O Consello da Xerencia Municipal de Urbanismo, en sesión celebrada o 28 de maio de 1998, acordou aprobar inicialmente o proxecto de urbanización dos terreos da fábrica de Refrey, conforme a documentación presentada por La Bouza Sur S.L., e redactado polo arquitecto José E. Pérez-Ardá Criado e o enxeñeiro técnico de obras públicas Luis A. Navarro Carbajal.

Sométese a información pública polo prazo dun mes, mediante inserción de anuncios no DOG, e un xornal dos de maior circulación da provincia e taboleiro de anuncios da Casa do Concello.

Signifícase que o prazo de exposición ó público se entendera aberto desde a primeira publicación ata o remate do mes contados desde o derradeiro anuncio. A documentación atópase na oficina de información da Xerencia Municipal de Urbanismo ó dispor do público, na planta baixa da Casa do Concello.

O presente anuncio servirá de notificación nos termos do artigo 59 da Lei de réxime xurídico das administracións públicas e do procedemento administrativo común para tódolos propietarios e interesados directamente afectados que, por resultaren descoñecidos ou ignorando o seu enderezo, non poidan ser notificados persoalmente.

Vigo, 16 de xuño de 1998.

Manuel Pérez Álvarez

Alcalde-presidente da Xerencia Municipal

de Urbanismo

5776