1. Contrato de subministración: subministración de material informático (nove ordenadores, nove impresoras, unha impresora color, nove licencias Microsoft-Office e un módem) para os distintos servicios do organismo autónomo Augas de Galicia.

Orzamento: tres millóns seiscentas quince mil pesetas (3.615.000 ptas.).

(Declarado urxente ó abeiro do establecido no artigo 72 da Lei de contratos das administracións públicas).

2. Documentos de interese para os licitadores: o prego de cláusulas administrativas particulares, así como o prego de prescricións técnicas, estará de manifesto e á disposición dos concursantes, para o seu exame, durante o prazo de presentación das proposicións, os días e horas hábiles de oficina, no organismo autónomo Augas de Galicia -Consellería de Política Territorial, Obras Públicas e Vivenda-, edificios administrativos de San Caetano, Santiago de Compostela.

4. Modelo de proposición: proposición económica formulada estrictamente conforme o modelo que se achega ós pregos de cláusulas administrativas particulares.

5. Prazo e lugar para a presentación de proposicións: as proposicións deberán de presentarse en sobre pechado no rexistro xeral da Consellería de Política Territorial, Obras Públicas e Vivenda ou mediante calquera dos procedementos establecidos no artigo 38.4º da Lei 30/1992, do 20 de novembro, e no caso de seren enviadas por correo dentro do prazo de admisión indicado, xustificarase a data de imposición do envío comunicándollo a este organismo mediante télex ou telegrama no mesmo día.

O prazo de admisión das proposicións terminará ás doce horas do décimo terceiro día natural, que non coincida en sábado, seguinte ó da publicación deste anuncio no Diario Oficial de Galicia.

6. Apertura das proposicións: a apertura das proposicions será realizada pola mesa de contratación, na sala de xuntas da Consellería de Política Territorial, Obras Pdblicas e Vivenda, ás dez horas do quinto día natural que non coincida en sábado, contado a partir do último día de presentación de proposicións.

7. Documentos que deben presenta-los licitadores: os que figuran no prego de cláusulas administrativas particulares.

O importe do presente anuncio será por conta dos adxudicatarios.

Santiago de Compostela, 22 de xuño de 1998.

Emilio García Gallego

Presidente do organismo autónomo Augas

de Galicia

6134