Publicados o Decreto 347/1997, do 9 de decembro e o 351/1997, do 10 de decembro, polos que se determinan a estructura orgánica da Xunta de Galicia e os departamentos desta, procede establece-la estructura orgánica da Consellería de Xustiza, Interior e Relacións Laborais.

Polo tanto, en virtude do disposto no artigo 34.4º da Lei 1/1983, do 22 de febreiro, reguladora da Xunta e do seu presidente, modificada pola Lei 11/1988, do 22 de outubro, por proposta do conselleiro de Xustiza, Interior e Relacións Laborais, cos informes previos das consellerías da Presidencia e Administración Pública e de Economía e Facenda, e logo de deliberación do Consello da Xunta de Galicia na súa reunión do día dez de xullo de mil novecentos noventa e oito,

DISPOÑO:

Artigo 1º

A Consellería de Xustiza, Interior e Relacións Laborais é o órgano da Administración da Comunidade Autónoma ó que lle corresponden as competencias e as funcións en materia de xustiza, réxime local, colexios oficiais ou profesionais, policía autonómica, coordinación das policías locais, casinos, xogos e apostas, seguridade, asociacións, espectáculos públicos, política laboral, relacións laborais e seguridade e hixiene no traballo, e protección civil, de acordo co establecido no Estatuto de autonomía de Galicia nos termos sinalados na Constitución española.

Artigo 2º

Un.-A Consellería de Xustiza, Interior e Relacións Laborais, baixo a superior dirección do seu titular, estructúrase nos seguintes órganos:

I. O Conselleiro

II. A Secretaría Xeral

III. A Dirección Xeral de Xustiza e Administración Local

IV. A Dirección Xeral de Relacións Laborais

V. A Dirección Xeral de Interior

VI. A Dirección Xeral de Protección Civil

VII. As delegacións provinciais

VIII. Os órganos colexiados

Dous.-A Academia Galega de Seguridade, organismo autónomo de carácter administrativo, queda adscrito organicamente á Consellería de Xustiza, Interior e Relacións Laborais, e axustarase, en canto ós seus fins, á súa estructura e ó seu funcionamento,

ó previsto na Lei de Galicia 4/1992, do 9 de abril, de creación, e demais normas que a desenvolvan.

I. O Conselleiro.

Artigo 3º

O conselleiro é a autoridade superior da consellería e con tal carácter está investido das atribucións enumeradas no artigo 34 da Lei de Galicia 1/1983, do 22 de febreiro, modificada pola Lei 11/1988, do 20 de outubro, reguladora da Xunta e do seu presidente.

II. A Secretaría Xeral.

Artigo 4º

Un.-A secretaría xeral exercerá as competencias e funcións establecidas no Decreto 119/1982, do 5 de outubro, e a inspección de centros e organismos dependentes ou adscritos á consellería, as que lle atribúan a normativa en vigor, así como aqueles que lle sexan singular ou especialmente encomendadas por delegación do titular do departamento.

Dous.-Para o exercicio das súas funcións a secretaría xeral estructúrase nas seguintes unidades:

1. Subdirección Xeral de Coordinación Administrativa e Control Orzamentario.

A ela correspóndenlle as seguintes funcións:

-A xestión do persoal adscrito á consellería, tanto funcionario como laboral.

-A confección do borrador do anteproxecto de orzamentos da consellería e o seu seguimento e control.

-A xestión dos expedientes de contratación administrativa, segundo as competencias que na materia teña atribuídas o secretario xeral.

-Velar pola correcta implantación dos sitemas de informatización dentro da consellería e do sistema de xestión dos procedementos administrativos, así como de tódolos labores inherentes á racionalización administrativa sen prexuízo das competencias nesta materia da Inspección Xeral de Servicios.

-Coidar do correcto funcionamento do rexistro xeral da consellería, do arquivo e os restantes aspectos relacionados co réxime interior.

Para o desenvolvemento das súas funcións contará coas seguintes unidades con nivel orgánico de servicio:

1.1. Servicio de Xestión Económica e Persoal.

Corresponderalle a xestión e o seguimento da materia orzamentaria así como as funcións de tramitación dos asuntos do persoal adscrito á consellería, ben sexa de carácter laboral ou funcionario.

2. Do secretario xeral dependerá, de modo directo e inmediato, a seguinte unidade administrativa:

2.1. Servicio Técnico Xurídico.

Corresponderalle o exercicio das seguintes funcións:

-O estudio, tramitación e, se é o caso, a elaboración de tódolos anteproxectos e proxectos de disposicións

de carácter xeral emanados dos distintos centros directivos da consellería, así como levar a cabo as compilacións e refundicións das normas emanadas dela.

-O estudio, tramitación e proposta de resolución das reclamacións e recursos formulados contra os actos e resolucións emanadas dos distintos órganos da consellería, cando aquelas non lles estean atribuídas a outros órganos desta.

-Efectua-los estudios e informes que lle sexan encomendados polo secretario xeral, ademais do estudio, preparación e informe dos asuntos que, se elevan ó Consello da Xunta de Galicia e o traslado dos acordos desta.

-A coordinación, dentro da consellería, da publicación no Diario Oficial de Galicia de tódalas disposicións e actos administrativos dictados polos seus órganos, así como a súa remisión a aqueles.

-Levar a cabo as funcións que a consellería teña encomendadas sobre as fundacións de interese galego sobre as que exerza o protectorado.

-En xeral, cantos asuntos lle sexan encomendados por razón da súa competencia pola secretaría xeral.

