O Consello da Xerencia Municipal de Urbanismo, en sesión celebrada o día 10 de xullo de 1998, acordou aprobar inicialmente a reforma do proxecto de urbanización do E.D. V-02 Vista Alegre, presentado por Fernando Casuso Silva en representación da sociedade 20 de Julia Minguillón, S.L. e redactado polos arquitectos José A. Comesaña García e Mª Dolores Somoza Rodríguez-Escudero, co visado do colexio oficial do 5 de agosto, 26 de novembro e 16 de decembro de 1997.
Sométese á información pública polo prazo dun mes, mediante inserción de anuncios no DOG, nun xornal dos de maior circulación da provincia e máis no taboleiro da casa do concello.
Comunícase que o prazo de exposición ó publico se entenderá aberto desde a primeira publicación ata o remate do mes contado desde o último anuncio. A documentación atópase na oficina de información da Xerencia Municipal de Urbanismo ó dispor do público, planta baixa da casa do concello.
O presente anuncio servirá de notificación nos termos do artigo 59 da Lei de réxime xurídico das administracións públicas e do procedemento administrativo común para tódolos propietarios e interesados directamente afectados que por resultaren descoñecidos ou ignorando o seu enderezo, non poidan ser notificados persoalmente.
Vigo, 27 de xullo de 1998.
Manuel Pérez Álvarez
Alcalde-presidente da Xerencia Municipal
de Urbanismo
7002