Mediante acordo da Comisión de Goberno deste concello, adoptado en sesión celebrada o día 28 de xullo de 1998, acordouse:
1. Aproba-los expedientes de contratación por concurso en procedemento aberto, declarados de tramitación urxente, e o seu gasto, derivado das obras que se detallan no obxecto da presente convocatoria.
2. Abri-los procedementos de licitación destas obras, dando publicidade no BOP e no Diario Oficial de Galicia da seguinte:
Convocatoria de concurso en procedemento aberto:
Obxecto: a execución das obras que seguidamente se especifican, facendo constar que os contratistas interesados poden presenta-la súa oferta neste concurso para unha, varias ou tódalas obras, xa que cada obra se adxudicará individualmente.
1. Saneamento en Bousés, San Cibrao e As Casas dos Montes:
Obra número 380 do Plan operativo local de 1998.
Autor do proxecto: enxeñeiro agrónomo Pablo Millán Trillo.
Orzamento de execución por contrata: 12.000.000 de ptas.
Prazo de execución das obras: 4 meses.
2. Construcción dos camiños de acceso ás Casas dos Montes e San Cibrao:
Obra do programa PIEL do Fondo de cooperación local da Xunta 1998.
Autor do proxecto: enxeñeiro agrónomo Pablo Millán Trillo.
Orzamento de execución por contrata: 5.944.165 ptas.
Prazo de execución das obras: 3 meses.
3. Saneamento en Videferre, Espiño e Rabal:
Obra do programa PIEL do Fondo de cooperación local da Xunta 1998.
Autor do proxecto: enxeñeiro agrónomo Pablo Millán Trillo.
Orzamento de execución por contrata: 6.389.488 ptas.
Prazo de execución das obras: 3 meses.
4. Recuperación da capela de San Roque en Oímbra:
Obra subvencionada ó amparo da iniciativa comunitaria Leader II.
Autor da memoria valorada: arquitecto Eusebio Chao Carreiras.
Orzamento de execución por contrata: 3.319.364 ptas.
Prazo de execución das obras: 4 meses.
5. Melloras e revalorización do forno de Bousés:
Obra subvencionada ó amparo da iniciativa comunitaria Leader II.
Autor da memoria valorada: enxeñeiro técnico A. Rafael Señarís Glez.
Orzamento de execución por contrata: 3.234.525 ptas.
Prazo de execución das obras: 18 meses.
6. Recuperación do forno de Videferre:
Obra subvencionada ó amparo da iniciativa comunitaria Leader II.
Autor da memoria valorada: enxeñeiro técnico A Rafael Señarís Glez.
Orzamento de execución por contrata: 2.693.250 ptas.
Prazo de execución das obras: 18 meses.
7. Acondicionamento de praza rural á tipoloxía local:
Obra subvencionada ó amparo da iniciativa comunitaria Leader II.
Autor da memoria valorada: arquitecto Eusebio Chao Carreiras.
Orzamento de execución por contrata: 4.196.449 ptas.
Prazo de execución das obras: 18 meses.
8. Acondicionamento de forno tradicional en Espiño:
Obra subvencionada ó amparo da iniciativa comunitaria Leader II.
Autor da memoria valorada: arquitecto Eusebio Chao Carreiras.
Orzamento de execución por contrata: 1.910.173 ptas.
Prazo de execución das obras: 4 meses.
9. Obras de pavimentación de rúas en Chas:
Obra financiada integramente con préstamo formalizado polo concello.
Autor da memoria valorada: enxeñeiro agrónomo Pablo Millán Trillo.
Orzamento de execución por contrata: 3.730.779 ptas.
Prazo de execución das obras: 1 mes.
Orzamento base de licitación: o orzamento de execución por contrata especificado para cada obra.
Nas ofertas que se formulen poderanse introducir variacións ou outras solucións técnicas co obxecto de mellora-las previsións do proxecto, sempre que se cumpran os requisitos sinalados ó describi-las melloras pola cláusula oitava do prego que rexe na contratación.
Clasificación do contratista: non se esixe para ningunha das obras obxecto da convocatoria.
Prazo de execución das obras: o que se especificou anteriormente para cada obra ó describi-lo obxecto do contrato.
Garantías: como garantías para participar no concurso para a execución destas obras, de cada unha esixirase o 2% do orzamento de execución por contrata como garantía provisional e o 4% do devandito orzamento como garantía definitiva.
Prazo de presentación das proposicións: os 13 días naturais seguintes á última publicación, no BOP ou
no Diario Oficial de Galicia, da convocatoria do concurso; se o derradeiro día coincidise sábado ou festivo, prorrogarase o prazo ó día seguinte natural non festivo.
Celebración da licitación: o concurso terá lugar ás 17 horas do segundo día hábil seguinte a aquel no que finalice o prazo de presentación de ofertas.
Criterios que hai que ter en conta na licitación:
1. As melloras que os propoñentes efectúen na súa oferta nos termos establecidos, sen superar en absoluto o orzamento de execución por contrata de cada obra.
2. A valoración que efectúe a mesa de contratación da realización de obras con bos resultados de características similares para o Concello de Oímbra.
3. A rebaixa no prazo inicialmente previsto para a execución das obras.
4. Os medios técnicos humanos e materiais que os concorrentes se comprometan a poñer ó servicio da obra.
5. O maior importe da baixa ofertada sobre o tipo de licitación.
Pagamento do prezo contractual: con cargo ó orzamento municipal de 1998, partida 5.60.
Exame do expediente: nas oficinas da Secretaría do Concello, desde as 9 ata as 14 horas, durante o prazo establecido para presentar proposicións.
Presentación de documentación: as proposicións por medio das cales se concorra á contratación convocada presentaranse na forma sinalada na cláusula oitava do prego que rexe na contratación.
Oímbra, 3 de agosto de 1998.
Alfonso Villarino Rodríguez
Alcalde
7592