3. Integradas organicamente na secretaría xeral, con nivel orgánico de subdirección xeral, existirán as seguintes unidades administrativas:

3.1. Asesoría Xurídica.

3.2. Intervención Delegada.

III. A Dirección Xeral de Xustiza e Administración Local.

Artigo 5º

Un.-Á Dirección Xeral de Xustiza e Administración Local correspóndelle a xestión e maila proposta de resolución dos asuntos transferidos e relacionados coas competencias que lle corresponden estatutariamente á Xunta de Galicia nas materias seguintes:

-Relacións co Poder Xudicial, Ministerio de Xustiza e demáis institucións relacionadas co ámbito xurisdiccional.

-Xestión dos medios materiais dos órganos xudiciais na Comunidade Autónoma.

-Propoñer modificacións sobre demarcacións xudiciais.

-Participación na fixación das demarcacións territoriais dos rexistros e notarías.

-Nomeamento de notarios e rexistradores.

-Colexios oficiais ou profesionais.

-Relación coas corporacións locais.

-As funcións de coordinación das policías locais que lle correspondan á Comunidade Autónoma.

-Xestión do persoal ó servicio da Administración de xustiza, e a súa formación.

-A promoción e o uso do galego na Administración local e na Administración de xustiza, en colaboración coa Dirección Xeral de Política Lingüística.

-Xestión da asistencia xurídica gratuíta.

-Obxección de conciencia.

Dous.-Para o desenvolvemento das súas funcións, a Dirección Xeral de Xustiza estructúrase nas seguintes unidades:

1. Subdirección Xeral de Relacións coa Administración de Xustiza.

Á Subdirección Xeral de Relacións coa Administración de Xustiza, correspóndelle, dentro das competencias asumidas pola Xunta de Galicia, executa-las directrices da dirección xeral nas materias relacionadas coa Administración de xustiza e co Consello Xeral do Poder Xudicial que veñan establecidas nas disposicións xerais correspondentes, tales como:

-Planificación e xestión dos medios materiais dos xulgados e tribunais.

-Proposta de convocatoria das prazas vacantes de maxistrados, xuíces e secretarios xudiciais.

-Realiza-los estudios e informes destinados a elabora-las as propostas de modificación de demarcación territorial dos órganos xudiciais na Comunidade Autónoma.

-Participación na fixacións das demarcacións territoriais dos rexistros da propiedade e mercantís, así como das notarías.

-Proposta de nomeamentos de notarios e rexistradores.

-Colexios oficiais ou profesionais.

-A preparación e coordinación dos estudios para o desenvolvemento do dereito galego.

-Formación continuada dos membros da carreira xudicial, e membros do Ministerio Fiscal, en cooperación co Consello Xeral do Poder Xudicial, e dos secretarios xudiciais en cooperación co Ministerio de Xustiza.

-Xestión da asistencia xurídica gratuíta.

-Obxección de conciencia.

Para o desenvolvemento das súas funcións contará coas seguintes unidades:

1.1. Servicio de Relacións coa Administración de Xustiza.

Executará as directrices que se lle sexan encomendadas pola subdirección xeral, elaborando ademais os estudios e propostas correspondentes nos asuntos relacionados coa Administración da xustiza en xeral, tales como demarcación territorial dos órganos xudiciais, participación na fixación da demarcación territorial dos rexistros da propiedade e mercantís, así como das notarías, fixación do número de notarios segundo establecido nas leis do Estado, nomeamento de notarios e rexistradores, propostas de convocatoria das vacantes de maxistrados, xuíces e secretarios xudiciais, colaboracións administrativas para aqueles estudios orientados ó desenvolvemento do dereito galego; desenvolvemento dos

convenios asinados con outras institucións relacionadas coa materia xudicial, tramitación dos expedientes de axudas económicas que se lles concedan a aquelas institucións que realicen actividades acordes cos fins da Administración de xustiza, normalización lingüística do galego na Administración de xustiza, e demais funcións que, incluídas no ámbito descrito, lle sexan sinaladas.

1.2. Servicio de Obxección de Conciencia.

Desenvolverá as directrices que lle sexan encomendadas pola Subdirección Xeral, correspondéndolle entre outras as seguintes funcións:

-Elaborar e presentar propostas sobre as actividades e programas que sexan de interese preferente para Galicia, para os efectos da prestación social substitutoria.

-Elaborar e xestiona-los concertos da prestación social substitutoria.

-Emitir informe sobre os proxectos e programas presentados polas entidades públicas ou privadas, que tendo o seu ámbito de actuación no territorio de Galicia, pretendan recibir obxectores como colaboradores sociais.

-Realizar labores de información, colaboración e apoio ás administracións locais, así como ó resto das entidades colaboradoras.

-Informa-los mozos sobre a forma de exerce-lo o dereito á obxección de conciencia e á realización da prestación social substitutoria.

2. Subdirección Xeral de Persoal, Medios Materiais e Informática da Administración de Xustiza.

Á Subdirección Xeral do Persoal, Medios Materiais e Informática da Administración de xustiza, correspóndelle, dentro das competencias asumidas pola Xunta de Galicia, executa-las directrices da dirección xeral nas seguintes áreas:

-En materia de persoal:

Exerce-las competencias que, con respecto ó persoal ó servicio da Administración de xustiza, lle correspondan á Comunidade Autónoma, dentro da ordenación xeral que nesta materia se estableza e sempre que non estean atribuídas a outros organismos.

Exerce-las competencias que correspondan en relación co Rexistro de Persoal e a Inspección Xeral de Servicios.

Coidar do cumprimento da lexislación específica en materia de persoal, adoptando ou, se é o caso, propoñendo as medidas precisas para iso, e exercer calquera outra función que lle atribúa a normativa vixente.

A mutua colaboración cos órganos de goberno interno dos tribunais e xulgados.

Formación do persoal ó servivio da Administración de xustiza.

