Visto o expediente do convenio colectivo para a empresa Pérez Leirós, S.A. Xoane, que tivo entrada nesta delegación provincial o día 9-6-1998, subscrito en representación da parte económica por unha representación da empresa, e da parte social, polo comité de empresa, con data do 21-5-1998, de conformidade co disposto no artigo 90.2º e 3º, do Real decreto lexislativo 1/1995, do 24 de marzo, polo que se aproba o texto refundido da Lei do Estatuto dos traballadores, Real decreto 1040/1981, do 22 de maio, sobre rexistro e depósito de convenios colectivos de traballo e Real decreto 2412/1982, do 24 de xullo, sobre traspaso de funcións e servicios da Administración do Estado á Comunidade Autónoma de Galicia, en materia de traballo, esta delegación provincial,
ACORDA:
Primeiro.-Ordena-la súa inscrición no libro de rexistro de convenios colectivos de traballo desta delegación provincial e a notificación ás representacións económica e social da comisión negociadora.
Segundo.-Ordena-lo seu depósito no Servicio de Relacións Laborais, Sección de Mediación, Arbitraxe e Conciliación.
Terceiro.-Dispoñe-la súa publicación no Diario Oficial de Galicia.
Vigo, 15 de xuño de 1998.
Antonio Coello Bufill
Delegado provincial de Pontevedra
Convenio colectivo de ámbito de empresa Pérez Leiros, S.A. Xoane.
Artigo 1º.-Ámbito de aplicación.
Este convenio colectivo será de aplicación a tódolos traballadores que presten servicios na empresa Pérez Leirós, S.A., sita no Porriño, lugar de Tunes Atios (Pontevedra), dedicada á fabricación de mobiliario de cociña, séndolle de aplicación a Ordenanza laboral para as industrias da madeira, así como a todo aquel que ingrese no futuro durante a súa vixencia, e por extensión, a calquera lugar onde o persoal realice traballo por conta da empresa.
Artigo 2º.-Efectos económicos.
Os efectos económicos do presente convenio comezarán a rexer a partir do 1 de xaneiro de 1998.
Artigo 3º.-Vixencia e duración.
Este convenio colectivo de empresa ten unha duración de 1 ano, finalizando o 31-12-1998. Ó cumprirse a data do seu vencemento, o convenio colectivo
prorrogarase tacitamente de ano en ano, de non mediar denuncia por calquera de ámbalas dúas partes, cunha anticipación mínima de 1 més á data do seu vencemento.
Artigo 4º.-Condicións máis beneficiosas.
Respectaranse as condicións máis beneficiosas cás asinadas neste convenio, manténdose o dito respecto de xeito estrictamente ad personam.
Artigo 5º.-Xornada de traballo.
A xornada de traballo será de 7 a 15 horas tódolos días laborables do ano, de luns a venres, con 15 minutos de descanso para cada unha das xornadas citadas, que terán a consideración de traballo efectivo, o que supón para 1998 225 días de traballo e 1.800 horas, segundo o calendario laboral que se achega con este convenio no anexo V.
O traballador ou traballadora que, por calquera circunstancia, se incorpore despois de iniciada a xornada, poderá comezar a traballar de xeito i nmediato e sen necesidade de esperas.
Artigo 6º.-Vacacións.
Todo o persoal desfrutará de 30 días naturais de vacacións durante o ano, se estas se desfrutan en 1 único período. Se as vacacións se desfrutan en máis de 1 período, o número de días que se desfrutrarán será de 21 días laborables.
O persoal que ingrese ou cese na empresa no transcurso do ano, e non teña completado 1 ano de servicios, desfrutará da parte proporcional respectivamente ó tempo transcorrido entre o ingreso e o 31 de decembro, ou o tempo transcorrido desde o 1 de xaneiro á data do seu cesamento.
No último suposto e de ter disfrutado máis días dos que lle corresponde, o exceso seralle deducido do importe da liquidación.
As vacacións serán retribuídas en función da media do salario e complementos salariais obtidos polo traballador durante os tres meses traballados anteriores ó seu desfrute na xornada ordinaria de traballo.
Artigo 7º.-Horas extraordinarias.
As partes asinantes deste convenio coinciden nos efectos positivos que poidan derivarse dunha política social solidaria conducente á supresión das horas extraordinarias habituais. A este respecto acórdase da-lo seguinte tratamento ós distintos tipos de horas extraordinarias.
A) As horas extraordinarias serán de libre ofrecemento por parte da empresa e de libre aceptación pola parte do traballador.
B) Horas extraordinarias que veñan esixidas pola necesidade de reparar sinistros e outros danos extraordinarios e urxentes, así como no caso do risco de perdas de materia prima: realización.
C) Horas extraordinarias polos pedidos imprevistos ou períodos punta de producción, ausencias impre
vistas, trocos de quendas e outras circunstancias de carácter estructural, derivadas da natureza da actividade da que se trate: mantemento, sempre que non poidan ser substituídas pola utilización das distintas modalidades de contratación previstas legalmente.
A dirección da empresa informará mensualmente o comité de empresa sobre o número de horas extraordinarias realizadas, especificando as causas e, se é o caso, a distribución por seccións.
Artigo 8º.-Permisos e licencias.
As licencias e permisos que a empresa poderá concederlles ós traballadores serán os que se recollen no cadro de licencias, ausencias e facilidades concedidas ós traballadores, unido como anexo I ó presente convenio.
Para os efectos de interpretación, a hospitalización entenderase sempre como enfermidade grave.
A empresa concederá licencia non retribuída durante 1 día como máximo ó ano, sempre que se solicite con tres días de anticipación, como mínimo, antes da data do seu desfrute e non concorra a solicitude e licencia coa doutro traballador da mesma sección ou departamento.
Artigo 9º.-Excedencias.
