Para os efectos previstos na Lei 54/1997, do 27 de novembro e no artigo 9 do Decreto 2617/1966, sométese a información pública a petición de autorización da instalación eléctrica que se describe:

Solicitante: Unión Eléctrica-Fenosa, S.A.

Enderezo social: Avda. de Arteixo, 171, 15000 A Coruña.

Denominación: L.M.T., C.T. e R.B.T., Liorfe, Capela e Ribas.

Situación: Sobrado.

Características técnicas: liña eléctrica aérea de media tensión, a 20 kV, sobre apoios de formigón e con conductor LA-56, de 265 m de lonxitude, con orixe na liña que vai a Teixeiro e remate no C.T. Capela que se vai instalar. Centro de transformación tipo intemperie, de 50 kVA e tensións de 20/0,380-0,220 kV en Capela, do que parte rede de baixa tensión sobre apoios de formigón e conductor R.Z. de 310 m de lonxitude. Sobrado.

Todas aquelas persoas ou entidades que se consideren afectadas poderán presenta-las súas alegacións nesta delegación provincial, no prazo de trinta días.

A Coruña, 3 de xullo de 1998.

Jesús Espada Martínez

Delegado provincial da Coruña

6919