Aprobado inicialmente polo Concello Pleno, en sesión ordinaria celebrada o día 28 de xullo de 1998, o prego de cláusulas administrativas particulares que rexerá na contratación da obra que se menciona a continuación, queda exposto ó público polo prazo de oito días hábiles, contados desde o seguinte ó da publicación do presente edicto no último dos boletíns (BOP de Lugo, Diario Oficial de Galicia) en que apareza publicado.

Anúnciase ó mesmo tempo a licitación, de conformidade co disposto no artigo 122 do R.D. 781/1986, aínda que a licitación se aprazará no caso de que se presenten reclamacións en contra do prego de condicións:

Título da obra: pavimentación dos accesos ós núcleos de poboación do Vilar, Libre e A Veiga de Son, Castañedo, Robledo de Rao, Sinada, Folgueiras de Aigas, Muñís, Freixís, Arcón, Acevedo, Murias de Camín, Mera, Barcia e Vilor.

Entidade adxudicadora:

a) Organismo: Concello de Navia de Suarna.

b) Dependencia que tramita o expediente: Secretaría Xeral.

Obxecto do contrato:

a) Descrición: pavimentación dos accesos ós núcleos de poboación do Vilar, Libre e A Veiga de Son, Castañedo, Robledo de Rao, Sinada, Folgueiras de Aigas, Muñís, Freixís, Arcón, Acevedo, Murias de Camín, Mera, Barcia e Vilor.

b) Lugar de execución: Navia de Suarna.

c) Prazo de execución: nove (9) meses.

Tramitación:

a) Carácter: urxente.

b) Procedemento: aberto.

c) Forma: concurso.

Orzamento base de licitación:

a) O orzamento de execución por contrata ascende a vintetrés millóns trescentas trinta e oito mil setecentas corenta e unha (23.338.741) ptas., IVE incluído.

Garantía provisional e definitiva:

Garantía provisional: 466.775 ptas.

Garantía definitiva: 4% do prezo de adxudicación.

Obtención de documentación e información:

Concello de Navia de Suarna, praza de España, 1. Localidade: A Pobra. Código postal: 27650. Teléfono: 982 36 51 66. Fax: 982 36 51 12, durante os 13 días naturais seguintes ó da publicación deste anuncio no último dos boletíns nos que apareza publicado (Diario Oficial de Galicia ou BOP Lugo).

Requisitos específicos do contratista:

Clasificación: G-6-c.

Outros requisitos:

Non se esixen máis requisitos cós establecidos na lei.

Proposicións e documentación complementaria:

a) Data límite de presentación: 13 días naturais seguintes ó da publicación do anuncio no último dos boletíns (Diario Oficial de Galicia ou BOP de Lugo) no que apareza publicado. Se o último día fose sábado ou inhábil, o prazo rematará o primeiro día hábil seguinte.

b) Documentación que hai que presentar: cláusula 13 do prego de condicións.

c) Lugar de presentación: Rexistro de Entrada do Concello de Navia de Suarna, en horario das 9 ás 14 horas.

Apertura de ofertas:

Entidade: Concello de Navia de Suarna.

Domicilio: praza de España, 1.

Localidade: Navia de Suarna.

Data: 5º día natural seguinte a aquel no que remate o prazo de presentación de proposicións, ás 12 horas.

Se o día de apertura coincide con sábado ou inhábil, a apertura celebrarase o primeiro día hábil seguinte.

Gastos de anuncios: todos por conta do contratista.

Navia de Suarna, 29 de xullo de 1998.

O alcalde

Rubricado

7593