Os traballadores poderán desfrutar dun período de excedencia non superior a tres anos, para atender o coidado de cada fillo, contado desde a data de nacemento deste. Os sucesivos fillos darán dereito a un novo período de excedencia que, se é o caso, porá fin ó que se viñera disfrutando. Cando o pai e maila nai traballen, só un deles poderá exercer este dereito.
O traballador con antigüidade na empresa de alomenos 1 ano ten dereito a que se lle recoñeza a posibilidade de situarse en excedencia voluntaria por un prazo non menor de 2 anos e non maior de 5 anos. Este dereito só poderá ser exercido outra vez polo mesmo traballador se transcorreron catro anos desde o final da anterior excedencia.
O reingreso en ámbolos supostos da excedencia deberá solicitarse con 1 mes de anticipación ó prazo do seu cumprimento, producíndose o ingreso na mesma categoría que ostentaba, e no posto que nese momento designe o empresario, de acordo coas facultades que a lei lle outorgue.
Artigo 10º.-Servicio militar.
Durante o cumprimento do servicio militar voluntario ou obrigatorio, ou servicio substitutorio, o traballador terá dereito á reserva do posto de traballo polo tempo de duración daquel, debendo reincorporarse ó posto de traballo no prazo máximo de 30 días naturais a partir da cesación no servicio militar ou substitutorio.
Durante o tempo de súa permanencia no servicio militar ou substitutorio, o traballador terá o dereito a percibi-las gratificacións extras de xuño, nadal e outubro.
Artigo 11º.-Acordos sobre os incrementos de retribucións para o ano 1998.
A) Acrecéntanse o salario base e os seus complementos nun 3% respecto dos valores vixentes o 31-12-1997.
Os valores resultantes da aplicación das respectivas porcentaxes ditas son os que se recollen para cada concepto e categoría nos anexos II e III deste convenio.
B) Os salarios e complementos salariais que se fixaron no presente convenio son os que figuran salientados nos anexos II e III del.
Os valores de tódolos conceptos retributivos que se establecen no presente convenio son valores brutos; deles deduciránse as cargas fiscais e de Seguridade Social, ou calquera outro concepto que legalmente proceda, que sexan a cargo do traballador.
Artigo 12º.-Pagamento de nóminas.
O pagamento das nóminas realizarase mensualmente. Non obstante, o persoal poderá solicitar, coa debida anticipación, anticipos a conta dos seus haberes devengados.
Artigo 13º.-Antigüidade.
O persoal desta empresa terá dereito á percepción dun premio de antigüidade consistente en quinquenios dun 5%.
Computarase para estes efectos todo o tempo de servicios continuados na empresa.
A acumulación dos incrementos da antigüidade non poderá sobrepasar, en ningún caso, o 60% do salario base.
Artigo 14º.-Gratificacións.
Establécese para tódolos traballadores afectados por este convenio o dereito a percibiren tres gratificacións extraordinarias, consistentes en 30 días de salario base máis o plus de actividade, incentivos e antigüidade, se é o caso. Unha no mes de xuño, outra no mes de outubro e outra no nadal, facéndose efectiva non máis tarde do día 20 de cada un dos devanditos meses.
A contía dos incentivos nas gratificacións extraordinarias fixarase segundo as seguintes fórmulas:
Para o persoal obreiro, en función da media obtida por tal concepto nos tres meses anteriores a cada unha das respectivas gratificacións. Para o persoal empregado, en función da contía mínima que por tal concepto teña asignada cada categoría.
As devanditas gratificacións percibiranse en función dos días traballados, considerándose como tales as licencias retribuídas.
Artigo 15º.-Plus de actividade.
Establécese para todo o persoal desta empresa un complemento salarial que se denominará plus de actividade.
O plus de actividade devengarase segundo as contías que se especifican no anexo III para cada categoría.
Artigo 16º.-Plus de puntualidade.
Establécese para o persoal desta empresa un complemento salarial coa denominación de plus de puntualidade.
O plus de puntualidade devengarase por día efectivamente traballado e nas contías que se especifican no anexo III para cada categoría.
Artigo 17º.-Plus de orde.
Establécese para todo o persoal desta empresa un complemento salarial coa denominación de plus de orde.
O plus de orde devengarase por día efectivamente traballado e nas contías que se especifican no anexo III para cada categoría.
Artigo 18º.-Plus de asistencia.
Establécese para todo o persoal desta empresa un complemento salarial coa denominación de plus de asistencia.
O plus de asistencia devengarase por día efectivamente traballado e nas contías que se especifican no anexo III para cada categoría.
Artigo 19º.-Plus de transporte.
Establécese para todo o persoal desta empresa un complemento salarial que se denominará plus de transporte.
O plus de transporte percibirase por día efectivamente traballado na contía de 391 ptas. por día.
Artigo 20º.-Prima ou incentivos á producción.
Esta empresa, seguindo os principios xerais da organización científica do traballo, establece, para todo o seu persoal obreiro un sistema de incentivos con aliciente dabondo para a súa obtención e que os compense do esforzo realizado.
O dito incentivo fundaméntase no sistema Bedaux implantado nesta empresa desde hai varios anos.
Para cada un dos grupos de persoal citado, a aplicación do sistema de incentivos establécese como segue:
-Persoal obreiro controlado: no cadro 1º do anexo IV inclúense en pesetas os valores correspondentes á actividade de 60 puntos Bedaux, así como o valor punto que supere a actividade equivalente a 60 puntos Bedaux, correspondentes a cada categoría profesional.
-Persoal obreiro non controlado: este persoal percibirá a prima ou incentivo á producción conforme a actividade media obtida na factoría ou a que teña recoñecida como actividade media acadada individualmente, e segundo os mesmos valores recollidos no cadro 1º do anexo IV.
O persoal non controlado devengará este complemento por día efectivamente traballado.
O persoal administrativo precibirá, nos termos e condicións previstos neste artigo, a prima ou incen
tivo á producción no valor e contía equivalente á correspondente á categoría de peón.