-En materia de relacións sindicais:

Exerce-la representación que lle corresponda, se é o caso, ó departamento nas conversacións e negociacións que se establezan con centrais sindicais, comités ou outros órganos de representación do persoal ó servicio da Administración de xustiza, sen prexuízo das competencas atribuídas a outros órganos.

Representa-lo departamento naqueles órganos ou comisións que deriven de acordos ou convenios alcanzados ou subscritos coa representación do dito persoal, salvo que nestes expresamente se lle atribuíse a outro órgano.

Promover accións e, se é o caso, xestionar servicios de carácter social destinados a mellora-las condicións de traballo do dito persoal, conforme a normativa vixente.

-En materia de medios materiais:

Planificación e coordinación das actuacións encamiñadas á mellor distribución dos recursos que a consellería pon a disposición da Administración de xustiza. Elaboración e seguimento dos programas e proxectos que lle corresponden ó departamento relacionados coa mellora do sistema xudicial, obras, informes e subministracións.

-En materia de informática xudicial:

A elaboración e execución do Plan para a Informatización do Sistema Xudicial de Galicia, así como o deseño, programación e mantemento de aplicacións informáticas, xunto coa prestación de asistencia técnica nesta materia, sen prexuízo das competencias da Dirección Xeral de Organizacións e Sistemas Informáticos da Consellería da Presidencia e Administración Pública.

Para o desenvolvemento das súas funcións contará coas seguintes unidades:

2.1. Servicio de Xestión de Persoal.

Exercerá as directrices que en materia de xestión do persoal e relacións sindicais lle sexan encomendadas pola subdirección xeral, elaborando ademáis os estudios ou propostas correspondentes nos asuntos relacionados co persoal da Administración de xustiza en xeral, segundo as competencias que resultan dos correspondentes regulamentos orgánicos.

2.2. Servicio de Xerencia.

Executará as directrices que lle sexan encomendadas pola subdirección xeral, con especial incidencia no relativo á xestión das nóminas de haberes do persoal da Administración de xustiza, e á xestión do persoal interino e substituto ó servicio da Administración de xustiza.

2.3. Servicio de Medios Materiais e Informática Xudicial.

Desenvolverá as directrices que lle sexan encomendadas pola subdirección xeral en canto á tra

mitación dos expedientes referentes ás materias de colaboración coa Administración de xustiza na achega de medios materiais e investimentos para adecuación dos órganos xudiciais á Lei de demarcación e planta. Así mesmo, a execución do Plan para a Informatización do Sistema Xudicial de Galicia, así como a execución relativa ó deseño, programación e mantemento das aplicacións informáticas e a prestación da asistencia técnica necesaria en coordinación coa Dirección Xeral de Organización e Sistemas Informáticos da Consellería da Presidencia e Administración Pública.

3. Subdirección Xeral de Administración Local.

A Subdirección Xeral de Administración Local exercerá as seguintes funcións:

-A execución das directrices da dirección xeral naquelas materias relacionadas coa organización, bens, servicios, persoal e réxime xurídico das corporacións locais que lle correspondan á Comunidade Autónoma de acordo co Estatuto de autonomía de Galicia, sen prexuízo das competencias que nestas materias lles poidan ser atribuídas a outras consellerías.

-A proposición e xestión de programas conxuntos coas corporacións locais no ámbito propio das competencias que lle correspondan á Consellería de Xustiza, Interior e Relacións Laborais.

-O fomento da normalización lingüística na Administración local.

-A preparación de estudios e proxectos de disposicións xerais en materia de Administración local.

Para cumpri-las súas funcións, contará coas seguintes unidades:

3.1. Servicio de Réxime Xurídico e Asesoramento ás corporacións locais.

Executará as directrices que lle sexan encomendadas pola subdirección xeral, elaborando ademais as propostas correspondentes nos asuntos relacionados coa Administración local na súa materia, tales como a coordinación do control da legalidade dos actos e acordos das corporacións locais, as alteracións de termos municipais, as declaracións de urxente ocupación en materia de expropiación forzosa e outros relacionados como consecuencia das atribucións que nestas materias se establecen na Lei de Administración local de Galicia.

3.2. Servicio de Estudios e Cooperación de Administración Local.

Executará as directrices que lle sexan encomendadas pola subdirección xeral, elaborando ademais os estudios específicos derivados das competencias atribuídas a esta consellería na Lei de Administración local de Galicia; así como as funcións relacionadas coas convocatorias, seleccións e propostas de adxudicación de axudas e subvencións ás entidades locais que sexan competencia desta dirección xeral.

4. Do director xeral dependerá de modo directo e inmediato a seguinte unidade administrativa:

4.1. Servicio de Xestión Económica.

Correspóndenlle as funcións relacionadas coa elaboración do anteproxecto de orzamentos da dirección xeral e a coordinación da xestión económica e orzamentaria dela.

IV. Dirección Xeral de Relacións Laborais.

Artigo 6º

Un.-Correspóndelle á Dirección Xeral de Relacións Laborais a dirección, coordinación, control e execución das competencias da Comunidade Autónoma en materia laboral, seguridade e hixiene no traballo, cooperativas e empresas de economía social, sen prexuízo das competencias atribuídas á Consellería de Familia e Promoción de Emprego, Muller e Xuventude con respecto ó fomento do emprego a través das empresas de economía social, e doutras consellerías na materia de cooperativas.

Dous.-Para o desenvolvemento das súas funcións estructúrase nas unidades que a continuación se relacionan e que terán atribuídas as seguintes funcións:

1. Subdirección Xeral de Traballo.

Á Subdirección Xeral de Traballo correspóndelle a promoción, coordinación, desenvolvemento, control e execución das competencias da Comunidade Autónoma en materia laboral, cooperativas e outras empresas de economía social, así como a modulación das relacións cos axentes sociais.

