A Comisión Municipal de Goberno, en sesión ordinaria celebrada con data do 11 de xuño adoptou, entre outros, o seguinte acordo:
1. Desestimar integramente as alegacións de Odilo Díaz Fernández, José Carlos Hernán Marín, Enrique López Turia, José Carrillo González e Celia Blanco Cofán, con base nos informes dos Servicios de Arquitectura e Enxeñería e do departamento de Xestión e Promoción Urbana que se trasladarán ós interesados para os efectos de motivación.
2. Aprobar definitivamente por instancia de Antonio Guedella Álvarez, o proxecto de urbanización do SU-5 zona 10 do PXOU de Ourense, condicionada á previa constitución de garantía polo importe de 28.800.000 ptas., vinteoito millóns oitocentas mil pesetas (para a primeira fase) e de 4.110.000 ptas., catro millóns cento dez mil pesetas (para a segunda fase) co obxecto de asegura-la correcta execución das obras e o seu carácter previo ou simultáneo coas da edificación.
Esta resolución esgota a vía administrativa, polo que é potestativa a interposición do recurso contencioso-administrativo ante a xurisdicción competente no prazo de dous meses, que comezará a partir do día seguinte ó da presente publicación.
Non obstante o recurso indicado, poderá utilizar outros que así crese conveniente.
Este anuncio suple as circunstancias que puidesen concorrer no disposto na Lei 30/1992, do 26 de novembro.
Ourense, 19 de xuño de 1998.
Manuel Jaime Cabezas Enríquez
Alcalde-presidente
6021