O Pleno do Concello de Santiago de Compostela, en sesión do 27 de xuño, 22 de xullo e 25 de abril de 1997, aprobou definitivamente os plans parciais dos solos urbanizables programados SUP-5 na Choupana, SUP-3 en Pontepedriña e SUP-1 en Romero Donallo, respectivamente, con resolución das alegacións presentadas polos interesados no trámite de exposición pública.

De conformidade co disposto polo artigo 48.2º da Lei do solo de Galicia publicouse o texto íntegro da normativa urbanística dos plans parciais definitivamente aprobados nos Boletíns Oficiais da Provincia números 117, do 25 de maio (SUP-5), 118, do 26 de maio (SUP-3) e 126, do 4 de xuño de 1998 (SUP-1).

Contra o acto de aprobación definitiva poderase interpor recurso contencioso-administrativo perante o Tribunal Superior de Xustiza de Galicia no prazo de dous meses, contado desde a súa publicación no Diario Oficial de Galicia.

Santiago de Compostela, 9 de xuño de 1998.

O alcalde

Rubricado

6827