Así mesmo, correspóndelle a coordinación da elaboración do anteproxecto de orzamentos de gastos da dirección xeral, o seu seguimento e control, así como a elaboración de estatísticas nas materias da súa competencia.

Para o desenvolvemento das súas funcións, contará coas seguintes unidades:

1.1. Servicio de Relacións Laborais ó que lle corresponde:

-A instrucción, tramitación e proposta de resolución dos expedientes de regulación de emprego, e daqueloutros sobre relacións individuais ou colectivas atribuídas á Administración laboral.

-A xestión e tramitación das axudas equivalentes a xubilacións anticipadas e outras análogas a traballadores en empresas en crise non suxeitas a plans de reconversión.

-A tramitación e proposta de resolución dos expedientes sancionadores por infraccións laborais, ata as contías regulamentarias establecidas.

-O depósito, rexistro e publicación de convenios colectivos e acordos colectivos, adhesión e instrucción dos procedementos de extensión de convenios colectivos.

-Depósito de estatutos dos sindicatos e das asociacións empresariais e a expedición de certificación de documentación en depósito.

-Execución e coordinación das funcións que lle corresponden á autoridade laboral en materia de eleccións sindicais.

-A recepción, seguimento e coordinación das declaracións de folgas e peches patronais.

-A xestión e instrucción dos procedementos e o desenvolvemento das funcións de mediación, arbitraxe e conciliación.

-A autorización administrativa e o rexistro das empresas de traballo temporal.

-A xestión das subvencións a centrais sindicais.

-Elaboración de estatísticas de relacións laborais.

-Todos aqueles asuntos ou materias que pola súa natureza análoga lle sexan encomendados.

1.2. Servicio de Cooperativas e Sociedades Laborais ó que lle corresponde:

-A cualificación, inscrición e certificación dos actos que deben acceder ó rexistro xurídico de cooperativas central, e os depósitos relativos ás asociacións de cooperativas.

-A tramitación de expedientes sancionadores por infracción á normativa cooperativa, así como de procedementos de adopción de medidas de intervención temporal e de descualificación de cooperativas.

-A cualificación e inscrición no rexistro administrativo de sociedades laborais e expedición de certificacións.

-A cualificación e inscrición no rexistro administrativo de centros especiais de emprego e expedición de certificacións.

-Información e asesoramento en materia cooperativa e de empresas de economía social, así como o impulso das relacións intercooperativas.

-A coordinación dos rexistros provinciais de cooperativas.

-Planificación, xestión e control das axudas a cooperativas, sociedades laborais e as súas asociacións.

-Execución dos programas de promoción e divulgación do cooperativismo e doutras formas de economía social.

-Elaboración de estatísticas, realización e coordinación de estudios sobre cooperativas e empresas de economía social.

-O desenvolvemento e xestión daqueloutras funcións atribuídas á autoridade laboral na normativa de cooperativas e sociedades laborais.

-Todos aqueles asuntos ou materias que pola súa natureza análoga lle sexan encomendados.

2. Subdirección Xeral de Seguridade e Hixiene no Traballo.

Á Subdirección Xeral de Seguridade e Hixiene no Traballo, correspóndelle a promoción, coordinación, desenvolvemento, control e execución das competencias da Comunidade Autónoma en materia de prevención de riscos laborais, así como o estable

cemento de canles de colaboración e cooperación técnica e institucional con organismos e institucións con competencias na materia, sen prexuízo das competencias que a lexislación vixente lle atribúe á Consellería de Industria e Comercio no referente a traballos en minas, canteiras e túneles que esixan a aplicación da técnica mineira.

Así mesmo, correspóndelle a coordinación das actuacións dos centros provinciais de seguridade e hixiene, de acordo coas políticas establecidas para a prevención de riscos laborais.

Para o desenvolvemento das súas funcións contará co:

2.1. Servicio de Seguridade e Hixiene no Traballo ó que lle corresponde:

-A tramitación, inscrición e seguimento das autorizacións a entidades formativas, para impartir cursos de niveis intermedio e superior de prevención de riscos laborais.

-A tramitación, inscrición e seguimento das autorizacións dos servicios de prevención alleos e auditorías de prevención.

-Elaboración de estatísticas sobre accidentes de traballo e enfermidades profesionais.

-Xestión e seguimento de programas comunitarios en materia de prevención de riscos laborais.

-Execución do orzamento de gasto asignado ó programa de seguridade e hixiene no traballo.

-O exercicio das actividades da Secretaría do Consello Galego de Seguridade e Hixiene no Traballo.

-Todos aqueles asuntos ou materias que pola súa natureza análoga lle sexan encomendados.

V. Dirección Xeral de Interior.

Artigo 7º.

Un.-Á Dirección Xeral de Interior correspóndelle a xestión e maila proposta de resolución dos asuntos transferidos e relacionados coas competencias que lle corresponden estatutariamente á Xunta de Galicia nas materias seguintes:

-Casinos, xogos e apostas.

-Asociacións.

-Espectáculos públicos.

-Baixo a superior autoridade do conselleiro de Xustiza, Interior e Relacións Laborais, exerce-la xefatura dos servicios de seguridade.

-Planificar, xestionar e distribuí-los recursos humanos e materiais destinados á seguridade da Comunidade Autónoma de Galicia.

-Decidir ou propoñer, se é o caso, a resolución das cuestións relativas á selección, formación e perfeccionamento do persoal adscrito ós servicios policiais da Xunta de Galicia.

-Elaborar e propoñe-los plans e proxectos de actuación operativa dos servicios policiais e de xes

tión e planificación adscritos á Dirección Xeral de Interior.

-Establece-las canles apropiadas de cooperación coas forzas e corpos de seguridade do Estado e o seguimento da homoxeneización dos medios técnicos das policías locais.