Artigo 21º.-Supostos especiais para as categorías de administrativos e técnicos.
O resultado da suma das cantidades percibidas polos conceptos dos artigos 16º, 17º e 18º polo persoal administrativo e técnico e do artigo 20º polo persoal administrativo, serán compensables e absorbibles cos que actualmente viñeran devengando polo concepto de prima mensual.
Para o persoal administrativo, a cantidade correspondente ó incentivo á producción antes dito percibiráse así mesmo nas gratificacións extraordinarias soamente no caso de que a súa contía resultase superior á prevista con carácter xeral no artigo 14 deste convenio colectivo, para o persoal empregado.
Para o persoal técnico, aquel que cobre prima mensual terá garantido que a compensación prevista neste artigo non supoña mingua nas pagas extraordinarias.
En calquera caso, garantirase que, como mínimo, se perciban polo dito concepto os importes que con anterioridade á aplicación deste artigo viñeran percibindo.
Artigo 22º.-Actividade sindical na empresa.
O comité de empresa terá as seguintes garantías:
Expresar, colexiadamente e con liberdade, as súas opinións en materias concernentes á esfera da súa representación, podendo publicar e distribuír, logo de comunicación á empresa, sen perturba-lo normal desenvolvemento do traballo, as publicacións de interese laboral ou social. Para tal obxecto, a empresa facilitaralle ó comité un taboleiro de anuncios no que poidan difundir aqueles avisos que lles interesen ós traballadores en xeral, logo de coñecemento da dirección da empresa.
Competencias:
1) Emitir informe, dentro dos prazos legais, previamente á execución por parte da empresa das decisións que esta adopte sobre as seguintes materias:
-Reestructuración do cadro de persoal e expedientes de suspensión ou extinción de contratos por causas tecnolóxicas ou económicas.
-Reducción da xornada ou traslado total ou parcial das instalacións da empresa.
-Implantación ou revisión dos sistemas de organización e control do traballo.
-Estudio de tempos, establecemento dos sistemas de primas ou incentivos e valoración dos postos de traballo.
2) Ser informado de tódalas sancións impostas ós traballadores por faltas moi graves.
3) Coñece-los modelos do contrato de traballo escrito que se utilicen na empresa, así como os mode
los de documentos relativos ó remate da relación laboral.
4) Exercer un labor de vixilancia e control das condicións de seguridade e hixiene no desenvolvemento do traballo na empresa segundo teor do previsto no artigo 19º do Estatuto dos traballadores.
5) Cada un dos membros do comité disporán dun crédito de 15 horas mensuais retribuídas, para o exercicio das súas funcións de representación. Tales horas poderán acumularse en 1 ou máis membros do comité de empresa, logo de notificación á dirección da empresa, dentro dos 15 días anteriores á iniciación da dita acumulación.
Artigo 23º.-Asembleas.
A celebración das asembleas do persoal axustarase ó que dispoña a lexislación vixente na materia. En todo caso, comunicaráselle á dirección da empresa cunha anticipación mínima de 48 horas á súa convocatoria, achegando a orde do día.
Todo o persoal da empresa disporá cada ano de 2 horas retribuídas da súa xornada laboral para asistencia a unha asemblea. As ditas 2 horas deberán empregarse de xeito continuado.
Artigo 24º.-Recoñecementos médicos.
Previamente ó ingreso definitivo na empresa, todo productor deberá someterse a un recoñecemento médico, coas probas pertinentes, a superación das cales será condición indispensable para o ingreso.
Con independencia do anteriormente exposto, tódolos traballadores da empresa estarán na obriga de sometérense ós recoñecementos médicos periódicos anuais que a empresa lles indique e serán informados do seu resultado.
Artigo 25º.-Roupa de traballo.
A empresa entregaralle con carácter obrigatorio, cada ano, ó persoal que o precise polo seu posto de traballo, dúas fundas que deberán reunir calidade dabondo para que cumpran o fin para o que foron adxudicadas. Unha delas entregarase no primeiro mes do primeiro semestre e a outra no primeiro mes do segundo semestre do ano. A funda do segundo semestre substituirase por un pantalón e unha camisa.
Artigo 26º.-Protección da saúde laboral.
Os traballadores da sección de pintura terán dereito a unha asignación periódica de leite, que deberán consumir no posto de traballo.
Artigo 27º.-Extinción do contrato por invalidez do traballador.
Para os efectos do previsto no punto 5 do artigo 49 do Estatuto dos traballadores, en relación co suposto da invalidez permanente total do traballador, a empresa fai expresa renuncia á aplicación daquel, non extinguindo ó contrato de traballo ó traballador afectado por tal grao de invalidez, sempre que non
exceda o número de afectados en máis dun 5% da totalidade do cadro de persoal.
Artigo 28º.-Xubilación anticipada ós 64 anos.
Todo traballador que, cumpridos os 64 anos, desexe acollerse ó disposto no R.D. 1194/1985, en materia de xubilación anticipada, deberá solicitalo á empresa, a cal deberá cumpri-lo disposto no devandito real decreto, para os efectos de que o traballador solicitante poida xubilarse ós 64 anos sen mingua dos seus dereitos económicos.
Artigo 29º.-Xubilación obrigatoria.
A xubilación será obrigatoria ós 65 anos, sempre que o traballador ou traballadora cumpra os requisitos mínimos para acceder á xubilación.
Artigo 30º.-Póliza de seguro colectivo.
A empresa contratará unha póliza de seguro para todo o persoal, que cubrirá as seguintes indemnizacións nos casos de accidente:
Morte: 1.000.000 de ptas.
Invalidez permanente total: 2.000.000 de ptas.
Invalidez permanente absoluta e gran invalidez: 3.000.000 de ptas.
A todo o persoal entregaráselle copia da póliza subscrita.
O disposto no presente artigo será independente das obrigas que a empresa teña en materia de Seguridade Social.
