En cumprimento do que dispón o artigo 70.2º da Lei reguladora das bases do réxime local e do artigo 48 da Lei do solo de Galicia, faise pública a aprobación definitiva do plan xeral de ordenación municipal que co quórum que esixe o artigo 47.3º i) da Lei de bases do réxime local e o artigo 215.2º i) da Lei de Administración local de Galicia, acordou o Pleno municipal na súa sesión do 3-8-1998, recolléndose a continuación a parte dispositiva do acordo que se adoptou:
Primeiro.-Aprobar con carácter definitivo o plan xeral de ordenación municipal de Verín, segundo consta no documento final que del presenta o equipo redactor Hábitat 6, abranguendo esta aprobación definitiva tódolos documentos, previsións e manifestacións que no referido documento final figuran.
Segundo.-Publica-la aprobación definitiva do PXOM de Verín no Diario Oficial de Galicia e no BOP, inserindo neste último integramente o texto da normativa e das ordenanzas que contén.
Terceiro.-Cumpri-las restantes previsións que establece o artigo 48 da Lei do solo de Galicia para que a aprobación definitiva do PXOM que se acorda sexa plenamente efectiva e eficaz.
Cuarto.- Resolver todas e cada unha das alegacións que se presentaron trala aprobación inicial do PXOM, no mesmo sentido no que as informou o equipo redactor do plan, asumindo este pleno integramente a resolución que para cada alegación propón o equipo redactor, polo que se lles notificará este acordo a todos e cada un dos alegantes e se achegará a cada notificación copia cotexada do informe que emituu o equipo redactor do plan, quedando á disposición dos alegantes e do resto dos veciños un exemplar de tólolos documentos que integran o PXOM para que poidan obte-la información e a documentación que precisen.
O que se fai público para xeral coñecemento e para que os interesados ós que non se lles notifique persoalmente o acordo de aprobación definitiva porque non formularon alegacións durante o período de información pública que tivo lugar trala aprobación inicial, poidan interpor recurso contencioso-administrativo perante a sala desta xurisdicción con sede na Coruña no prazo dos dous meses seguintes ó da data de publicación deste edicto no BOP de Ourense no que se inserirá o texto íntegro das ordenanzas e da normativa do PXOM, o cal entrará en vigor cando transcorran 15 días hábiles desde a dita publicación no BOP.
Verín, 4 de agosto de 1998.
Adolfo Rolán Fernández
Alcalde en funcións
7289