O Pleno do Concello de Vigo, en sesión celebrada o 16 de abril de 1998, acordou aprobar definitivamente o estudio de detalle na U.E. I-09 Camelias, conforme a documentación presentada por Atlas Park, S.A.; elaborada polo arquitecto José E. López Santander e visado polo COAG con datas do 26 de xuño de 1996 e do 24 de setembro de 1997 nos mesmos termos da súa aprobación inicial coa salvidade de que o vial público en escaleiras destinada á conexión entre a rúa Camelias e Hispanidade non se ocupará baixo rasante, debendo cederse integramente -incluído plano de superficie de subsolo- ó concello.

O presente anuncio servirá de notificación nos termos do artigo 59 da Lei de réxime xurídico das administracións públicas e do procedemento administrativo común para tódolos propietarios e interesados directamente afectados que, por resultaren descoñecidos ou ignorando o seu enderezo, non poidan ser notificados persoalmente.

Vigo, 11 de maio de 1998.

Manuel Pérez Álvarez

Alcalde

5684