Advertidos erros no texto da citada resolución, publicada no Diario Oficial de Galicia nº 125, con data do 1 de xullo de 1998, cómpre face-las seguintes correccións:
1. Na páxina 7.469, columna da esquerda, liña 28, onde di: «a) Clasificación: grupo I, subgrupo 1, categoría B», debe dicir: «a) Clasificación: non se esixe.».
2. Na páxina 7.469, columna da esquerda, liña 29, onde di: «b) Outros requisitos:», debe dicir: «b) Outros requisitos: a solvencia económica e financeira acreditarase mediante informe dunha institución financeira en relación co traballo obxecto desta licitación.».
«A xustificación da solvencia técnica ou profesional xustificarase polos medios seguintes:»
«-Copias autenticadas das titulacións académicas e profesionais dos empresarios e do persoal da dirección da empresa e, en particular, do persoal responsable da execución do contrato.».
«-Declaración xurada do empresario na que consten os principais servicios ou traballos realizados nos últimos tres anos, que inclúa importe, datas e beneficiarios públicos ou privados deles.».
«Non obstante, se o licitador posúe clasificación vixente como grupo I, subgrupo 1, categoría B, quedará eximido da presentación dos documentos ós que se refiren os parágrafos anteriores.».
6792