou deixado de percibir in natura.
6. Non poderán adxudicarse como predios independentes as superficies inferiores á parcela mínima edificable, ou que reúnan a configuración e as características axeitadas para a súa edificación conforme a planificación.
Base 20ª.-Regras para a distribución de beneficios e perdas.
A distribución de beneficios e perdas resultantes da actuación pola xunta de compensación farase tendo en conta as respectivas cotas de participación dos seus membros.
Base 21ª.-Proxecto de compensación.
1. De acordo cos criterios establecidos nestas bases, a xunta formulará un proxecto de compensación que conterá as determinacións seguintes:
A) Descrición das propiedades antigas, segundo os títulos achegados, coas correccións procedentes e, en defecto de títulos, segundo planos. Expresaranse as cargas e gravames, condicións e demais dereitos que lles afecten; así mesmo, expresarase o respectivo propietario e a súa cota de participación.
B) Descrición dos predios resultantes, titulares a quen se adxudiquen e concepto no que o fosen. Expresarase respecto de cada predio o antigo ó que corresponda, así como as cargas e gravames e o aproveitamento urbanístico que lle corresponda a cada predio.
C) Localización dos terreos dotacionais de cesión obrigatoria.
D) Superficies ou parcelas que a propia xunta se reserve, de se-lo caso, para allealas directamente, co fin de sufraga-los gastos previstos da urbanización.
E) Compensacións en metálico, se fosen procedentes por diferencias de adxudicación.
F) Contía da participación de cada un dos predios adxudicados nos custos de urbanización, co que quedan aqueles gravados con carga real.
2. O proxecto de compensación someterase, logo da audiencia de tódolos afectados por prazo dun mes, á aprobación da asemblea xeral, debendo adoptarse o correspondente acordo por maioría absoluta de cotas de participación. O proxecto así aprobado someterase á aprobación definitiva do concello.
3. Unha vez aprobado definitivamente o proxecto de compensación, o concello procederá a outorgar escritura pública ou a expedir certificación, coas solemnidades e requisitos legais e co contido esixido polo artigo 113 do RXU. A escritura pública ou o documento administrativo será inscrito no Rexistro da Propiedade.
4. O acordo de aprobación definitiva do proxecto de compensación producirá a cesión de dereito ó concello, en pleno dominio e libre de cargas, de tódolos terreos de cesión obrigatoria e gratuíta.
Base 22ª.-Momento de edificación dos terreos.
No caso de que conveña ós intereses xerais da xunta de compensación que se edifique algún dos terreos, poderá acordarse así en asemblea xeral, determinando o volume concedido a conta, e o comezo da edificación será posible antes de estar concluída a urbanización.
Base 23ª.-Conservación da urbanización.
1. Ata o momento en que a xunta de compensación se disolva ou se converta en entidade urbanística colaboradora de conservación, terá ó seu cargo o mantemento da urbanización, repercutíndose os seus custos entre os propietarios das parcelas, en función da súa cota de participación na xunta, agás os servicios que poidan ser medidos por contador que o serán en proporción ó consumo ou gasto existente.
2. A falta de pagamento das cotas de conservación dará dereito á xunta a solicitar do concello o seu cobramento en vía executiva administrativa.
Vigo, 30 de xuño de 1998.
Manuel Pérez Álvarez
Alcalde-presidente da Xerencia Municipal
de Urbanismo
7890
