No eido da asistencia social, a Comunidade Autónoma de Galicia ten competencia exclusiva, segundo o disposto no artigo 27.23º do seu Estatuto de autonomía, en relación co artigo 148.1º.20 da Constitución española.
En virtude desa atribución de competencias, o Parlamento de Galicia aprobou a Lei 4/1993, do 14 de abril, de servicios sociais, na que se ordenan e regulan os aspectos básicos dun sistema integrado de servicios sociais.
A dita norma, recollendo o principio de autonomía dos entes locais consagrado pola Constitución española, realiza unha distribución competencial entre as distintas administracións públicas, atribuíndolles ós concellos competencias propias para a creación e xestión tanto dos servicios sociais de atención primaria coma dos servicios sociais especializados de ámbito local, entendendo por tales aqueles nos que os usuarios sexan predominantemente residentes no respectivo concello.
En desenvolvemento do establecido na disposición transitoria primeira da devandita norma legal aprobouse o Decreto 129/1996, do 26 de marzo, polo que se crean as comisións mixtas coas corporacións locais para o traspaso dos equipamentos sociais adscritos á Consellería de Sanidade e Servicios Sociais, establecendo a súa composición, funcións e normas de funcionamento.
Constituída a comisión mixta de transferencias Xunta de Galicia-Concello de Melide segundo o establecido no citado Decreto 129/1996, e de conformidade co disposto no artigo 2º deste, adoptou, na súa reunión do 5 de maio de 1998, acordo de transferencia ó Concello de Melide do centro social situado no seu termo municipal e adscrito á Consellería de Sanidade e Servicios Sociais.
O dito acordo ten carácter de proposta, e precisa aprobación do Consello da Xunta de Galicia.
Por isto, por proposta do conselleiro de Sanidade e Servicios Sociais e logo de deliberación do Consello da Xunta de Galicia na súa reunión do día trinta de xullo de mil novecentos noventa e oito,
DISPOÑO:
Artigo 1º
Apróbase o acordo da comisión mixta creada polo Decreto 129/1996, do 29 de marzo, para o traspaso dos equipamentos sociais adscritos á Consellería de Sanidade e Servicios Sociais, adoptado na súa reunión do día 5 de maio de 1998, polo que se traspasan o Centro Social de Melide, situado no termo municipal de Melide, e os correspondentes recursos persoais, materiais e orzamentarios.
Artigo 2º
En consecuencia, quedan traspasados ó Concello de Melide e asumido por este o centro e servicios que se relacionan no dito acordo, que se inclúe como anexo do presente decreto, nos termos e condicións resultantes del, así como os medios persoais, bens, dereitos e obrigas sinalados no texto do acordo e relacións que se xuntan, así como os créditos orzamentarios determinados segundo o procedemento establecido no propio acordo.
Artigo 3º
O traspaso a que se refire este decreto terá efectividade a partir do día 1 do mes seguinte ó da súa publicación no DOG, sen prexuízo de que a Consellería de Sanidade e Servicios Sociais produza ata a entrada en vigor deste decreto tódolos actos administrativos necesarios para o mantemento do centro no mesmo réxime e nivel de funcionamento que tivera no momento da adopción do acordo.
Disposicións derradeiras
Primeira.-Facúltanse os conselleiros de Economía e Facenda e de Sanidade e Servicios Sociais para dictar cantas disposicións sexan necesarias para o desenvolvemento e execución do presente decreto.
Segunda.-Este decreto entrará en vigor a partir do día 1 do mes seguinte ó da súa publicación no Diario Oficial de Galicia.
Santiago de Compostela, trinta de xullo de mil novecentos noventa e oito.
Manuel Fraga Iribarne
Presidente
José María Hernández Cochón
Conselleiro de Sanidade e Servicios Sociais
ANEXO
Joan Ribot Margarit e José González González, secretarios da Comisión Mixta de transferencias Xunta de Galicia-Concello de Melide, prevista no Decreto 129/1996, do 29 de marzo,
CERTIFICAN:
Que na sesión plenaria da Comisión Mixta celebrada o día 5 de maio de 1998, se acordou o traspaso ó Concello de Melide do centro social dependente da Administración autonómica e situado no seu territorio municipal, nos termos seguintes:
A) Referencia ás normas estatutarias e legais nas que se ampara a transferencia.