-Elaborar cantos informes e estudios requira e esixa o exercicio das competencias que lles corresponden á consellería en materia de prevención e seguridade.

-Propoñer e executa-los plans de seguridade da Comunidade Autónoma de Galicia.

-Calquera outra que por disposición legal se lle encomende.

Para o exercicio das súas funcións a Dirección Xeral de Interior estructurarase nas seguintes unidades:

1. Subdirección Xeral de Interior.

A Subdirección Xeral de Interior exercerá as seguintes funcións:

-Execución das directrices emanadas da dirección xeral para o desenvolvemento da xestión administrativa nas materias de casinos, xogos e apostas, a coordinación dos distintos servicios de inspección do xogo e asociacións e espectáculos públicos.

-Tramitación e proposta de resolución nos expedientes administrativos referentes ás materias indicadas anteriormente, así como a execución das resolucións dictadas neles.

-Preparación dos correspondentes estudios e proxectos de disposicións xerais.

-Recompilación de datos estatísticos e demais información regulamentaria nas citadas materias.

Para o desenvolvemento das súas funcións contará coas seguintes unidades:

1.1. Servicio de Xogo.

Executará as directrices que lle sexan indicadas pola subdirección xeral para a xestión dos asuntos e expedientes administrativos relacionados cos distintos sectores do xogo, colaborando na preparación dos informes ou estudios encamiñados á elaboración das propostas de disposición xerais nas citadas materias, así como para a recollida da información estatística das empresas correspondentes e demáis funcións que, incluídas no ámbito respectivo, lle sexan sinaladas.

1.2 Servicio de Asociacións e Espectáculos, ó que lle corresponde:

-A tramitación dos expedientes de inscrición de asociacións.

-A xestión do Rexistro Central de Asociacións, e a súa coordinación cos rexistros provinciais.

-A xestión administrativa en materia de espectáculos públicos e a tramitación dos correspondentes expedientes sancionadores da competencia desta dirección xeral.

2. Subdirección Xeral de Seguridade.

Á Subdirección Xeral de Seguridade correspóndelle:

-A planificación e xestión dos recursos materiais dependentes da Dirección Xeral de Interior.

-A elaboración de propostas de formación e perfeccionamento do persoal de seguridade.

-A elaboración de estudios e análises de políticas preventivas e de plans de previsión sobre política de seguridade autonómica.

-A dirección inmediata dos servicios de seguridade tendentes a:

* Velar polo cumprimento das disposicións e ordes singulares dictadas polos órganos da Comunidade Autónoma de Galicia.

* A vixilancia e protección de persoas, órganos, edificios, establecementos e dependencias da Comunidade Autónoma e dos seus entes instrumentais, garantindo o normal funcionamento das instalacións e a seguridade dos usuarios dos seus servicios.

* A inspección das actividades sometidas á ordenación e disciplina da Comunidade Autónoma de Galicia.

* O uso da coacción dirixida á execución forzosa dos actos ou disposicións da Comunidade Autónoma de Galicia.

-O estudio, programación, coordinación e control dos plans operativos de seguridade que se estructuren no apoio das actuacións da Comunidade Autónoma de Galicia.

-A organización, selección, distribución e control dos recursos en función dos plans e servicios que se determinen.

-O desenvolvemento das tarefas de cooperación operativa dos corpos de seguridade dependentes doutras administracións e con outras entidades e institucións públicas e privadas.

Para o exercicio de tales funcións contará coa seguinte unidade:

2.1. Servicio de Planificación e Xestión, ó que lle corresponde:

-A planificación e xestión dos recursos materiais dependentes da Dirección Xeral de Interior.

-O seguimento da homoxeneización dos medios técnicos das policías locais de Galicia.

-Os estudios e análises de política preventiva.

-A elaboración de plans e previsións sobre política de seguridade autonómica.

-A elaboración de propostas de formación e perfeccionamento do persoal de seguridade dependente da Xunta de Galicia.

-Estudiar, programar e propoñe-los plans operativos de seguridade, que se estructuren en apoio das actuacións da Comunidade Autónoma de Galicia.

-Formula-las propostas necesarias para a organización, selección, distribución e control dos recursos en función dos plans e servicios que se determinen.

-Desenvolve-las tarefas que se lle encomenden en relación cos corpos de seguridade dependentes doutras administracións, e con outras entidades e institucións públicas e privadas.

VI. A Dirección Xeral de Protección Civil.

Artigo 8º

Un.-A Dirección Xeral de Protección Civil é o centro directivo encargado da xestión das competencias que en materia de protección civil ten atribuída a Comunidade Autónoma de conformidade co disposto na Lei 2/1985, do 21 de xaneiro, no Real decreto 407/1992, do 24 de abril, o Plan Territorial de Protección Civil de Galicia, aprobado polo Consello da Xunta de Galicia do 14 de xullo de 1994 e homologado pola Comisión Nacional de Protección Civil o 30 de setembro de 1994, o acordo do Consello da Xunta do día 1 de outubro de 1997 polo que se establece como centro de recepción de chamadas a central de emerxencia SOS-Galicia do Servicio de Atención de Chamadas de Urxencia 112, e demais normativa estatal e autonómica, así como as que se prevén no Acordo do 15 de novembro de 1990, subscrito entre o Consello de Seguridade Nuclear e a Xunta de Galicia, relativo á encomenda de funcións prevista na Lei 15/1980, do 22 de abril, en relación coa materia de vixilancia e protección radiolóxica.

Dous.-A Dirección Xeral de Protección Civil exercerá as seguintes funcións:

1. En materia de protección civil:

-A planificación das correspondentes accións que cómpre que desenvolva a Comunidade Autónoma galega.

-A elaboración dos plans territoriais e especiais que se indican na norma básica de protección civil, no seu ámbito competencial.