A data de entrada en vigor na aplicación das indemnizacións anteriores será a partir do 1-6-1998, manténdose a súa vixencia ata o 31-5-1999.
Artigo 31º.-Compras de productos fabricados pola empresa.
A empresa, ademais de respectarlle ós traballadores o desconto habitual sobre o PVP do producto, realizará un desconto por pronto pagamento do 3%, condicionado a que o xuro MIBOR non supere o 9%. No caso de superar esa taxa, o desconto sería do 4%.
Para estes efectos entenderase por pronto pagamento o aboamento do producto comprado despois de ser servido.
Os beneficios previstos no presente artigo serán, así mesmo, de aplicación ós traballadores da empresa que cesasen por paso a situación de xubilación ou invalidez permanente.
Artigo 32º.-Rotura de lentes.
O traballador ou traballadora que, necesitando lentes para desenvolve-lo seu traballo, sufra ruptura destas na súa xornada de traballo, percibirá da empresa o importe da súa substitución ou reparación.
Artigo 33º.-Comisión paritaria.
Para a interpretación das cláusulas pactadas neste convenio constitúese unha comisión paritaria inte
grada por 5 membros da representación social e 5 da empresarial.
A comisión paritaria reunirase cunha periodicidade trimestral e dentro da primeira quincena do mes seguinte a cada trimestre.
Disposicións adicionais
En cumprimento do disposto no artigo 26.5º do Estatuto dos traballadores, faise consta-lo seguinte:
a) Que o número de horas anuais de traballo durante o ano 1998 será de 1.800 horas, segundo o previsto no artigo 5º deste convenio.
b) Que a remuneración anual dos traballadores desta empresa por categorías, en función do dito número de horas de traballo, é a que se consigna no anexo II.
Disposicións transitorias
Primeira.-A todo o persoal da empresa garántenselle as revisións acordadas e recollidas no artigo
11º deste convenio, con independencia dos conceptos e contías previstos nos seus anexos II e III. En concreto, os valores das primas do persoal empregado e obreiro non recollidos nos ditos anexos, así como calquera outro concepto non expresamente previsto neles, serán obxecto das revisións antes ditas.
Segunda.-O presente texto do convenio de empresa será redactado e rexistrado nas dúas linguas oficiais de Galicia, galego e castelán.
Disposicións derradeiras
Primeira.-Para o non establecido no presente convenio aplicarase o disposto na Ordenanza laboral para as industrias da madeira, Estatuto dos traballadores e demais lexislación aplicable.
Segunda.-Dada a retroactividade dos efectos económicos do presente convenio, prevista no seu artigo 2º, as diferencias que se for o caso deban aboarse ós traballadores faranse efectivas antes do día 31-5-1998.
ANEXO I
Cadro de licencias, ausencias e facilidades concedidas ós traballadores
Dist. Trans.
Motivos da licencia Tempo máximo Conceptos que se percibirán Xustificantes
Salario Antig. Activid. Incenti. Puntua. Asisten. Orde Plus
Plus
(1) Falecemento de pais, avós, fillos, netos, cónxuxe, irmáns e sogros En todo caso cinco días naturais SI SI SI NON NON NON NON NON NON Noticia necrolóxica e/ou documento no que se acredite o parentesco
(2) Enfermidade grave de pais, sogros, fillos, netos, cónxuxe, irmáns e avós Tres días naturais ampliables a cinco no caso de desprazamento SI SI SI NON NON NON NON NON NON Certificado médico. Deberá constar especificación gravidade
Falecemento de noras, xenros, cuñados e avós políticos Dous días naturais en todo caso SI SI SI NON NON NON NON NON NON Noticia necrolóxica e documento acreditativo do parentesco Enfermidade grave de noras, xenros, avós políticos e cuñados Dous días naturais ampliables a catro no caso de desprazamento SI SI SI NON NON NON NON NON NON Certificado médico. Deberá constar especificación gravidade Falecemento de curmáns, tíos bisavós e sobriños, cando convivan co traballador Un día laborable SI SI SI NON NON NON NON NON NON Noticia necrolóxica e/ou documento acreditativo do parentesco e certificado de convivencia Nacemento de fillo Tres días laborables ampliables a cinco en caso de desprazamento SI SI SI NON NON NON NON NON NON Libro de familia ou certificación do xulgado Matrimonio do traballador/a 15 días naturais SI SI SI NON NON NON NON NON NON Libro de familia ou certificación do xulgado Matrimonio de fillos o irmáns e novas nupcias de pais 1 día natural SI SI SI NON NON NON NON NON NON Certificado do xulgado ou igrexa. Sempre que se acredite parentesco, invitación Traslado de domicilio habitual (traslado de enxoval doméstico) 1 día laborable SI SI SI NON NON NON NON NON NON Certificado do servicio de empadroamento Enfermidade e consulta médica: a) Consulta especialista S.O.E. prescrita por médico medicina xeral -Polo tempo necesario. Maximo 5 horas/día SI SI SI NON SI SI SI SI SI -Copia volante médico medicina xeral S.O.E. Xustificante asistencia médico especialista b) Consulta médico medicina xeral -4 horas/día. Máximo 18 horas/ano SI SI SI NON SI SI SI SI SI -Certificado médico S.O.E. ou outras institucións c) Enfermidade con baixa oficial -3 primeiros días NON NON NON NON NON NON NON NON NON Parte de baixa
Accidente de traballo Día do accidente SI SI SI Proporcional SI SI SI SI SI Xustificante servizo médico, confirmado parte accidente da empresa
Dist. Trans.