En consonancia co disposto no artigo 148.1º.20 da Constitución española, o Estatuto de autonomía para Galicia establece no seu artigo 27.23º a competencia exclusiva da Comunidade Autónoma en materia de asistencia social.
Pola súa parte, a Lei 4/1993, do 14 de abril, de servicios sociais, recolle entre os principios inspi
radores do sistema de servicios sociais o de territorialidade, segundo o cal a organización do sistema e a distribución de competencias e funcións responderán ós principios de descentralización e desconcentración, atribuíndo ou delegando o exercicio das competencias nos entes ou órganos administrativos máis próximos ós cidadáns, sen mingua da garantía dunha igualdade de servicios e prestacións a tódolos cidadáns de Galicia.
Así mesmo, a norma realiza unha distribución competencial entre as distintas administracións públicas, establecendo no seu artigo 21:
1. Correspóndelles ós concellos, de conformidade co previsto na Lei 7/1985, do 2 de abril, reguladora das bases do réxime local, as seguintes competencias:
a) A creación e xestión dos servicios sociais de atención primaria.
b) A creación e xestión dos servicios sociais especializados de ámbito local, entendendo por tales aqueles nos que os usuarios sexan predominantemente residentes no respectivo concello.
Pola súa vez, a disposición transitoria primeira da lei sinala que: de conformidade coas competencias atribuídas ás entidades locais na presente lei, arbitrarase regulamentariamente o procedemento para a transferencia dos equipamentos, persoal, medios materiais e dotación orzamentaria correspondentes a elas, engadindo que a devandita transferencia incluirá, entre outros equipamentos, os centros sociais e as residencias da terceira idade, agás as asistidas.
Sobre a base destas previsións estatutarias e legais resulta procedente efectua-lo traspaso do centro social dependente da Administración autonómica ó Concello de Melide.
B) Identificación dos equipamentos que son obxecto de traspaso.
Traspásase ó Concello de Melide o seguinte equipamento do seu ámbito territorial:
-Centro social.
A xestión deste centro realizarase de acordo coa lexislación vixente nesta materia na Comunidade Autónoma de Galicia, en especial o relativo á determinación de beneficiarios, requisitos e intensidade da acción protectora.
Así mesmo, unha vez que o traspaso sexa efectivo, o centro quedará obrigado a desenvolve-los distintos programas e actuacións de ámbito autonómico que a Xunta de Galicia impulse en cada momento, nas condicións que prevé a Lei 4/1993, do 14 de abril, de servicios sociais.
C) Bens, dereitos e obrigas que se traspasan:
1. Traspásanse ó Concello de Melide os bens, dereitos e obrigas da Xunta de Galicia que se reco
llen no inventario detallado da relación adxunta número 1.
2. No caso de que o centro traspasado non se utilice para o cumprimento dos fins sociais previstos, reverterá á Comunidade Autónoma despois de que esta a inste dando audiencia ó concello.
3. No prazo de tres meses, desde a publicación do decreto que aprobe este acordo, asinaranse as correspondentes actas de entrega e recepción de mobiliario, equipo e material inventariable.
D) Persoal que se traspasa.
O persoal adscrito ó centro e servicios traspasados, que se referencia nominalmente na relación adxunta número 2, pasará a depender do Concello de Melide.
A Consellería de Sanidade e Servicios Sociais notificaralles ós interesados o traspaso tan pronto como o Consello da Xunta de Galicia aprobe o presente acordo por decreto.
Así mesmo, a Consellería da Presidencia e Administración Pública declarará o paso á nova situación administrativa que corresponda.
Así mesmo, remitiráselle ó organo competente do Concello de Melide unha copia certificada do expediente de persoal, así como certificado de haberes referidos ás contías devengadas durante 1997.
E) Valoración das cargas financeiras do centro e servicios transferidos.
