O artigo 39.5º da Lei orgánica 1/1990, do 3 de outubro, de ordenación xeral do sistema educativo, establece que poderán cursarse estudios de música e de danza en escolas específicas. Ademais, a Orde do 11 de marzo de 1993 (DOG do 22 de abril) regula as condicións de creación e funcionamento destas escolas na Comunidade Autónoma de Galicia.
Por outra banda, o Decreto 346/1996, do 13 de setembro, establece no seu artigo 1 que lle corresponden á Consellería de Educación e Ordenación Universitaria as competencias de planificación, regulación e administración do ensino en toda a súa extensión.
Presentada a solicitude de inclusión no Rexistro de Escolas de Música pola Asociación Amigos da Música de Salceda de Caselas, os servicios competentes da Consellería de Educación e Ordenación Universitaria comprobaron a efectividade do cum
primento dos requisitos esixidos na Orde do 11 de marzo de 1993.
Na súa virtude,
DISPOÑO:
Primeiro.-A Asociación Amigos da Música de Salceda de Caselas, da que se sinalan os datos no anexo a esta orde, queda incluída no Rexistro de Escolas de Música.
Segundo.-A asociación citada no dito anexo queda sometida ó réxime de escolas de música segundo establece a Orde do 11 de marzo de 1993 (DOG do 22 de abril) e ós servicios de inspección correspondentes.
Disposicións derradeiras
Primeira.-Facúltase o director xeral de Centros e Inspección Educativa para dicta-las disposicións necesarias para o desenvolvemento desta orde.
Segunda.-A presente orde entrará en vigor o día seguinte ó da súa publicación no Diario Oficial de Galicia.
Santiago de Compostela, 11 de xuño de 1998.
Celso Currás Fernández
Conselleiro de Educación e Ordenación
Universitaria
ANEXO
Denominación específica: Asociación Amigos da Música.
Titular: Concello de Salceda de Caselas.
Enderezo: Dr. Zunzunegui.
Localidade: Salceda de Caselas.
Concello: Salceda de Caselas.
Provincia: Pontevedra.
5537