O Concello de Calvos de Randín (Ourense), en sesión celebrada o día 6 de marzo de 1998, aprobou o proxecto de estrada Xinzo de Limia, Os Blancos, Calvos de Randín, fronteira de Portugal, obra nº 10, Interreg II e na mesma sesión acordou solicitar da Xunta de Galicia a declaración de urxente ocupación dos bens e dereitos afectados pola expropiación forzosa ó abeiro do disposto no artigo 52 da Lei de expropiación forzosa.
Os bens nos que se concreta a declaración de urxente ocupación están determinados no expediente que se someteu a información pública.
A Dirección Xeral de Urbanismo da Consellería de Política Territorial, Obras Públicas e Vivenda emitiu informe favorable.
Considérase necesaria a declaración de urxente ocupación dos bens e dereitos precisos para a realización das obras do proxecto técnico sinalado, porque os terreos se precisan para inicia-las obras nos prazos sinalados pola normativa ó respecto, tendo en conta que a obra está incluída no Plan Interreg 1997 e, por outra banda con ela preténdese resolver un problema de comunicación defectuosa entre este municipio e o municipio cabeceira da mancomunidade á que pertence, creándose ó mesmo tempo infraestructuras que faciliten unha mellor comunicación co norte de Portugal.
A competencia para a declaración da urxente ocupación correspóndelle ó Consello da Xunta de Galicia segundo o disposto nos artigos 27.2º e 28.2º do Estatuto de autonomía de Galicia.
Na súa virtude e por proposta do conselleiro de Xustiza, Interior e Relacións Laborais e logo de deliberación do Consello da Xunta de Galicia na súa reunión do día vintecinco de xuño de mil novecentos noventa e oito,
DISPOÑO:
Artigo único.-De conformidade co disposto no artigo 52 da Lei de expropiación forzosa, declárase a urxente ocupación, polo Concello de Calvos de Randín (Ourense) para efectos de expropiación forzosa, dos bens e dereitos concretados no expediente administrativo instruído para o efecto e necesarios para a execución das obras do proxecto: estrada Xinzo
de Limia, Os Blancos, Calvos de Randín, fronteira de Portugal, obra nº 10, Interreg II.
Santiago de Compostela, vintecinco de xuño de mil novecentos noventa e oito.
Manuel Fraga Iribarne
Presidente
Jesús C. Palmou Lorenzo
Conselleiro de Xustiza, Interior e Relacións Laborais
5503
