De conformidade co que acordou a Comisión de Goberno, na sesión do día 5 do actual, convócase concurso para a adquisición da seguinte maquinaria, destinada ós servicios agropecuarios desta deputación:

Unha lavadora de auga fría a presión, 240.000 ptas.- Unha rozadora profesional, 200.000 ptas.- Un pulverizador de mochila, 90.000 ptas.- Unha cisterna porta-xurros, 540.000 ptas.- Unha motoixada 115.000 ptas.- Un tractor, 2.500.000 ptas.- Un remolque, 415.000 ptas.- Unha furgoneta (entregarase a furgoneta OR-5776-G), 2.300.000 ptas. En tódolos prezos enténdese incluído o IVE.

As ofertas e documentación presentaranse ata as 12 horas do 13º día natural seguinte ó da publicación do anuncio e bases no BOP de Ourense e no Diario Oficial de Galicia, computándose a partir da última publicación, e a apertura de plicas realizarase no pazo provincial, ás 12 horas do día hábil seguinte, agás sábados.

Don/a..., con domicilio en..., DNI núm..., no nome propio (ou na representación de..., segundo acredita con..., informado/a do expediente e condicións para contrata-lo abastecemento que se indica da Deputación de Ourense, anunciadas no..., con data do..., comprométese ás prestacións que se expresan, polos prezos que se sinalan: concepto: lote... maquinaria... tipo de licitación... pesetas, baixa que se ofrece ou prezo ofertado... Lugar, data e sinatura.

O sobre presentarase pechado no rexistro xeral da deputación e poderá estar lacrado ou precintado. Figurará nel a seguinte inscrición: «Proposición económica para tomar parte no concurso do abastecemento de maquinaria para as explotacións agrícolas da deputación, lote nº... (ou lotes números...)». Indicará, así mesmo, a empresa licitadora.

As características da maquinaria e demais datos figuran no prego de condicións que se publica íntegro no BOP de Ourense, do 10 de xuño.

Ourense, 10 de xuño de 1998.

O presidente

Rubricado

4773