Motivos da licencia Tempo máximo Conceptos que se percibirán Xustificantes
Salario Antig. Activid. Incenti. Puntua. Asisten. Orde Plus
Plus
(se prospera a reclamación)
(se non prospera a reclamación)
Lactación 1 hora/día seguida ou reducción xornada œ h.(9 meses desde nacemento) a elección da traballadora SI SI SI NON SI SI SI SI SI Cargo sindical ou público O tempo legal. Cargos sindicais 15 horas mensuales SI SI SI SI SI SI SI SI SI O que proceda Deber inescusable de carácter público: a) Eleccións Polo tempo necesario SI SI SI SI SI SI SI SI SI Certificado mesa electoral
b) Tribunais ordinarios: -Testemuña Citación -Demandante -Demandado
c) Xulgados do social: -Testemuña Polo tempo necesario SI SI SI NON SI SI SI SI SI Citación
-Demandante
Polo tempo necesario SI SI SI NON SI SI SI SI SI Citación
-Demandante
d) Citación a quintas Polo tempo necesario SI SI SI SI SI SI SI SI SI Xustificante de citación
2) O tempo máximo de licencia concedido para este suposto poderá desfrutarse na súa equivalencia en horas.1) De concidir esta licencia en período vacacional do traballador, interromperase este, en todo caso, durante a licencia.
ANEXO II
Táboa de salarios anuais Pérez Leirós, S.A. 1998
1ª Columna2ª Columna
DiarioMensual DíaMes
natural
Categorías Salarios
Actividade
Puntualidade Orde Asistencia Transp. Inc. Produc. Total ano
1) Persoal obreiro Encargado xeral 1.398.670 241.605 7.425 24.525 23.625 87.975 221.625 2.005.450 Encargado de sección 1.357.265 234.325 7.425 24.525 23.625 87.975 221.625 1.956.765 Ofic. preparador-trazador 1.318.135 227.955 7.425 24.525 23.625 87.975 221.625 1.911.265 Oficial de 1ª 1.280.370 220.220 7.425 24.525 23.625 87.975 221.625 1.865.765 Oficial de 2ª 1.247.610 213.395 7.425 24.525 23.625 87.975 221.625 1.826.180 Especialista serie/semiserie 1.182.545 199.745 7.425 24.525 23.625 87.975 221.625 1.747.465 Oficial montador/oficial 3ª 1.209.390 203.385 7.425 24.525 23.625 87.975 221.625 1.777.950 Axudante 1.182.545 199.745 7.425 24.525 23.625 87.975 221.625 1.747.465 Peón 1.139.320 191.555 7.425 24.525 23.625 87.975 196.594 1.671.019 Aprendiz 1.071.980 179.270 7.425 24.525 23.625 87.975 1.394.800
2) Persoal subalterno Capataz peóns especialistas 1.171.770 216.570 7.425 24.525 23.625 87.975 1.531.890 Capataz de peóns 1.167.105 199.620 7.425 24.525 23.625 87.975 1.510.275 Almaceneiro 1.161.285 198.705 7.425 24.525 23.625 87.975 1.503.540 Conductor vehículos mecánicos 1ª 1.266.495 218.235 7.425 24.525 23.625 87.975 1.628.280 Conductor vehículos mecánicos 2ª 1.234.575 211.155 7.425 24.525 23.625 87.975 1.589.280 Garda ou vixilante 1.122.255 190.590 7.425 24.525 23.625 87.975 1.456.395 Ordenanza 1.122.255 190.590 7.425 24.525 23.625 87.975 1.456.395 Porteiro 1.122.255 190.590 7.425 24.525 23.625 87.975 1.456.395 Mozo dos recados 1.059.960 181.350 7.425 24.525 23.625 87.975 1.384.860 Persoal limpeza xornada comp. 1.139.320 191.555 7.425 24.525 23.625 87.975 196.594 1.671.019 Persoal limpeza por horas
3) Persoal administrativo e mercantil Xefe de oficina 1.490.490 256.455 7.425 24.525 23.625 87.975 196.594 2.087.089 Oficial administrativo 1ª 1.354.935 233.175 7.425 24.525 23.625 87.975 196.594 1.928.254 Oficial administrativo 2ª 1.241.835 213.375 7.425 24.525 23.625 87.975 196.594 1.795.354 Auxiliar administrativo 1.124.910 192.510 7.425 24.525 23.625 87.975 196.594 1.657.564 Aspirante administrativo 1.059.975 181.410 7.425 24.525 23.625 87.975 196.594 1.581.529 Telefonista 1.124.910 192.510 7.425 24.525 23.625 87.975 196.594 1.657.564 Viaxante/vendedor 1.241.670 213.375 7.425 24.525 23.625 87.975 196.594 1.795.189 Corredor de praza 1.124.910 194.940 7.425 24.525 23.625 87.975 196.594 1.659.994
1ª Columna2ª Columna
DiarioMensual DíaMes
natural
Categorías Salarios
Actividade
Puntualidade Orde Asistencia Transp. Inc. Produc. Total ano
Subgrupo A
4) Persoal técnico de organización do traballo Xefe de organización de 1ª 1.572.330 234.000 7.425 24.525 23.625 87.975 1.904.880 Xefe de organización de 2ª 1.454.625 222.885 7.425 24.525 23.625 87.975 1.821.060 Técnico de organización de 1ª 1.392.600 213.375 7.425 24.525 23.625 87.975 1.749.525 Técnico de organización de 2ª 1.237.380 211.770 7.425 24.525 23.625 87.975 1.592.700 Auxiliar de organización 1.124.910 192.510 7.425 24.525 23.625 87.975 1.460.970 Aspirante técnico 1.059.975 181.410 7.425 24.525 23.625 87.975 1.384.935
5) Persoal técnico
Xefe de obradoiro 1.454.625 222.885 7.425 24.525 23.625 87.975 1.821.060 Proxectista 1.392.585 222.885 7.425 24.525 23.625 87.975 1.759.020 Delineante 1.237.380 211.605 7.425 24.525 23.625 87.975 1.592.535 Auxiliar delineante 1.124.910 204.300 7.425 24.525 23.625 87.975 1.472.760
Subgrupo B Director xerente 3.084.255 532.710 7.425 24.525 23.625 87.975 3.760.515 Titulados grao superior 2.121.435 366.345 7.425 24.525 23.625 87.975 2.631.330 Titulados grao medio 1.928.610 333.075 7.425 24.525 23.625 87.975 2.405.235
ANEXO III
Táboa de salarios Pérez Leirós, S.A. 1998
1ª Columna2ª Columna
DiariaMensual
Día naturalMes
Categorías Salarios
Actividade
Puntualidade Orde Asistencia Transp.
