A Dirección Xerencia do Hospital Provincial de Pontevedra, en virtude das atribucións que lle foron delegadas de acordo co establecido na orde da Consellería de Sanidade e Servicios Sociais do 21 de abril de 1998 (DOG 88 do 11 de maio), sobre delegación de competencias en órganos centrais e peri

féricos do Sergas, convoca o seguinte concurso público:

1. Obxecto e orzamento:

a) Contratación de: realización da obra de reforma da entrada principal, vestíbulo e marquesiña de acceso do Hospital Provincial de Pontevedra.

b) Orzamento: 13.599.904 ptas. (trece millóns cincocentas noventa e nove mil novecentas catro pesetas).

2. Prazo de execución: o prazo de execución será de 60 días máximo iniciándose o seu cómputo o día seguinte ó da comprobación do replanteo, salvo que haxa reserva fundada que impida o seu comezo.

3. Forma de adxudicación: procedemento aberto por medio de concurso público, trámite urxente, nº 7/1998.

4. Admisión de variantes: non se admiten variantes. O proxecto básico e de execución da obra está á disposición no Servicio de Subministración e Contratación.

5. Fianza provisional: a contía da fianza provisional (por valor do 2% do orzamento total do contrato) é de duascentas setenta e unha mil novecentas noventa pesetas. (271.990.ptas.)

6. Criterios de adxudicación:

1º Programa e prazo de execución: ata 5 puntos.

2º Obra análoga: ata 4 puntos.

3º Volume executado na Comunidade Autónoma nos últimos 5 anos: ata 4 puntos.

4º Delegado de obra: ata 4 puntos.

5º Control de calidade: ata 4 puntos.

6º Equipo, maquinaria e medios: ata 3 puntos.

7. Solvencia económica: acreditarase segundo o exposto no artigo 16 da Lei 13/1995, de contratos das administracións públicas.

8. Solvencia técnica: acreditarase por algún dos documentos sinalados no anexo II do prego.

9. Documentación de interese para os licitadores: os pregos de cláusulas administrativas particulares e prescricións técnicas e demais documentación complementaria poden ser solicitados no servicio de subministración e contratación administrativa do Hospital Provincial de Pontevedra, r/ Loureiro Crespo nº 1, das 9 ás 14 horas, de luns a venres. (Teléfono: 986 80 70 03 e fax: 986 84 79 41).

10. Presentación de proposicións: deberanse presentar en man, en sobres pechados e asinados polo licitador ou persoa que o represente, no rexistro xeral deste complexo hospitalario, antes das 14 horas do décimo terceiro día natural contado desde o seguinte ó da publicación desta resolución no DOG, ou enviadas por correo dentro do prazo sinalado.

Cando as proposicións se envíen por correo, o licitador deberá xustifica-la data de imposición do envío na oficina de correos e anunciarlle ó órgano de contratación a remisión da oferta mediante fax

986 84 79 41 ou telegrama no mesmo día, de conformidade coa lexislación vixente.

11. Apertura de proposicións: terá lugar nun acto público na sala de xuntas do Hospital Provincial de Pontevedra ás 9 horas do décimo primeiro día natural contado desde o seguinte día a aquel en que remate o prazo de presentación de ofertas. No caso de que o devandito día coincida en sábado ou festivo, a apertura das proposicións terá lugar no día hábil seguinte.

12. Documentación que deberán achega-los licitadores: os documentos que figuran no prego de cláusulas administrativas particulares.

13. Anuncios: o pagamento dos anuncios do presente concurso público será por conta do adxudicatario/s do contrato.

Pontevedra, 19 de xuño de 1998.

Alfredo García Iglesias

Director xerente do Hospital Provincial

de Pontevedra

6162