Por Resolución do 25 de setembro de 1997, fíxose pública a convocatoria das probas para a contratación como persoal laboral fixo de varias prazas no ente público Portos de Galicia, en concreto: 3 prazas de celador-gardapeiraos e 1 praza de administrativo.

En cumprimento do disposto na Lei 10/1996, do 5 de novembro, de actuación de entes e empresas nas que ten participación maioritaria a Xunta de Galicia en materia de persoal e contratación, e ó amparo da Lei 5/1994, do 29 de novembro, de creación do ente público Portos de Galicia, e segundo o acordo de delegación do Consello de Administración do 23-7-1997, faise pública a relación de excluídos provisionais nas mencionadas convocatorias.

As listas de excluídos provisionais estarán expostas polo prazo de cinco días naturais, contados a partir do día seguinte ó da presente publicación no Diario Oficial de Galicia, no taboleiro de anuncios dos servicios centrais de Portos de Galicia, en Área Central/Polígono das Fontiñas, praza de Europa, 5-A, 6º B, Santiago de Compostela, e nos taboleiros de anuncios da zona norte ( r/ Nicomedes Pastor Díaz, nº 13, 1º Lugo), zona centro (Avda. Alférez Provisional, nº 1, 1º Dta, A Coruña), e zona sur (r/ Benito Corbal, 37, 3º, Pontevedra) de Portos de Galicia.

Durante un prazo de cinco días naturais contados desde a publicación das listas poderá emendarse calquera erro que sexa emendable.

Santiago de Compostela, 23 de xuño de 1998.

Emilio García Gallego

Prsidente do ente público Portos de Galicia

5716