Subgrupo A
1) Persoal obreiro Encargado xeral 3.074 531 33 109 105 391 Encargado de sección 2.983 515 33 109 105 391 Ofic. preparador-trazador 2.897 501 33 109 105 391 Oficial de 1ª 2.814 484 33 109 105 391 Oficial de 2ª 2.742 469 33 109 105 391 Especialista serie/semiserie 2.599 439 33 109 105 391 Oficial montador/oficial 3ª 2.658 447 33 109 105 391 Axudante 2.599 439 33 109 105 391 Peón 2.504 421 33 109 105 391 Aprendiz 2.356 394 33 109 105 391
2) Persoal subalterno Capataz peóns especialistas 78.118 14.438 33 109 105 391 Capataz de peóns 77.807 13.308 33 109 105 391 Almaceneiro 77.419 13.247 33 109 105 391 Conductor vehículos mecánicos 1ª 84.433 14.594 33 109 105 391 Conductor vehículos mecánicos 2ª 82.305 14.077 33 109 105 391 Garda ou vixilante 74.817 12.706 33 109 105 391 Ordenanza 74.817 12.706 33 109 105 391 Porteiro 74.817 12.706 33 109 105 391 Mozo dos recados 70.664 12.090 33 109 105 391 Persoal de limpeza xornada comp. 2.504 421 33 109 105 391 Persoal de limpeza por horas 431 ptas./hora
3) Persoal administrativo e mercantil Xefe de oficina 99.366 17.097 33 109 105 391 Oficial administrativo 1ª 90.329 15.545 33 109 105 391 Oficial administrativo 2ª 82.789 14.225 33 109 105 391 Auxiliar administrativo 74.994 12.834 33 109 105 391 Aspirante administrativo 70.665 12.094 33 109 105 391 Telefonista 74.994 12.834 33 109 105 391 Viaxante/vendedor 82.778 14.225 33 109 105 391 Corredor de praza 74.994 12.966 33 109 105 391
4) Persoal técnico de organización de traballo Xefe de organización de 1ª 101.822 15.600 33 109 105 391 Xefe de organización de 2ª 96.975 14.859 33 109 105 391 Técnico de organización de 1ª 92.840 14.225 33 109 105 391 Técnico de organización de 2ª 82.492 14.118 33 109 105 391 Auxiliar de organización 74.994 12.834 33 109 105 391 Aspirante técnico 70.665 12.094 33 109 105 391
5) Persoal técnico
Xefe de obradoiro 96.975 14.859 33 109 105 391 Proxectista 92.839 14.859 33 109 105 391 Delineante 82.492 14.197 33 109 105 391 Auxiliar delineante 74.994 113.620 33 109 105 391
Subgrupo B Director xerente 205.617 35.514 33 109 105 391 Titulados grao superior 141.617 24.423 33 109 105 391 Titulados grao medio 128.574 22.205 33 109 105 391
ANEXO IV
Incentivos
ActividadePuntos
60 puntosExceso
Categorías Valores
Encargado xeral 788263 Encargado de sección 788263 Oficial preparador-trazador 788263 Oficial de 1ª 788263 Oficial de 2ª 788263 Especialista serie/semiserie 788263 Oficial montador-oficial de 3ª 788263 Axudante 788263 Peón 699222 Persoal administrativo 699222
ANEXO V
Calendario laboral ano 1998
e pontes
Mes D.Lab Sábados Domingos Festivos Vacac.
Días ano
Xaneiro 18 5 4 2 2 31 Febreiro 20 4 4 0 0 28 Marzo 20 4 5 1 1 31 Abril 20 4 4 2 0 30 Maio 20 5 5 1 0 31 Xuño 22 4 4 0 0 30 Xullo 22 3 4 2 0 31 Agosto 6 4 5 1 15 31 Setembro 21 4 4 1 0 30 Outubro 21 5 4 1 0 31 Novembro 21 4 5 0 0 30 Decembro 14 4 4 3 6 31
Totais 225 50 52 14 24 365
ANEXO V
Festivos e vacacións
Vacacións:
1º período:
1ª quenda (persoal obreiro) do 3 ó 23 de agosto de 1998.
2ª quenda (resto persoal) do 10 de agosto ó 30 de agosto de 1998.
2º período: do 23 ó 31 de decembro de 1997.
Días de traballo ano: 225.
Horas de traballo: 1.800.
Nota: os días 2 e 5 de xaneiro e 20 de marzo serán xornadas non laborais neste ano 1998, co fin de adapta-la xornada anual ás 1.800 horas.
Xaneiro 1 Xoves Aninovo Festivo Xaneiro 6 Martes Reis Festivo Marzo 19 Xoves San Xosé Festivo Abril 9 Xoves Xoves Santo Festivo Abril 10 Venres Venres Santo Festivo Maio 1 Venres Día Intern.traball. Festivo Xullo 13 Luns S. Bieito Festivo local Xullo 25 Sábado Día de Galicia Festivo Agosto 15 Sábado Asunción da Virxe Festivo Setembro 28 Luns Luns do Cristo Festivo local Outubro 12 Luns F.N. España Festivo Decembro 7 Luns Día Constitución Festivo Decembro 8 Martes Inmaculada Festivo Decembro 25 Venres Nadal Festivo
ANEXO VI
1º Persoal obreiro:
Encargado xeral. É o productor que, nomeado pola empresa ou por delegación dela, leva a dirección, orde e organización da fábrica ou obradoiro, distribuíndo os traballos e coñecendo o que se efectúa nas distintas seccións.
