O artigo 8 da Orde do 28 de xaneiro de 1998, pola que se regula a concesión de subvencións a empresas privadas para accións de promoción da lingua galega (DOG do 3 de marzo), establece a composición da comisión de avaliación que será competente para a valoración do informe-proposta de concesión, denegación ou exclusión, se fose o caso, das subvencións.
Ó ter comunicado o titular da Xefatura da Sección de Xestión e Coordinación Lingüística, membro da mencionada comisión, a súa abstención de acordo co previsto no artigo 28.2º.a) da Lei 30/1992, do 26 de novembro, do réxime xurídico das administracións públicas e do procedemento administrativo común,
DISPOÑO:
1. Procede a abstención do titular da xefatura da Sección de Xestión e Coordinación Lingüística do Servicio de Xestión e Promoción Lingüística da Dirección Xeral de Política Lingüística.
2. O titular da Xefatura do Servicio de Plans e Programas do Ensino da Lingua Galega da Dirección Xeral de Política Lingüística queda nomeado membro da comisión de avaliación prevista no artigo 8 da Orde do 28 de xaneiro de 1998, pola que se regula a concesión de subvencións a empresas privadas para accións de promoción da lingua galega (DOG do 3 de marzo), e que será competente para a valoración do informe-proposta de concesión, denegación ou exclusión, se fose o caso, das subvencións.
Santiago de Compostela, 2 de xullo de 1998.
Celso Currás Fernández
Conselleiro de Educación e Ordenación Universitaria
6546