O director xerente de Atención Primaria da Coruña-Ferrol, área da Coruña, en virtude das atribucións que lle foron delegadas conforme o establecido no artigo 7 da Orde do 22 de maio de 1996 (DOG nº 111, do 6 de xuño) da Consellería de Sanidade e Servicios Sociais, e unha vez cumpridos os trámites administrativos correspondentes, resolve anuncia-la contratación do servicio que a seguir se cita:

Obxecto: servicio de vixilancia para o P.A.C. de Teixeiro-Curtis.

Orzamento: 8.760.000 ptas., (IVE incluído).

Garantía provisional: 175.200 ptas.

Forma de adxudicación: concurso público polo procedemento aberto e trámite ordinario.

Recepción do servicio: ver prego de cláusulas administrativas particulares.

Admisión de variantes: non se admiten.

Solvencia económica e técnica: ver prego de cláusulas administrativas particulares.

Criterios de adxudicación: a adxudicación realizarase tendo en conta os criterios que a continuación se especifican:

1. Prezo: 60%.

2. Calidade: 25%.

3. Medios auxiliares, equipo técnico e experiencia: 15%.

Documentación de interese para os licitadores: o prego de cláusulas administrativas particulares e demais documentación complementaria poden ser soliciatados no Departamento de Subministración da Xerencia de Atención Primaria da Coruña-Ferrol, área da Coruña, rúa Pasteur, nº 22 (polígono A Grela), 15008 A Coruña. Tfono: 981 25 14 50, fax: 25 16 66 en días hábiles desde as 9 ata as 14 horas.

Presentación de proposicións: as proposicións deberanse presentar en man, en sobres pechados e asinados polo licitador ou persoa que o represente, no rexistro xeral da Xerencia de Atención Primaria da Coruña-Ferrol, área da Coruña, rúa Xeneral Sir John Moore, nº 2, 15001 A Coruña, planta terceira, antes das 14 horas do vixésimo sexto día natural contado a partir do seguinte ó da publicación da presente resolución no DOG; ou por correo, na forma indicada no punto 9.1 do prego de cláusulas administrativas.

Apertura de proposicións: a apertura das proposicións admitidas será realizada pola mesa de contratación reunida para tal efecto, en acto público, na sala de xuntas da Xerencia de Atención Primaria, sita na Coruña na rúa Xeneral Sir John Moore, nº 2, ás 10 horas do décimo primeiro día natural contado a partir do seguinte a aquel no que remate o prazo de presentación de ofertas. No caso de que o devandito día coincida en sábado ou festivo, a apertura de proposicións terá lugar o seguinte día hábil.

Documentación que terán que presenta-los licitadores: os documentos sinalados no prego de cláusulas administrativas particulares.

Anuncios: o pagamento dos anuncios do presente concurso será por conta do adxudicatario do contrato.

A Coruña, 13 de abril de 1998.

Luís Verde Remeseiro

Director-xerente de Atención Primaria

da Coruña-Ferrol

6567