Encargado de sección. É o productor nomeado pola empresa que, baixo as ordes desta ou do xefe de obradoiro, houbese, leva a dirección técnica da sección determinada e sabe executar, planear e preparar tódolos traballos dela.
Oficial preparador-trazador. É o productor que sabe interpretar toda clase de plantas e planos e sinala e prepara a madeira que ten de entregarse ós demais operarios do obradoiro.
Oficial de primeira. Inclúense nesta categoría os productores capaces de interpretar toda clase de plantas e planos, así como de trazar, de sinala-la madeira, que comenza e rematan tódolos traballos que se encomendan, sexa calquera a súa clase e estilo.
Oficial de segunda. É o productor que, dándolle xa a madeira preparada e trazada, empeza e remata o traballo que se lle encomenda, calquera que fora a súa clase e estilo.
Oficial de terceira. É o productor que, tendo realizado a aprendizaxe dun oficio determinado de xeito cualificado, realiza con responsabilidade tódalas tarefas laborais propias do seu nivel.
Especialista en serie e semiserie. É o productor que na fabricación de serie e semiserie realiza unha funcion repetida, que pode considerarse como unha fase dos traballos.
Oficial montador. É o productor que, na fabricación de serie e semiserie, chegándolle preparadas as distintas partes ou elementos do moble, ten por misión montalo, axustalo e repasalo, deixándoo a xeito para o pulimento.
Axudante. É o productor que realiza algúns dos traballos dos oficiais e os axuda no seu cometido.
Aprendiz. É aquel que, mediante oportuno contrato especial de aprendizaxe, ingresa no obradoiro para aprende-lo oficio.
Peón. É o productor que se emprega nos labores secundarios da industria para os cales só se lle require a achega da súa atención e esforzo físico.
2º Persoal subalterno:
Capataz de peóns especialistas. É o traballador que reúne condicións prácticas para poder dirixir un grupo de obreiros nos labores que esixen algo máis que có esforzo físico, como, por exemplo, operacións de carga e descarga, distribución de materiais e persoal para obte-lo mellor rendemento, maior vixilancia, etc.
Capataz de peóns. É o traballador que dirixe e vixía os traballos realizados polos peóns ordinarios e que exerce sobre eles funcións de mando.
Almaceneiro. É o traballador encargado de recibir mercadorías e despacha-los pedidos no almacén e rexistrar nos libros o movemento que houbo na xornada.
Persoal limpeza. A remuneración deste persoal, cando traballe por horas, será por hora o que polo mesmo espacio de tempo corresponde ó peón. Traballa toda a xornada, a remuneración será a xeral establecida para o peón no presente convenio.
Conductor de vehículo mecánico. É o traballador que ten como misión conduci-los vehículos de tracción mecánica dedicados ó transporte de mercadorías e materiais.
O conductor con coñecementos abondos de mecánica, para a reparación de pequenas avarías, considerarase na súa respectiva industria como oficial de primeira. O que sexa soamente conductor será considerado como oficial de segunda.
Garda ou vixilante. É o traballador que ten como encomenda gardar ou vixia-lo recinto (obradoiro, fábrica, departamento, etc.) que se lle encomende.
Ordenanza. É o traballador que ten como misión facer recados, copiar documentos na prensa, recoller e entregar correspondencia, cobrar facturas e outros cometidos propios da súa profesión.
Cando este traballador se dedique de xeito principal ó cobramento de facturas equipararase en remuneración e demais condicións de traballo ó auxiliar administrativo.
Porteiro. É o traballador que, de acordo coas instruccións recibidas dos seus superiores, coida os accesos á fábrica ou locais e realiza á vez funcións de custodia e vixilancia.
Mozo dos recados. É o traballador maior de dezaseis anos e menor de dezaoito anos, encargado de transmitir cantas mensaxes, recados ou misións se lle confíen, tanto no interior como no exterior do local onde presta os seus servicios.
Os mozos de recados, cumpridos os dezaoito anos, pasarán automaticamente a ordenanzas, se é que existe esta categoría na empresa na que traballan.
3º Persoal administrativo e mercantil:
Xefe de oficina. É o empregado, provisto ou non de poder, que leva a responsabilidade directa dunha ou máis seccións, está encargado de imprimirlles unidade.
Oficial de primeira. É o empregado que ten ó seu cargo un servicio determinado, dentro do cal exerce a iniciativa e posúe responsabilidade, con ou sen outros empregados ás súas ordes.
Consideraranse incluídos nesta categoría: o caixeiro de cobramento e pagamento, sen sinatura nin fianza; o taquimecanógrafo en lingua estranxeira; o encargado das facturas e cálculo destas, estatística, transcricións nos libros de contas correntes, diario maior e correspondencia, etc., e o encargado de cálculo e liquidacións de seguros sociais.
Oficial de segunda. É o empregado de oficina, que, con iniciativa e responsabilidade restrinxida, efectúa funcións auxiliares de contabilidade e
coadxuvantes desta, transcricións nos libros, arquivos, ficheiros e demáis traballos semellantes correspondentes á sección, negociado ou servicio ó cal pertenzan.
Auxiliar. É o empregado da oficina que, sen iniciativa, se dedica dentro da oficina a operacións elementais administrativas e, en xeral, ás puramente mecánicas inherentes ó traballo daquela.
Cando un empregado, á parte de desenvolver funcións propias das esixidas ós auxiliares no parágrafo anterior, está encargado do cometido ou cometidos que levan anexa iniciativa e responsabilidade restrinxida, deberá ser clasificado como oficial de segunda administrativo.
Aspirante. Entenderase por aspirante aquel que, cumpridos os dezaseis anos, ingresa na empresa para iniciarse nos labores propios de oficina. Transcorrido o período de proba e cumpridos os dezaoito anos, pasará a considerarse como auxiliar administrativo, no momento no que exista praza vacante nesta categoría.
