Por Resolución do 21 de abril de 1998 (Diario Oficial de Galicia do 27 de abril) someteuse á información pública a adaptación do Plan de Xestión de Residuos Sólidos Urbanos de Galicia.
Unha vez cumpridos os trámites establecidos nos números 2º e 3º do artigo 20 da Lei 10/1997, do
22 de agosto, de residuos sólidos urbanos de Galicia, procede someter de novo á exposición pública o Plan de Xestión de Residuos Sólidos Urbanos de Galicia en cumprimento do disposto no número 4º do devandito artigo, para que se poidan formular alegacións definitivas e derradeiras, polo que
RESOLVO:
Someter á información pública durante o prazo de vinte días o plan denominado adaptación do Plan de Xestión de Residuos Sólidos Urbanos de Galicia.
O documento atópase á disposición dos interesados nos seguintes lugares:
-Dirección Xeral de Calidade e Avaliación Ambiental da Consellería de Medio Ambiente, rúa dos Feáns, 1-3 baixo; 15706-Santiago de Compostela.
-Delegación Provincial da Consellería de Medio Ambiente na Coruña; edificio administrativo Monelos, praza Luís Seoane, s/n; 15008-A Coruña.
-Delegación Provincial da Consellería de Medio Ambiente en Lugo, Ronda da Muralla, 70; 27074-Lugo.
-Delegación Provincial da Consellería de Medio Ambiente en Ourense, Avda. da Habana, 79-2ª planta; 32004-Ourense.
-Delegación Provincial da Consellería de Medio Ambiente en Pontevedra, rúa Benito Corbal, 47-3º; 36067-Pontevedra.
As alegacións que se presenten deberán dirixirse ó conselleiro de Medio Ambiente.
Santiago de Compostela, 3 de agosto de 1998.
José A. Carlos del Álamo Jiménez
Conselleiro de Medio Ambiente
7066