-A coordinación e, se é o caso, a dirección dos plans de protección civil indicados no punto anterior, así como a coordinación, a nivel preventivo e operativo, de tódolos medios e recursos que posúen os organismos e institucións dependentes da Xunta de Galicia nesta materia, así como doutras administracións públicas nos casos que corresponda.

-A preparación dos convenios de cooperación coa Administración estatal, autonómica e maila local, e de colaboración con aquelas institucións e organismos privados que estean relacionados coa protección civil.

-A realización e fomento das actividades formativas e divulgativas que contribúan ó perfeccionamento técnico e á eficacia operativa en materia de protección civil, así como o obxectivo de mentalización da poboación no campo da autoprotección

e a protección civil, en colaboración coa Academia Galega de Seguridade.

-As relacións da Administración autonómica con outras administracións públicas e organizacións nacionais e internacionais, en cuestións relativas á protección civil e á emisión de informes, cando proceda, nos temas relacionados coas ditas cuestións.

-O apoio administrativo e técnico á Comisión de Protección Civil da Comunidade Autónoma de Galicia, executando os acordos e desenvolvendo as propostas que esta estableza.

-A cooperación nas operacións relacionadas con accidentes que teñan lugar no mar, sen repercusión na costa e terra firme, sen prexuízo das competencias que nesta materia ten atribuídas a Consellería de Pesca, Marisqueo e Acuicultura.

-A planificación, coordinación e xestión do Servicio Único de Emerxencias da Unión Europea 112.

-A planificación e coordinación dos plans e programas dos servicios contraincendios e salvamento local sen prexuízo das competencias atribuídas por lei, ás administracións locais.

-A planificación, coordinación e promoción da seguridade vial naquelas competencias que lle corresponda.

2. En materia de vixilancia radiolóxica:

-O desenvolvemento das funcións encomendadas polo Consello de Seguridade Nuclear á Xunta de Galicia.

Tres.-A Dirección Xeral de Protección Civil para o exercicio das súas funcións e competencias, estructúrase nas seguintes unidades administrativas:

1. Subdirección Xeral de Protección Civil.

1.1. Á Subdirección Xeral de Protección Civil correspóndelle o exercicio das seguintes funcións:

-A organización, a nivel central e provincial, das actividades específicas de protección civil, tanto no aspecto preventivo como operativo.

-A coordinación dos comités operativos de protección civil da Xunta de Galicia e dos medios e recursos intervenientes que sexan necesarios en operativos e plans de protección civil de competencia da Comunidade Autónoma de Galicia.

-A elaboración do anteproxecto do orzamento anual, así como o seu control, seguimento e avaliación.

-A coordinación, seguimento e avaliación das accións contidas no programa de actuación da dirección xeral.

-A promoción dos estudios necesarios para a realización do inventario de riscos e o catálogo de medios e recursos da Comunidade Autónoma de Galicia e a súa actualización permanente.

-A información e asesoramento sobre tódolos asuntos relacionados coa protección civil, especialmente no que se refire á normativa legal e bases técnicas.

-A coordinación e fomento da elaboración dos plans de protección civil previstos na norma básica de protección civil, propoñendo a elevación para a súa aprobación e homologación pola autoridade correspondente así como a coordinación e fomento da elaboración de plans específicos e especiais de protección civil de ámbito territorial, provincial e local.

-A programación e deseño de actividades de carácter formativo e divulgativo en materia de protección civil que contribúan ó perfeccionamento técnico, á posta a punto operativa, así como á formación dunha conciencia na poboación no campo da protección civil e da autoprotección.

-A planificación, programación e coordinación dos sistemas de telecomunicacións e informáticos de protección civil, dependentes da dirección xeral.

-A coordinación, control e avaliación das actuacións en materia de protección civil realizadas pola dirección xeral e polas xefaturas provinciais.

-A supervisión da execución das funcións encomendadas polo Consello de Seguridade Nuclear á Xunta de Galicia.

-Xestión do Servicio Único de Emerxencias da Unión Europea 112.

-A execución dos programas en servicios contraincendios e salvamento locais encomendados pola dirección xeral.

-A programación e deseño das actividades de carácter preventivo, formativo e divulgativo na mellora da seguridade vial.

1.2. A Subdirección Xeral de Protección Civil estructúrase nas seguintes unidades administrativas:

Servicio de Planificación.

Servicio de Información e Formación.

Servicio de Vixilancia Radiolóxica.

Servicio de Sistemas de Información e Comunicacións.

1.2.1. Servicio de Planificación.

Terá encomendadas as seguintes funcións:

-A preparación do inventario de riscos e catálogo de medios e recursos, públicos e privados, da Comunidade Autónoma de Galicia.

-A elaboración dos plans de protección civil que realice a dirección xeral así como o seu mantemento e implementación.

-A elaboración de informes técnicos de avaliación de plans de protección civil, para a súa aprobación e homologación, cando corresponda, polo órgano competente.

-A tramitación da axuda económica e asistencia técnica ós concellos, para a realización dos correspondentes plans básicos e sectoriais de emerxencia municipal.

-A realización do programa de equipamento e insfraestructuras de protección civil.

-A promoción de equipamentos de protección civil ós concellos de Galicia, así como a realización de infraestructuras relacionadas coa protección civil, e o correspondente apoio técnico e económico.

-O asesoramento e colaboración nos convenios e acordos que poidan establecerse en materia de protección civil.

-A realización e promoción de estudios sobre o desenvolvemento de coñecementos técnicos e bases de actuación en materia de protección civil.

1.2.2. Servicio de Información e Formación.

Realizará as seguintes funcións:

-A promoción das asociacións e agrupacións de voluntarios de protección civil e o correspondente apoio técnico e económico.