Telefonista. É o empregado que ten como única e exclusiva misión a de estar ó coidado e servicio da centraliña telefónica.
Viaxante. É o empregado que, ó servicio exclusivo da empresa, realiza as habituais viaxes, segundo ruta previamente sinalada, para ofrecer artigos, tomar notas de pedidos, informa-los clientes e transmiti-los encargos recibidos, podendo ser empregado pola empresa no establecemento fóra do tempo adicado ás viaxes.
Corredor de praza. É o que ten o cometido análogo ó do viaxante na localidade ou praza asignada e a quen a empresa pode empregar igualmente no establecemento dentro da xornada de traballo nas horas libres.
4º Persoal técnico:
Xefe de organizacion de 1ª. É o técnico que, con mando directo sobre os oficiais técnicos de organización e xefes de sección da organización de segunda e ás ordes dos seus superiores, ten a responsabilidade do traballo, disciplina e seguridade do persoal, de acordo coa organización da empresa ata o límite no que quede fixada a súa autoridade polo Regulamento do réxime interior desta. A súa actuación está subordinada a motivos prefixados, dentro dos cales e con iniciativa propia, realiza toda clase de estudios de tempos e melloras con métodos, programación, formulación, inspección e control en tódolos casos. Deberá saber interpretar toda clase de planos, interpretación e distribución das fichas completas e facer avaliacións de materias precisas para traballos dos que se obteñan, os datos tanto nos planos como na obra. Poderá exercer misións de xefe dentro do ámbito das funcións referentes á utilización das máquinas, instalacións e man de obra, progreso, lanzamento, custos e resultados
económicos.
Xefe de organización de 2ª. As funcións serán en todo semellantes ás de xefe de organizacion de 1ª, coa diferencia da complexidade do traballo que se vaia desenvolver pola sección que mande, a xuízo libre da empresa.
Técnico de organización de 1ª. É o técnico que, procedente dalgunha das categorías profesionais ou de oficio, está ás ordes dos xefes da sección de 1ª ou 2ª, se estes existen, e realiza os traballos seguintes, relativos ás funcións da organización científica do traballo: cronometraxe e estudio do tempo de calquera clase, estudios de melloras de métodos na saturación de equipos de calquera número de operarios, estiacións económicas, confección das normas ou tarifas de traballo de dificultade media, confección de fichas completas, definicións de lotes ou conxuntos de traballos coa finalidade da programación, cálculos dos tempos de traballo destes, establecemento de cadros de carga, en todo-los casos; establecemento das necesidades completas de materiais, partindo de datos obtidos nos planos ou na obra, aínda contando con dificultades de apreciacións; despezamento de tódalas clases e face-los conseguintes bosquexos, inspección e control, colaboración no establecemento da orde de montaxe
para lotes de pezas ou zona de funcións de formulación xeral da producción, colaboración e resolución dos problemas de cuestionamento das dificultades medias e representacións gráficas.
Técnico de organización de 2ª. É o técnico que, ademais de face-los traballos propios de auxiliar da organización, realiza os seguintes: cronometraxe de todo tipo, colaboración na selección de datos para a confección das normas, estudio dos métodos de traballo e dificultade media e saturación de equipo de ata tres variables, confección e fichas completas de dificultade media, estimacións económicas, informador de obra con difilcultades de apreciación na toma de datos, definición de conxunto de traballo con indicacións precisas dos seus superiores, cálculos de tempo tomados sobre plano e obra de dificultade media, despezamento de dificultades medias e face-lo conseguinte bosquexo, avaliación das necesidades en materiais no caso de dificultade normal, inspección e control, colaboración en funcións de formulación e representacións gráficas.
Auxiliar de organización. É o empregado maior de dezaoito anos que realiza os traballos sinxelos de organización científica do traballo, tales como cronometraxes sinxelas, acumulación de datos con directrices ben definidas, revisión e confección de follas de traballo, análise e pagamento, control de operacións sinxelas, arquivo e numeración de planos e documentos, fichas de materiais e fichas de movementos de pedidos (labor esencialmente de transcrición de información), cálculos de tempo partindo de datos e normas ou tarifas ben definidas e representacións gráficas.
Aspirante técnico. Entenderase por aspirante aquel que, cumpridos os dezaseis anos, ingresa na
empresa para iniciarse nos labores propios da organización do traballo.
5º Persoal técnico:
Subgrupo A:
Xefe de obradoiro. É o empregado que asume a xefatura do obradoiro, sendo da súa incumbencia a organización e responsabilidade de traballo que nel se realiza, face-los bosquexos de ferramentas, dispositivos e utensilios que se precisen; a vixilancia do gasto, tanto destes coma dos combustibles; enerxía, lubricantes, etc..., a redacción de orzamentos, o estudio de producción, rendemento e elementos necesarios para mellora-la fabricación.
Proxectista. É aquel empregado que, en calidade de director artístico, intervén na confección e execución dos planos e debuxos, debendo ter coñecementos para proxectar en esbozo e adopta-los que logo deben desenvolver.
Delineante. É o empregado que está capacitado para o completo desenvolvemento do proxecto, tales coma levantamento de planos de conxunto e detalle, sexan do natural ou do esquema e anteproxectos estudiados; interpretación de planos, cubicacións e transportacións de menor contía.
Auxiliar analista. É aquel, empregado que, ás ordes dos seus superiores técnicos, efectúa probas en serie e análise, aténdose exclusivamente ás instruccións recibidas.
Subgrupo B:
Titulados de grao superior e grao medio. É o que está en posesión dun título ou diploma oficial de grao superior ou medio, que está unido á empresa por un vínculo de relación laboral concertado, en razón do título que posúe para exercer funcións específicas para as que este o habilita e sempre que preste os seus servicios na empresa con carácter exclusivo ou preferente.
6582