1. A valoración definitiva do custo efectivo anual dos servicios traspasados, referidos ó ano 1997, elévase a 19.035.369 pesetas, conforme a seguinte distribución:
a) Centro Social de Melide:
Capítulo I: 14.101.369.
Capítulo II: 4.934.000
Total: 19.035.369.
2. O financiamento do citado custo por parte da Comunidade Autónoma realizarase en exercicios sucesivos para cada un dos centros traspasados mediante actualización do seu importe na mesma medida en que evolucionen globalmente os gastos de funcionamento (capítulos I e II) dos centros de igual natureza xestionados pola Comunidade Autónoma. A variación indicada enténdese referida a termos de comparación homoxéneos, é dicir, excluíndose os incrementos que poidan producirse en cada anualidade respecto da anterior pola posta en funcionamento de novos centros ou servicios.
3. A transferencia dos fondos ó Concello de Melide efectuarase por doceavas partes do importe total financiado en cada exercicio.
4. No ano 1998 o custo financiado será o resultante de deducir do total neto sinalado no punto 1 deste apartado o importe dos gastos dos capítulos I e II aboados pola Comunidade Autónoma ata a data de efectividade do traspaso do centro.
F) Documentación e expedientes necesarios para a xestión do centro que se traspasa.
A entrega da documentación e expedientes do centro e servicios que se traspasan realizarase no prazo dun mes a partir da data de efectividade da transferencia obxecto deste acordo.
G) Data de efectividade da transferencia.
A efectividade da transferencia obxecto deste acordo terá lugar a partir do día 1 do mes seguinte ó da publicación do decreto de traspaso no DOG.
E para que conste, expídese a presente certificación en Santiago de Compostela o 5 de maio de 1998.
Joan Ribot MargaritJosé González González
SecretarioSecretario
Vº e praceVº e prace
José Mª Hernández CochónMiguel R. Pampín Rúa
Conselleiro de SanidadeAlcalde do Concello de
e Servicios SociaisMelide
Relación número 1
Relación de bens inmobles adscritos á Consellería de Sanidade e Servicios Sociais obxecto de traspaso ó Concello de Melide
Nº Ident.: C0234.
Nome e uso: centro social.
Localidade e enderezo: Melide.
Superficie construída: 578 m.
Supeficie útil: 405 m.
Relación número 2
Relación nominal do persoal que se traspasou ó Concello do Centro Social de Melide
Apelidos e nome: Pampín Rúa, Miguel.
Número de rexistro persoal: 76.519.272.
Corpo ou escala: Dtor. centro social.
Posto de traballo: Dtor. centro social.
Situación administrativa: laboral fixo.
Retribucións anuais 1997, básicas: 2.986.942.
Retribucións anuais 1997, Complement.: 324.756.
Retribucións anuais 1997, total: 3.311.698.
Apelidos e nome: Rodríguez Gómez, Mª José.
Número de rexistro persoal: 76.515.751.
Corpo ou escala: ATS/DUE.
Posto de traballo: ATS/DUE œ x.
Situación administrativa: laboral fixo.
Retribucións anuais 1997, básicas: 1.644.314.
Retribucións anuais 1997, total: 1.644.314.
Apelidos e nome: Mejuto López, Antonio
Número de rexistro persoal: 76.448.209.
Corpo ou escala: ordenanza.
Posto de traballo: ordenanza.
Situación administrativa: laboral fixo.
Retribucións anuais 1997, básicas: 1.974.574
Retribucións anuais 1997, total: 1.974.574
Apelidos e nome: Otero García, Ana Mª.
Número de rexistro persoal: 76.519.262.
Corpo ou escala: camareira-Limpad.
Posto de traballo: limpadora.
Situación administrativa: laboral fixo.
Retribucións anuais 1997, básicas: 1.864.478
Retribucións anuais 1997, total: 1.864.478
Apelidos e nome: Rey Seoane, Mª Jesús
Número de rexistro persoal: 33.234.249.
Corpo ou escala: camareira-Limpad.
Posto de traballo: limpadora.
Situación administrativa: laboral fixo.
Retribucións anuais 1997, básicas: 1.864.478.
Retribucións anuais 1997, total: 1.864.478.
7368