-O control e xestión dos rexistros relacionados coas agrupacións, asociacións e entidades colaboradoras de protección civil regulamentariamente establecidos pola dirección xeral.

-A promoción e a coordinación dos cursos, xornadas e seminarios que organice a Administración autonómica en materia de protección civil.

-O fomento da autoprotección cidadá e corporativa, a través da programación de campañas divulgativas.

-A coordinación e execución de publicacións relacionadas coa protección civil.

-A execución e elaboración da información relativa á protección civil da dirección xeral, así como a realización das correspondentes memorias.

-A elaboración de estatísticas sobre protección civil.

-A preparación e elaboración de material de formación que se impartirá en protección civil.

-A realización e mantemento dun banco de datos relativo á información, material técnico audiovisual e a biblioteca de protección civil.

1.2.3. Servicio de Vixilancia Radiolóxica.

Exercerá as seguintes funcións:

-A elaboración do censo de instalacións de raios X con fins médicos, e dos seus correspondentes equipos.

-A inspección de instalacións radioactivas. Realización das inspeccións necesarias para o control das instalacións radioactivas de segunda e terceira categoría, que comprende as fases de construcción, posta en marcha, funcionamento, modificación, clausura. Realización das inspeccións que sexan necesarias para o control das instalacións de raios X con fins médicos. Realizacións das inspeccións que sexan necesarias por razóns especiais ou denuncia, así como aqueloutras que encargue expresamente o Consello de Seguridade Nuclear.

-A inspección do transporte de materiais radioactivos, incluídos os residuos radioactivos que se orixinen en Galicia.

-As análises e avaliacións relacionadas coa protección radiolóxica nas instalacións radioactivas. As propostas de actuacións correctoras e de preparación, sé é o caso, de propostas de sanción. Daráselle conta ó Consello de Seguridade Nuclear das ditas actuacións correctoras.

-A vixilancia radiolóxica ambiental no ámbito territorial de Galicia, de acordo cos programas que para este fin ten establecidos e aprobados o Consello de Seguridade Nuclear.

1.2.4. Servicio de Sistemas de Información e Comunicacións.

Terá as seguintes funcións:

-A organización e xestión dos sistemas de comunicacións e informáticos das centrais, centros de comunicación e de coordinación operativos, dependentes da dirección xeral.

-A execución e xestión do programa de telecomunicacións e informática da dirección xeral.

-A coordinación con outros organismos públicos e privados das comunicacións e dos sistemas informáticos en materia de protección civil.

-O control e avaliación dos equipos de comunicacións e informáticos da dirección xeral.

-A coordinación e xestión dos equipos de comunicacións en operativos e plans de protección civil, así como das centrais e centros de transmisións e/ou comunicacións, dependentes da dirección xeral.

-O mantemento e supervisión das infraestructuras e bases informáticas da dirección xeral.

VII. As delegacións provinciais.

Artigo 9º

En cada unha das provincias da Comunidade Autónoma existirá unha delegación da consellería na que se integrarán tódalas unidades de carácter provincial ou territorial situadas no seu ámbito.

Á fronte de cada delegación provincial existirá un delegado, que terá ademais das competencias e funcións previstas no Decreto 5/1987, do 14 de xaneiro, as derivadas en virtude dos decretos 87/1990 e 88/1990, ámbolos dous do 15 de febreiro, así como aquelas que lle sexan especial ou singularmente encomendadas.

Do delegado provincial dependerán tódolos servicios, unidades ou centros da consellería que radiquen no ámbito da súa competencia territorial.

1. Para o cumprimento dos seus cometidos, a delegación provincial contará coas seguintes unidades con nivel orgánico de servicio:

1.1. Secretaría da Delegación.

Baixo a autoridade e supervisión do delegado, correspóndelle o exercicio das funcións relativas ó réxime interior, a tramitación administrativa, xestión

de persoal, rexistro xeral, información ó público, elaboración do anteproxecto de orzamentos da delegación, e administración, control contable e xustificación dos créditos que se lle asignen; elaboración de estatísticas dos demais servicios da delegación provincial e, en xeral, prestarlle asesoramento e asistencia técnica e administrativa ó delegado, e substituílo nos casos de enfermidade, ausencia ou vacante.

1.2. Servicio de Xustiza e Administración local.

Desenvolverá as funcións propias da Dirección Xeral de Xustiza e Administración local no respectivo ámbito provincial.

1.3. Servicio de Relacións Laborais.

Desenvolverá as funcións propias da Dirección Xeral de Relacións Laborais no respectivo ámbito provincial, en materia de relacións laborais.

1.4. Xefe da Área de Seguridade e Hixiene.

Desenvolverá as funcións propias da Dirección Xeral de Relacións Laborais no respectivo ámbito provincial en materia de seguridade e hixiene.

1.5. Servicio de Interior.

Desenvolverá as funcións propias da Dirección Xeral de Interior no respectivo ámbito provincial en materia de interior.

1.6. Servicio de Protección Civil.

Desenvolverá as funcións propias da Dirección Xeral de Protección Civil no respectivo ámbito provincial, así como a asistencia ó delegado en temas de protección civil, cando sexa requirida.

2. Non obstante o disposto no número 1 deste artigo, números 2 e 5, nas delegacións provinciais de Ourense e Lugo existirá un único servicio que se denominará Servicio de Xustiza, Administración local e interior, que exercerá no respectivo ámbito provincial as competencias correspondentes á Dirección Xeral de Xustiza e Administración local e á Dirección Xeral de Interior. Na Delegación Provincial de Pontevedra, o Servicio de Interior terá a súa sede na capital desta provincia.

VIII. Os órganos colexiados.

Artigo 10º

Adscritos á consellería existirán os órganos colexiados seguintes:

1. A Comisión Superior para o Estudio e Desenvolvemento do Dereito galego, creada polo Decreto 71/1984, do 23 de febreiro.

2. A Comisión do Xogo de Galicia, creada pola Lei 14/1985, do 23 de outubro, e regulada polo Decreto 192/1988, do 21 de xullo.

3. A Comisión de Heráldica, creada polo Decreto 258/1992, do 10 de setembro.

4. O Consello Galego de Seguridade e Hixiene no Traballo, regulado polo Decreto 449/1996, do 26 de decembro.

5. A Comisión Galega de Obxección de Conciencia creada polo Decreto 41/1995, do 3 de febreiro.

6. A Comisión de Coordinación das Policías Locais de Galicia, creada pola Lei 3/1992, do 23 de marzo, regulada nesta mesma lei e no Decreto 160/1992, do 18 de xuño.

7. O Consello Asesor de Asistencia Xurídica Gratuíta de Galicia, creado polo Decreto 146/1997, do 22 de maio.

8. O Consello Rector da Academia Galega de Seguridade creada pola Lei 4/1992, do 9 de abril, regulada polo Decreto 161/1992, do 18 de xuño.

9. A Comisión Galega de Protección Civil, que é o órgano colexiado de coordinación e cooperación entre a Administración da Comunidade Autónoma galega e as restantes administracións públicas, para o desenvolvemento de tódalas actuacións preventivas, en materia de protección civil, que atinxan ó territorio da Comunidade Autónoma de Galicia, de acordo co establecido no Decreto 208/1993, do 3 de setembro, e no Decreto 168/1994, do 3 de xuño.

A natureza destes órganos colexiados, cometidos, composición e funcións son as establecidas nas respectivas normas reguladoras.

Disposición Adicionais

Primeira.-A Consellería de Xustiza, Interior e Relacións Laborais, exercerá as funcións asignadas á extinta Consellería de Traballo e Benestar Social pola Lei 7/1988, do 12 de xullo, de creación do Consello Galego de Relacións Laborais, órgano institucional entre sindicatos e asociacións empresariais, e órgano consultivo e asesor da Comunidade Autónoma nas materias relativas a súa política laboral.

Baixo a dependencia do presidente, e do secretario do Consello, este estructúrase na seguinte unidade administrativa:

Servicio Xurídico e de Solución de Conflictos, ó que lle corresponden as seguintes funcións:

-Coordinación da elaboración dos dictames sobre proxectos normativos que sexan remitidos ó consello e dos estudios necesarios para a realización deles.

-Coordinación dos informes e estudios que sexan requiridos polo Pleno ou Comisión Permanente ou elaborados por propia iniciativa do consello.

-Asesoramento en materia laboral dentro do marco do consello.

-Coordinación xurídica e administrativa do Servicio de Solución de Conflictos (órgano xestor do Acordo Interprofesional Gelego sobre Solución Extraxudicial de Conflictos Colectivos de Traballo -AGA- DOG do 8 de abril de 1992 e 4 de maio de 1995) que, entre outras, implica:

* Relación e comunicación cos mediadores-conciliadores e árbitros do AGA.

* Responsabilidade en canto á correcta tramitación administrativa dos distintos procedementos previstos no AGA.

* Realización das oportunas xestións en canto á facilitación dos medios materiais e persoais que sexan necesarios para xestiona-lo conflicto.

* Desprazamento ó lugar do conflicto para a realización das xestións administrativas esixidas polos distintos procedementos.

* Mantemento do sistema informático do AGA e dos seus resultados estatísticos, así como o mantemento e custodia do arquivo das distintas actuacións.

* Relación e comunicación coas organizacións asinantes do acordo e cos membros da súa comisión paritaria.

Segunda.-As competencias que este decreto lles atribúe ós órganos da Consellería de Xustiza, Interior e Relacións Laborais entenderase sen prexuízo das atribuídas ó Instituto Galego de Estatística e exerceranse de acordo coas directrices previstas nas leis reguladoras da estatística e no Plan galego de estatística.

Disposición transitoria

Cando, como consecuencia da estructura orgánica que se establece no presente decreto, se modifique a denominación ou contido das subdireccións ou servicios existentes con anterioridade, ou se supriman algunhas das devanditas unidades, autorízase o conselleiro de Xustiza, Interior e Relacións Laborais, por proposta do secretario xeral, a readscribi-lo persoal afectado a postos do mesmo nivel ou inferior, sempre que sexan postos de libre designación, ou a adscribilo, con carácter temporal, a postos de inferior nivel, se se tratase de prazas de provisión por concurso, ata que, neste último caso, os ditos postos sexan cubertos da forma regulamentariamente establecida, sen que, en ningún caso, a readscrición ou adscrición supoñan cambio de residencia, todo isto sen prexuízo do disposto no artigo 27.5º e 62.4º da Lei da función pública de Galicia e na Lei 9/1987, do 12 de maio, de órganos de representación, determinación das condicións de traballo e participación do persoal ó servicio das

administracións públicas, así como das competencias que poida ter atribuídas nesta materia a Consellería da Presidencia e Administración Pública.

Disposición derrogatoria

Quedan derrogadas cantas disposicións de igual ou inferior rango se opoñan ó disposto no presente decreto.

Disposicións derradeiras

Primeira.-Facúltase o conselleiro de Xustiza, Interior e Relacións Laborais para dictar cantas disposicións sexan necesarias para o desenvolvemento e execución do presente decreto.

Segunda.-Este decreto entrará en vigor o día seguinte ó da súa publicación no Diario Oficial de Galicia.

Santiago de Compostela, dez de xullo de mil novecentos noventa e oito.

Manuel Fraga Iribarne

Presidente

Jesús C. Palmou Lorenzo

Conselleiro de Xustiza, Interior e Relacións Laborais

7322